رواية شمس تتحدي الغيوم الفصل الخمسون 50 - بقلم عبير سليم
الفصل الخمسون من رواية شمس تتحدى الغيوم
بقلمي:عبير سليم
🌺🌺🌺🌺🌺🌺
ليست كل الأحزان نهاية الحياة فاحيانا كثيرة تكون بداية حياة جديده تفتح ذراعيها لنا
تأخذنا فى احضانها لننعم بدفئها ننعم بتلك السعاده التى حرمنا منها القدر
🌺تفتح عينيها وعلى ووجهها ابتسامه جميله تذوب لها القلوب فتجده أمام اعينها ينظر لها نظرة يشع منها الحب بل العشق لها
صباح الخير ياحبيبي
علاء :صباح الفل والياسمين يا قلب حبيبك
نيرة :هى الساعه كام دلوقتي
علاء:الساعه اربعه العصر ياحبيبتي
نيرة:ياخبر معقوله انا نمت ده كله مصحتنيش ليه بس ياعلاء
علاء:حبيبتى انتي بقالك اسبوعين مارتاحتيش مشاوير وفرش الشقه وتعبتي اوى ولقيتك تعبانه سيبتك تنامي براحتك
نيرة :أيوة بس انا على كده سبتك تسهر لوحدك فى أول ليله لينا ونمت انا يعني
علاء :حبيبتى العمر لسه قدامنا وان شاء الله نعيش ونفرح ونتهنى ونعوض الليله دي بليالي تفضل محفورة جوانا العمر كله
نيرة :حبيبي انا كل ثانيه بعيشها معاك حفضل فاكراها وعمري ماحنساها ابدا
علاء :بتحبينى يانيرة زى ما بحبك
فتنظر له بخجل:أيوة ياعلاء
علاء :أيوة إيه
نيرة :ههههههه ايوة بحبك بحبك اوى ياعلاء
علاء :حبيبة قلبي يا ناس يااه يانيرة متعرفيش انا حاسس بايه وانتي بين ايديه ومعايا انا فضلت ليالي احلم كل يوم انك معايا واول ماافتح عينيه واكتشف انه كان حلم ازعل أوى واقول معقوله يتحول لحقيقه معقوله ممكن ييجي اليوم اللى نبقى فيه مع بعض فى شقه واحده مقفول علينا باب واحد
حلم كان بعيد اوى ياحبيبتي
نيرة:واهوه بقى حقيقه ياعلاء
علاء :احلى وأجمل حقيقه فى الدنيا كلها
نيرة:طب قللي بقى بصراحه امتى حسيت انك بتحبني
علاء :تصدقيني لو قلتلك من اول مرة دخلت بيتكم وشفتك فيها
نيرة :معقوله
علاء :دخلتي علينا كنتى زى الملاك حسيتك خطفتي قلبي فثانيه ولما بدأتي تتكلمي اعجبت بيكي اوى وبقيت كل مرة بشوفك فيها بحبك اكتر من المرة اللي قبليها
نيرة:طب ولما شفتني بشعري وهو منكوش وعامله شبه الهبله أكيد طبعا قلت علية شبه العفريته
علاء :هههههههههه ياسلام لو كل العفاريت يبقوا حلوين كده بالعكس ياحبيبتي ده انا وقتها قلبي كان بيتنطط من الفرحه وانا شايفك على طبيعتك كنتي جميله أوى نيرة انا بحبك اوى اوى
نيرة :ربنا يقدرني يارب واعوضك عن كل اللى فات
علاء :وجودك فحياتي نساني كل اللى فات نيرة انا معاكي اتولدت من اول وجديد حاسس اني لسه ببتدي حياتي واوعدك ياحبيبتى اني حسعدك وافرح قلبك
نيرة :ربنا يخليك ليا يارب انت اجمل هديه الزمن هداني بيها
علاء ممكن نجيب سلمى
علاء :سلمى طبعا ياحبيبتي بس هو فى حاجه
نيرة :انا اصلا مكنتش عاوزاها تمشي وهي اللى اصرت تسيبنا اسبوع الفرح وتقعد عند خالها وانا عارفه انها مش حترتاح عنده ومراة خالها حتشقيها وتتعبها الله يخليك ياعلاء تروح تجيبها
علاء: انا مش عارف اقولك ايه انتي طلعتيلي منين كنتي مستخبيه عني فين
نيرة :كل شيء باوان ياحبيبي
