رواية شمس تتحدي الغيوم الفصل السابع و الاربعون 47 - بقلم عبير سليم
عصام :حضرتك بتخجلني والله يابشمهندس انا معملتش حاجه ولو علية كان نفسي اعمل اللي اكبر من كده
عمر وهو يضع يده على كتف شمس :وهو فى اكتر من انك انقذت الحب اللي مابيننا وانك حميت بيتي من انه يتهد
عصام :ربنا يسعدكم ويديم بينكم المحبه وشمس تستاهل الحب ده ويارب متكونش شايل مني يابشنهندس على اللى سببته لشمس فحياتها من ألم
عمر :شايل إيه بس ياعصام ده انا لو علية عاوز اشيلك من عالارض شيل ده انت قدمتلي خدمة العمر تخيل بقى لو كنتم اتجوزتم كنت حعمل ايه بقى وديني لكنت خليتك تطلقها واتجوزها بردو
فيضحكون جميعهم ثم يستكمل كلامه :لاء، وكمان كملت جميلك معانا وحافظتلنا عالحب ده
انا مش حعاقبك لا ده انا حكافا باذن الله وانا فعلا محضرلك مفاجأة حلوة حتفرحك وحتكون نقله فحياتك بامر الله
وانت كمان يامحمد حتكون معاه وربنا يقدركم يارب على فعل الخير دايما ويجعلكم من اهله
عصام :والله انا ماعاوز حاجه أنا كان كل أملي فى الدنيا بس ان شمس تسامحني غير كده مش عاوز
عمر :شمس وانا مسامحينك ياعصام وبعدين ده شغل بردو ولازم تتعب وتبذل مجهود كمان
عصام :ربنا يقدرني واكون عند حسن ظنك فية
محمد :خلاص ياايمان ارتحتي كده
يرضيكم تقوللي لو ماوقفتش جمبي حاجي البيت واقول لمراتك انك اخدت مني اعز مااملك
والمصيبه انها عارفه مراتي مجنونه وحتصدق
إيمان :هههههه ربنا يخليك لية يابو يوسف ويريح قلبك زي ماريحتني ومتزعلش بقى قلبك أبيض
محمد :انا عمري ماازعل منك ياقمر
عمر :حقك علية انا يامحمدانت عارفها مجنونه واحنا بنعاملها معاملة الأطفال
إيمان :بقى انا مجنونه
شمس :احلى مجنونه واجدع صاحبه في الدنيا كلها عارفه لو كل الناس زيك اكيد كانت الناس حتعيش فى سعاده
إيمان :لا انا نسخه واحده بس لا تتكرر انا ثروة قوميه يابنتي
عمر:انتي فعلا مش ممكن تتكرري تاني ياايمان ربنا يخليكي لينا يارب
إيمان :ويخليكم لية واشوفكم سعدا انا اهم حاجه عندي سعادتكم انتم
تحتضنها شمس بكل حب:انا بحبك اوي ياايمان انتي هدية من ربنا قادرة تسعد كل اللي حواليها ربنا يجعلك نصيب من السعاده يارب
إيمان :وانت ياعصام انا سمعت انك جبت بنوته حلوة بقى واللا شبهك
عصام :شبه نيرة اختي بالظبط
شمس:نيرة ياحبيبتي وحشتني اوى عامله ايه
عصام :الحمد لله والله بخير وعلى فكرة دايما بتسال عنك
ثم يقوم بإخراج صورة ابنته ليريها لهم فيعجبون بها ويدعون الله ان يبارك له فيها
وهو أيضا يدعو لهم الله أن يرزقهم الذرية الصالحة
يستمر الحوار بينهم حتى يتأكد الجميع من ان النفوس هدأت واخرجت القلوب بما تحويه داخلها
وطبعا عصام اتعلم من اللي حصلله واستفاد من التجربه اللي مر بيها وكمان حيقدر يتكلم مع الكل وهو مش حاسس انه منبوذ ومكروه
وطبعا القعده ماخلتش من مواقف ايمان الكوميديه اللى بتضفي على المكان بهجه وسعاده
😎😎😎😎😎😎😎😎😎
•تابع الفصل التالي "رواية شمس تتحدي الغيوم" اضغط على اسم الرواية