علاء:نيرة عاوزك تعتبري سلمى اختك هي اكبر منك صحيح لكن عقلها زي عقل الطفل الصغير حنينه وطيبه اوى لكن متسكتش عن الظلم ومتخافش ابدا مادامت متاكده انها على حق
خليها تفتحلك قلبها وتوعيها وتخليها تفوق لنفسها
نيرة :اطمن ياعلاء سلمى فعلا اختي وربنا يعلم محبتها فقلبي ازاي ده انا الود ودي تعيش نعانا على طول
علاء:نفسي ربنا يرزقها باللي يستاهل قلبها الابيض
نيرة:ان شاء الله يا حبيبي أكيد ربنا شايللها الخير
علاء :بقولك إيه انا جعان اوى ماتيجي ناكل
نيرة :حاضر حقوم احضر الاكل
علاء :لا لا الملكه بتاعتي متقومش انا اللى ححضرلك الفطار يامولاتي واجيبهولك لحد عندك
نيرة:هههههههه ملكه ومولاتى لا انا حتعود على كده
علاء :اتعودي زى مانتي عاوزة على قلبي زي العسل
نيرة:متعوده
علاء:دايما
نيرة وعلاء:هههههههههه
نيرة:هو انت جعان اوي يعني واللا ممكن ناكل كمان شويه
علاء :انا جعان حبك ياحبيبتي
نيرة :شبيك لبيك انا ملك ايديك
علاء :انتي حياتي وانا اللى ملكك ياعمري
علاء وهو يقترب منها :انا بقول فعلا نأجل الاكل شويه واللا اقولك بلاها اكل خالص
نيرة :هههههههه
علاء:لاء حرام عليكي هو انتي معندكيش اخوات صغيرين
نيرة :علاء
علاء :ياعيون علاء ياقلب علاء ياروح علاء من جوة
نيرة :متكسفنيش بقى
علاء :ياربي عالعسل وهو مكسوف قمر ياناس
انا بقول كفايه كلام بقى وندخل فى الأفعال
نحن رجال أقوال لا أفعال
نيرة :هههههههه
علاء :اللهم صل على النبي
🌺🌺🌺🌺🌺🌺🌺
تجلس أمامه وهي لاتعلم بما سترد عليه فهى لم تتخذ قرارها بعد
ينظر إليها وهو منتظر ردها:حتفضلي ساكته كده كتير ياريت تقوليلي قرارك
مياده :طب يعني هو انا لو رفضت حيحصل إيه
آدم :عادي جدا ولا حاجه
مياده :يعني حتستنى لحد ما ظروفك تسمح ونتجوز
آدم :هههههههه استنى آدم مبيستناش حد اللى عاوز يستنى على كيفه انما انا لاء
مياده :ايوة بس
آدم :مفيش بس مياده الفرصه مبتجيش غير مرة واحده بس والذكي هو اللي مبيفرطش فى الفرصه دي لما تجيله
عاوزة تفضلي قاعده لحد ماتلاقى نفسك متجوزة واحد مش عارف يعزمك مرة على اكله فمطعم ولا يقدر يخرجك ولو خرجتوا مرة تاكلوا طوب لاخر الشهر
مياده انا قلتلك قبل كده معايا حتشوفي اللى عمرك ماكنتي تحلمي بيه
مياده :ايوة بس انا مش حقدر اغيب عن البيت فترات طويله مش حعرف اشوف الدنيا اللى بتقول عليها دي لأنى مش حعرف ابرر غيابي لاهلي
حبقى خايفه وقلقانه طول الوقت ان حد يعرف ولو اهلي عرفوا حيقتلوني
آدم :يقتلوكي ده ايه انتي هبله وبعدين ماتنفصلي عنهم ايه المشكله اقولك قوليلهم جالك عقد عمل برة وحتسافري
مياده :عقد عمل
آدم :ايوة وايه المشكله وبكده حنبقى مع بعض على طول وبحريتنا
مياده:طب وحتشتريلي شقه
آدم :اللى تختاريها وحكتبهالك باسمك كمان
مياده :طب ممكن تسيبني افكر
يقف ادم ويلتقط مفاتيحه:اسف وقتك معايا خلص
مياده :فى ايه بس مالك قفشت كده ليه
ادم:مياده انا بقول الكلمه مرة واحده بس وعرضي مرة واحده وانا معنديش وقت اضيعه اكتر من كده
فى غيرك كتير يتمنى اشارة من ادم الديب
لكن انا بحبك انتي ومش عاوز غيرك لكن واضح انك ليكي رأي تاني
مياده :بجد بتحبني اوى كده
آدم :انا لو مش بحبك مكنتش حبقى هنا دلوقتى
مياده :انا موافقه
آدم :ايوة كده بكرة حنتجوز
مياده :كده بسرعه طب اديني فرصه اجهز نفسي والاقي حاجه اقولها لاهلي
آدم :لا أهلي ولا زمالك انتي لو عاوزة تتصرفي حتتصرفي
مياده :حاضر خلاص حتصرف بس بلاش بكرة طيب
آدم :يبقى بعد بكرة وده آخر كلام عندي
مياده :حاضر خلاص بس ممكن بقى تضحك فوشي شويه
آدم :ههههههه ده احنا حنضحك أوى
مياده :بس أنا قلقانه من انجي خايفه تعمل معانا مشاكل لما تعرف
آدم :وهي إيه اللي حيعرفها هو احنا عاملين فرح وحنعزم عشان تعرف
مياده انا بحذرك اياكي حد يعرف انتي فاهمه
مياده :طب هو احنا حنتجوز رسمي إمتى
آدم :انتي وشطارتك بقى
مياده:انا وشطارتي ازاي حعمل إيه يعني
آدم :كل ماحتبسطيني كل ماحعملك اللى انتي عاوزاه غير كده متسالنيش
مياده :حاضر حاضر
🌺🌺🌺🌺🌺🌺🌺🌺
فى صباح يوم جديد يستقبلها فى مكتبه
ويريها الشكل العام للتصميمات ورايها فيها:ده شكل التصميمات بصفه مبدئيه
نادين:هي بصفه مبدئيه شكلها مش بطال
بس بالنسبه لمساحة غرف الاقامه للمرضى حيكون محتواها سرير للمريض وسرير للمرافق وكرسي و توليت وملحقات صغيرة يعني مش حتاجين المساحه دي كلها
يزيد :تمام يعني حضرتك عاوزة مساحة الغرف تصغر
نادين :أيوة يابشمهندس ده بعد اذنك طبعا
يزيد :مفيش مشكله الوضع تحت ايدينا ان شاء الله
يطرق الباب ويدخل وبيديه الصينيه التى تحمل فناجين القهوة
يضعها امامهما باحترام :اي اوامر يابشمهندس
يزيد :شكرا يامجدي اتفضل انت
نادين :امال المدام اللي جبتها المرة اللي فاتت مجابتهاش ليه المرة دي
يزيد :حضرتك بتتكلمي عن إيه يادكتورة
نادين :اللي جابت القهوة المرة اللى فاتت
يزيد :انتي قصدك البشمهندسه إيمان
نادين:مهندسه
يزيد :طبعا ومن اكفا المهندسين هنا فى الشركه
نادين: اه سوري ماكنتش فاهمه
يزيد :ولا يهمك محصلش حاجه
يطرق الباب ويدخل:صباح الخير
فيردون عليه:صباح النور
يزيد:اتفضل ياعمر
يجلس عمر فيعرفه يزيد عليها ويعرفها على عمر
يزيد :البشمهندس عمر هو المسئول عن التنفيذ وحيكون الموجود في الموقع ان شاء الله
وبيساعد البشمهندسه شمس فى التصميمات وهي مجاتش النهارده فحضرتك ممكن تقوليله على التغييرات المطلوبه
عمر:معاكي يادكتورة خير إيه اللى حضرتك محتاجه تغيريه فى التصميمات
نادين:المستسفى يابشمهندس عمر حيكون فيها كل التخصصات وكل انواع التحاليل والاشعات والصيدليات كمان
فانا محتاجه عدد اكبر من الغرف من اللي موجود فى التصميمات
عمر:تمام يعني حضرتك عاوزانا نصغر حجم الغرف ونكتر عددها صح كده
نادين:ايوة بالظبط كده
عمر:تمام حضرتك حنظبط كل حاجه بالشكل اللى يريحك
نادين:ميرسي اوي لذوقك يابشمهندس
طيب انا حستئذن دلوقتى وفى انتظار بدء التنفيذ ان شاء الله
يزيد :ان شاء الله
اتفضلي حضرتك :عمر ياريت بعد اذنك توصل الدكتورة
عمر:اتفضلي حضرتك يادكتورة
نادين:مفيش داعي انا عارفه المكان كويس
عمر:لا طبعا ده حضرتك ضيفه غاليه
نادين:ميرسي اوى
يخرج عمر بصحبة نادين التى كلما وقع عليها عين احد بالشركه تساءل عن هويتها واعجب بها بداية من شكل جسمها المنحوت كعارضات الازياء وملابسها الواضح عليها الرقي والشياكه وعطرها الذي يخترق الانوف على بعد امتار
وحتى مشيتها وثقتها الواضحه بنفسها
يتحدث اليها فى بعض التفاصيل حتى باب السيارة الفارهه التى تمتلكها
يعود عمر ويدخل ليزيد مرة اخرى:متوقعتش انها بالشكل ده عارف فكرتني باشرقت مراة عمار
نفس الاستايل والجمال بس دي على عود فرنساوي كده
يزيد :هي فعلا جميله بس مش عارف ليه مش مستريحلها
عمر:معقوله طب ليه دي حتى ذوق أوي فى الكلام
يزيد :كلامها مرتب أوى مبتغلطش فكلمه تحسها زي ماتكون جايه وحافظه حتقول ايه
بتتكلم زى الانسان الآلي وانا التعامل مع النوعيه اللى زى دي بقلق منها
عمر:طيب لما هو كده ليه وافقت تبني لها المستشفى
يزيد : جوز اختها هو اللى كلمني وطلب مني
عمر:انت تعرفه
يزيد : أبدا والله بس حد من عملائنا قالله على شركتنا وهو اتصل علية وعرفني بنفسه وقاللي انه ظابط فى الشرطه وطلب مني اساعد اخت مراته لأنها لسه راجعه مصر ومتعرفش حد
عمر:وانا عارفك قلبك حنين ووافقت على طول
يزيد :ههههههههه اه بالظبط كده
المهم قللي انت وشمس حتعملوا العمليه انت
عمر:بعد بكرة ان شاء الله
يزيد مش حوصيك مش عاوز حد يعرف خصوصا بابا وماما مش عاوز اقلقهم علية
يزيد :اطمن ياعمر المهم ربنا يفرح قلبكم
عمر:يارب يايزيد هو ده الأمل الوحيد بالنسبه لنا بس انا خايف اوى يايزيد لو فشلت حتحتاج نعيدها اكتر من مرة وانا مش عاوز اتعب شمس دي ليها تحضيرات كتير اوى
يزيد :ان شاء الله حتنجح ياحبيبي وحتبقى بابا عمر
عمر:يارب يايزيد يارب
يزيد :حد حيكون معاكم واللا حتبقوا لوحديكم
عمر:إيمان حتبقى معانا شمس خايفه اوى وعاوزة ايمان معاها
يزيد :ربنا يرزقها هي كمان أحسن حسن موضوع الولاد ده حيجننه انا مش عارف هو ملهوف اوي كده ليه
عمر :كل واحد عقله مريحه
يزيد :ماشي ياعم العاقل
عمر:يزيد اعمل حسابك شمس من بكرة مش حتيجي
يزيد :ياربي طب والاوامر اللى لسه الهانم مديهالنا مين حينفذها
عمر :انا ان شاء الله
يزيد:وانت حبيبي عاوزك تنفذ اوامر الدكتور كويس
عمر :انا دوري خلص لحد كده وربنا يعدي اللى جاي على خير
يزيد :ان شاء الله يا حبيبي االطب اتطور بس النتيجه حتبان امتى بامر الله
💜💜بعد أسبوعين بأمر الله
شمس:يااه يادكتور يعني انا حفضل قلقانه لمدة أسبوعين انا كنت فاكرة انها حتبان بسرعه
الدكتور:احنا دلوقتي لقحنا البويضات عندك بالسائل من تلت ايام ودي بنسميها جنين اليوم التالت تمام
ودلوقتى جه الوقت عشان يكونوا عندك وحننتظر بأمر الله معاد العاده كأي ست عاديه
لو لاقدر الله نزلت يبقى للأسف محصلش حمل ولكن ان شاء الله فى حالة ان معادها يتأخر أسبوع حنعمل تحليل حمل عادي جدا وان شاء الله يبقى في حمل
شمس :انا خايفه اوي يادكتور ميحصلش حمل
الدكتور :كله بمشيئة الله
عمر:ونعم بالله يادكتور
الدكتور :أهم حاجه عاوز راحه تامه لمدة الأسبوعين دول مش عاوز اجهاد بدني او عصبي
عمر:حاضر يا دكتور اللي حضرتك تقول عليه حننفذه بالحرف
إيمان :شمس اهدي شويه بقى ياحبيبتي
شمس :خايفه اوى ياايمان والله ماعشاني عشان عمر سبحان الله اللي يشوفه اول جوازنا لما كان يقول عاوزين نعيش حياتنا مش عاوزين نلخم نفسنا ميشوفهوش دلوقتى وهو حيموت من الخوف
إيمان :على كده بقى اعذر جوزى انا كمان بقى
شمس :كلهم عينه واحده وحياتك الراجل راجل
تنتهي العمليه على خير وتعود شمس بصحبة عمر وإيمان الى بيتها دون محاولة اخبار احد فلم يكن احد على علم غير يزيد وعلي وسيف حتى لايقلقون الجميع ويسببون لهم فى التوتر
يساعدها زوجها على النوم فى الفراش
إيمان :شموستي انا حمشي بقى عاوزة حاجه حبيبتي
شمس :عاوزة سلامتك ياايمان ادعيلي
إيمان :حبيبتي ربنا معاكي وان شاء الله ربنا حيكرمكم ويفرح قلوبكم
شمس :أنا وانتي ياحبيبتي يارب
إيمان :خللي بالك من شمس ياعمر ياللا سلام
عمر:طب استني انزل اوصلك
إيمان :متتعبش نفسك خليك جمب شمس
عمر:مع السلامه ياايمان وسلميلي على حسن
إيمان :الله يسلمك يا عمر
تتركهم وتنزل فتجد هاله وعليا وعشق جالسين في الأسفل :مساء الخير يا أهل الدار
هاله :مساء الورد يا ايمان
إيمان :ازي حضرتك يا طنط هاله عامله ايه
هاله :الحمد لله ياحبيبتى انتي ايه اخبارك
ايمان :زي القرده
عشق:هههههههه هههههههه مامي ايمي بتقول انها قرده
إيمان :عشق حبيبة قلبي وحشتينى
عشق :انا زعلانه منك يا ايمي ومخصماكي
إيمان :ليه ياروحي انا زعلتك في ايه ياقلبي
عشق:مش بتيجي تلعبي معايا
عليا:يامفتريه دى كانت لسه من اسبوع هنا واخدتيها طول الوقت
إيمان :حقك علية ياروح قلبي بكرة ان شاء الله حجيلك ونلعب سوا ماشي
عشق:ماشي يا ايمي
إيمان :لولو القمر بتاعنا عامله ايه يا حبيبتي
عليا :الحمدلله يا حبيبتي
ايمان :حبيبتى انتي شكلك قربتي خلاص
عليا :ايوة خلاص قربت ادعيلي ياايمان
إيمان :والله العظيم بدعيلك دايما ربنا يقومك بألف سلامه
وكمان عشان البشمهندس يشوف شغله ويركز بقى
عليا :يزيد ماله
إيمان :بصي ياستي طول ماهو فى المكتب سرحان وهيمان على روحه خالص وكل ماافتح عليه الباب اظبطه متلبس
عليا:متلبس هههههههه ليه بيعمل ايه
إيمان :بيحب فيكي طبعا ماسك صورتك وعمال يقولك بحبك ياعليا ياروحي ياعليا ياعمري ياعليا يارب تقوميلي بالسلامه يالولو
عليا :ياحبيبي يايزيد
ايمان :ربنا يقومك ليه ياحبيبتى بألف سلامه
عليا :وانتي ياحبيبتى عامله ايه مع جوزك
ايمان :سونه يخرببيت فقره وحشني
عليا:هو سافر تاني انا فاكرة ان يزيد قاللي انه حينزل يشتغل معاكم قى الشركه
إيمان :ايوة ان شاء الله بس لما يصفي شغله فشرم
عليا :ان شاء الله على خير ياحبيبتي
إيمان :يارب ياحبيبتي
ثم تقف لتتحرك
هاله:رايحه فين متستني شويه مستعجله ليه بس
إيمان :سماح وحشتني حروح اغلس عليها شويه واحتمال ابات عندها الليلادي
عليا:ههههههه حماتك
انا متكلمتش معاها بس الكلام اللي سمعته عنها خلاني نفسي اشوفها بجد
إيمان :اللي يسمع غير اللي يشوف يالولو
حماتي دي نسخه واحده بس حاجه كده ملهاش حل ولا وصف تتكلم الكلام وزي مايطلع
وكله كوم وعلاقتها ببسمه بنتها كوم تاني خالص
عليا:شخصيه مسليه
إيمان :اذاعة الشرق الاوسط من القاهرة هههههههه عسل وسكر بصي تقعدي معاها تعرفي اخبار المنطقه والمناطق المجاورة مع مراعاة فروق التوقيت متشبعيش من قعدتها
انا لو قعدتك معاها بصي حتروحي معاها لآخر الدنيا وانتي مكانك
عليا:ههههههه لا انا بجد نفسي اشوفها
إيمان :بس كده من عينيه دي سموحه دي حبيبتي ياللا بقى انا حروحلها عشان عاوزاها فموصوع هام جدا
😎😎وده إيه الموضوع ده أن شاء الله
إيمان :سماح صحصحي معايا كده وركزي ده بتعلق بمستقبل فتاة بريئه
سماح:يالهوي حد ضحك عليها وحامل واللا ايه
إيمان :انتي ايه اللي بتقوليه ده يادي النيله
سماح:طب ماتقولي ياجذمه
ايمان:لا مانا مش حتكلم غير لما تقومي من على سرير الولاده ده وتفكي الربطه اللي على راسك دي وتطلعي معايا برة
سماح :مليش نفس ياايمان
إيمان :ليه بس ياسموحتي ايه اللي مزعلك ياقمر
سماح :الراجل المخفى اللى قدمت معاه فى العمرة شكله كده طلع نصاب
إيمان :يالهوي نصاب
سماح :وطي صوتك الله يحرقك انا مجبتش سيرة لحد
إيمان :مجيبتيش سيرة لحد ازاي ماهما لازم كانوا حيعرفوا وبعدين هو انتي حتطلعي من غير محرم
سماح:محرم مين هو انا بدور على عريس انا بلغت من العمر ارذله انا حطلع مع ام خالد وام مريم وام السيد جيراني اه مااحنا قلنا نروح مع بعض كده عشان نونس بعض
إيمان :ودي حتبقى عمرة دي واللا رحلة القناطر الخيريه ده انتوا حتجيبوا سيرة لا اله الا الله والعمرة حتبوظ من وانتوا هناك
خدي معاكي عمي
سماح:عمك اصلا مش بعيد اروح وارجع وهو نايم ولا حيحس اني مش فالبيت اصلا
إيمان :يالهوي ليه ياموحه يعني انتوا مفيش حاجه كده ولا كده
سماح:يااختي بلا وكسه ماخلاص شطبنا من زمان
إيمان :ليه بس ياموحه طب ده انتي تنطقي الحجر بخفة دمك دي
سماح:ربنا سادد نفسه نقول ايه بقى راجل فقري فوقتيني بعد ماكنت حنام ياجذمه قولي عاوزة ايه الله يحرقك
ايمان:توفيق
سماح :توفيق مين توفيق الدقن
إيمان :توفيق الدقن مين
سماح:اللي كان بيمثل مع اسماعيل يس ويقول احلى من الشرف مفيش وشرف البنت زى عود الكبريت ميولعش الا مرة واحده
إيمان :ههههههههه هو ده اللي انتي فاكراه
سماح:ايوة الباز افندي ساقط ابتدائيه
ماتخلصي يابت وقولي عاوزة ايه كنت حنام ياللى تنام عليكي حيطه
إيمان :توفيق ابن اخوكي
سماح :قطيعه تقطعه وتقطع سيرته ماله
إيمان :جايباله عروسه
سماح:عروسة مين دي اللي جايبهاله
إيمان :لما تقوليلي كل حاجه عنه الأول
سماح :نسخه من بسمه فى النكد يشمه من على بعد الف متر
وشه مبيضحكش فقري بس طيب وابن حلال وغلبان
بخيل ميهونش عليه القرش جلده بس نزيه يحب يلبس كويس وياكل كويس
عصبي وجعجاع بس يطلع وينزل على مفيش
عاوز امه تعملله كل انواع الاكل مع انه بياكل لقمتين ويقوم
ميخدمش حد ابدا لو قلتيله افقعلي عيني يقولك صوبعى بيوجعني
بس لو طلبت منه يعمللي مصلحه يعملهالي
لو حد طلب منه فلوس سلف يقول معييش منين لكن لو لقى حد غلبان يطلع من جيبه ويديه على طول
إيمان :انتي حتشيلليني ياسماح انتي قلتي كل صفه وعكسها يادي النيله
سماح:انتي عاوزة ايه دلوقتي
إيمان :اخللي البت تاخده واللا لاء
سماح:ياختي خليها تيجى تاخد حماكي وتريحني منه بلاهم
إيمان :سماح نامي نامي يالهوي عليكي ده انتي تشللي
سماح :تصدقي انك قليلة الأدب امشي يابت غوري على شقتك
ايمان:انا عاوزة انام فحضنك الليلادي
سماح:ياحبيبتي تعالي يامونتي ربنا يعوض عليكي يارب عشان ابن الهبله ينبط ويرتاح مجنون شبه اللي مخلفه
بت مقلتليش انتي عاوزة تجوزي المخفي ده لمين
إيمان :بنت جارتنا يتيمه حسن قاللي ان توفيق بيدور على عروسه قلت اشوفه
سماح :والله ماعارفه بصي هو طيب بس امه حربايه بس غلبانه والله ماهي قعدت عليهم وربيتهم بعد اخويا مامات برغم انه كان قارفها فعيشتها
ست اصيله والله انتي عارفه لو انا كنت مكانها وكتاب الله لكنت اتجوزت بعد ست شهور
إيمان :طب وليه تيجي على نفسك كده
سماح:يالهوي انتي عاوزة الناس تاكل وشي
اقولك خليها تاخده لا لا بلاش نشوفلها حد تاني اصل الواد توفيق ده خربان تحسيه لاسع شويه
إيمان :سماح ارحميني خلاص قطيعه تقطع توفيق على اليوم اللى سألت عنه
😎😎😎😎😎😎😎
تمر الأيام دون اى جديد هناك من كتبت له الحياة السعاده وشعر بمذاقها وتذوق حلوها بعد مرها الذي عانى منه كثيرا
وهناك من لم يعرف قلبه طعم الحب او الراحه حتى الان وهناك من يسيطر القلق عليه وبنسبه طعم النوم
هى الان في المستشفى معها صديقتها وزوجها منتظرين نتيجة التحليل على احر من الجمر
يكاد القلق ان يفتك بهم دقائق تمر وكانها سنوات وسنوات
شمس اهدي شويه ياحبيبتي مش كده
شمس :خايفه اوي ياايمان
إيمان :خير ان شاء الله
كان عمر واقف لم يستطع الجلوس فجاة ظهرت امامه الممرضه واتجهت ناحيتهم
وجوههم جميعا مسلطه عليها
ولكنهم استبشروا بابتسامتها الجميله لهم:الف مبروك فى حمل
كاد قلب شمس يكاد أن يتوقف من الفرحه
إيمان :لووووولي لوووووولي
حملها عمر بين يديه ودار بها وهو غير مصدق نفسه من الفرحه:يعني انا حبقى اب حبقى اب
ايمان وهي تحضنها :ألف مبروك يا حبيبتي الف مبروك
شمس:انا حامل ياايمان انا حامل عقبالك ياحبيبتي يآرب
كان من بالمكان ينظرون اليهم ويدعون لأنفسهم بالفرحه مثلهم
الممرضه :اتفضلوا جوة بعد اذنكم عشان الدكتور يكشف عليكي ويقولك عالتعليمات
بعد قليل تنام شمس والدكتور يكشف عليها :ألف مبروك كله تمام الكيس اهوه
عمر:هو طفل واحد يادكتور
الدكتور :بص حضرتك احنا بنحاول ان يكون فيه اكتر من جنين وارادة ربنا هي اللي بتحدد مين اللي بيعيش ومين اللي لاقدر الله مبيكملش
دلوقتي اللي قدامي انهم اتنين ممكن يكملوا وممكن واحد منهم ينزل
المهم دلوقتي راحه تامه لحد مانعدي الشهر التالت بعد كده حنتحرك عادي بس بردو بحذر
عمر :حاضر يا دكتور اللى حضرتك تؤمر بيه
فرحه غامرة تملأ القلوب الكل يهنئهم بهذا الخبر السعيد كل من فى البيت كانت السعاده تملاء قلبه
ارتمى فى احضان هاله :حتشوفي ولادي ياماما
هاله وهي تبكي :الحمد لله ياحبيبي الف حمد وشكر لك يارب
بعد ان قدم لهم الجميع التهنئه فجاة حملها عمر بين يديه
شمس :عمر نزلنى
عمر:لا انا حطلعك لحد فوق بالاذن ياجماعه
الجميع:ههههههههه
😑😑فى منتصف الليل حيث السكون التام يعلن عن صرخه قويه توقظ من فالبيت جميعهم
عليا مالك ياعليا
عليا :يزيد انا بولد يايزيد
يزيد :الدكتور محدد بعد يومين لسه
عليا:انا تعبانه اوي مش قادرة
تجمع كل من بالبيت على الصوت الذي ينذر ببداية حياة او فراق للأبد
يتم نقلها سريعا للمستشفى والكل فى حالة خوف وهلع شديد كان كل من بالبيت معهم حتى شمس لم تستطع الا تكون معهم فى تلك اللحظه الحاسمه فى حياتهم جميعا
الدكتور :ولاده لازم تدخل العمليات حالا
مينفعش تشعر بالالم اكتر من كده القلب مش حيستحمل كل ثانيه بتمر فيها خطورة على حياتها
يزيد : يارب يارب
كانت تنظر له عليا وهي تشعر بالالام تفتك بها لم يستطع فمها النطق بكلمه واحده فقط نظرت ليزيد نظرة تنم عن عشقها له وخوفها من الفراق
يزيد وهز يقبل يديها:اوعديني انك حتخرجيلي بالسلامه انا مستنيكي حتخرجبلي بالسلامه
صح ياعليا
دكتور الله يخليك انا عاوز مراتي اعمل اي حاجه المهم مراتي تعيش ابوس ايدك يادكتور مراتي لازم تعيش ضحي باى حاجه الا هيا
عليا انتي حتعيشي ياحبيبتي حتعيشي حتقوميلي بالسلامه عليا انا مقدرش اعيش من غيرك عليا اوعي تسيبيني ابوس ايدك ياعليا
عليا:بحبك
يزيد:بحبك اوى ياحبيبتي بحبك ياعليا
يبدا الممرضات فى تحضيرها للعمليات واخذها اليها سريعا
يسلم عليها الجميع وهم يبكون ويدعون لها الله ان تخرج لهم ولا يريهم فيها سوءا
بينما يزيد يمشي معها وهو ممسك بيديها
دكتور بعد اذنك انا عاوز ادخل مع مراتي
الدكتور :لاء
يزيد :ده من حقي
الدكتور :التوتر اللي حيحصل فى وجودك حيرهق قلبها اكتر مش حيريحها ادعيلها انت بس
تعلن غرفة العمليات عن غلق ابوابها فى وجوههم بينما يجلس يزيد أرضا وهو يبكي بشده
يارب يارب نجيها يارب انا مش عاوز غيرها
كان الكل يبكي ويدعو الله كان الجميع موجود بالمكان
على ومروة وعهد وسيف وهاله وشاكر وشمس وعمر وعشق التي كانت تبكي فى احضان شمس
كل منهم يتذكر ذكرياته الجميله معها ويتمنى من الله ان يراها ثانيه
تمر على يزيد جميع ذكرياته من يوم قرر زواجه منها والسعادة التى غمرت قلبه معها والعشق الذي سكن قلبه لها
عهد وذكرياتها لحب علبا واحتوائها لها بعد وفاة امها وخوفها عليها
تواءم روحها على الذي بدا يشعر بالاختناق واجهش بالبكاء الشديد لخوفه من فقدانها
شاكر الذي كان يتمتم بايات القرآن وهو مقهور القلب عليها
هاله والتي لم تشعر معها سوى بالابنه البارة المطيعه لزوجها المحبه لكل من حولها
عمر وشمس يجلسان يدعوان الله لها.
😑😑😑😑😑😑😑😑😑
ياترى ايه اللي حيحصل مين حيكون من حظه السعاده ومين حينكتب عليه الأحزان
مياده حيحصللها ايه وطمعها حيوصلها لفين
هل هاجر خلاص كده واللا لسه حنعرف حيحصللها ايه
علاء، ونيرة هل حيدوم الحب بينهم
وهل سلمى وعصام حيكون ليهم نصيب
يتبع الفصل كاملا اضغط هنا ملحوظه اكتب في جوجل "رواية شمس تتحدي الغيوم دليل الروايات" لكي تظهر لك كاملة
•تابع الفصل التالي "رواية شمس تتحدي الغيوم" اضغط على اسم الرواية