رواية شمس تتحدي الغيوم الفصل السادس 6 - بقلم عبير سليم
الفصل السادس من رواية شمس تتحدى الغيوم
بقلمي :عبير سليم
🌺🌺🌺🌺🌺🌺🌺
جالسه على الأرض تضم ركبتيها إلى صدرهاوتنظر إلى تلك النار الموقده فى ذلك الثوب الأبيض نعم انه فستانها الذى اشترته منذ يوم واحد وظلت تحتضنه طوال الليل مثلما كانت تحتضن فستان العيد وهى طفله صغيرة كأنها كانت تريد أن تشبع منه قبل أن تحرقه بيديها.
كانت تراقبه والنار تأكله بقهرة نعم فإنها قهرة قلب أحب وعشق ولم يحالفه الحظ لينعم بذلك الحب او يهنأ به أيعقل ذلك أو كان يخطر ببالها يوما.ان تقدم على ذلك الفعل
أيعقل او كان يمر على خاطرها ان تحرق بيديها ذلك الثوب الذى طالما حلمت باليوم الذى سترتديه فيه لمن أحبه وعشقه القلب. وتنظر إليه والنار تلتهمه هكذا
تلك النيران لم تكن تندلع فى ذلك الثوب الأبيض وإنما كانت تأكل وتنهش فى قلبها الذى احترق بنيران العشق والهوى
جالسه تنظر له بعيون زائغه لا تدرى ماتفعله لا تنتبه لأى شئ حولها لم تخف من أن تصل إليها تلك النيران وتصيبها بمكروه فما المكروه الذى قد يصيبها اكثر مما هى فيه الآن
تفتح سناء، الباب وتتفاجا بهذا المنظر
فستان الزفاف ملقى على الأرض والنار موقده فيه
جرت إيمان سريعا واخذت الغطاء من على السرير ووضعته على الفستان لتخمد تلك النيران المشتعله حتى هدأت النار بينما كانت سناء تحتضن شمس وتبكى بقهرة على حال ابنة أختها
إيمان :شمس حبيبتى انتى كويسه
شمس تنظر إليها دون أن التحدث بكلمه
تمسكها إيمان وسناء وياخذونها خارج تلك الغرفه ويجلسونها فى غرفة خالتها
بينما فتحت ايمان الشباك لتخرج رائحة الدخان من الغرفه فوجدت الشمعه والولاعه على المكتب أمامها فأخذتهم سريعا خوفا عليها من أن تصيب نفسها بالاذى.
. ثم لملمت ماتبقى من ذلك الثوب الذى لم يكتب القدر لصاحبته أن ترتديه لترميه فى صندوق القمامه.
دخلت غرفة سناء فوجدتها محتضنه شمس وتبكى بحسرة عليها وعلى حالها بينما كانت شمس مختبئه داخل احضانها وكأنها تقوى بها تهرب مما هى فيه لم تتلفظ بحرف
إيمان :شمس حبيبتى اتكلمى عيطى طلعى اللى جواكى متسكوتيش ياحبيبتى
شمس بصوت ضعيف:سابنى ياايمان عصام سابنى ياخالتو
ليه عمل فية كده ليه أنا عملتله إيه عشان يعمل فية كده
سناء: فى ستين داهيه ياحبيبتى ده كلب ولايسوى وميستاهلش دمعه واحده من عينيكى.
إيمان :شمس ياحبيبتى احنا مش بنهون من اللى انتى فيه لكن حنعمل إيه ده قدر ربنا وان شاء الله ربنا حيخلف عليكى بالخير وحيعوضك بالاحسن منه
هو الخسران ياحبيبتى وملوش فى الطيب نصيب.
إيمان :خلاص ياايمان انا مش عاوزة حد تانى خلاص انا معنديش حاجه اديها لحد تانى انا اديت كتيييير اوى ومااخدتش حاجه مخدتش غير الغدر والخيانه.
سناء :شمس يانور عينيه انا كل اللى يهمنى دلوقتى انك تفوقى ياحبيبتي وبعدين اى حاجه تانيه تبقى هينه
تبكى شمس بصوت عالى هيستيرى وتصرخ من قلبها:ليه ليه غدر بية ليه انا كنت بحبه كنت بحبه اوى كنت بمتناله الرضا
ليه ليه ده حرام حرام
سناء:اهدى اهدى ياحبيبتى اهدى ياشمس الله يخليكى ياحبيبتى يابتى كان مستخبيلنا ده كله فين بس ياربي لا حول ولا قوه الا بالله.
فتقوم وتجرى على غرفتها وترمى بكل اشياءها ارضا وتقوم بتكسير كل ماتقع عيناها عليه
كانت ايمان وسناء، يحاولان تهدئتها بلا فائده كانت تصرخ وتبكى بشده تصرخ صرخات نابعه من قلب ادماه العشق
قلب طعنه الحبيب بخنجر دون رحمه او شفقه
خلاص مش عاوزة حاجه ملهومش لازمه خلاص مش عاوزة اشوفهم ادامى خلاص كل حاجه راحت خلاص
ليه عمل فية كده ليه ده جزاء، حبي ليه يغدر بية ليه ليه
يقوللى مبحبكيش بعد السنين دى كلها ليه ليه
إيمان :عشان خاطرى كفايه كفايه ياحبيبتى حرام عليكى نفسك يغور فى داهيه
كان يوم اسود يوم ماعرفناه ودخل حياتك منه لله ربنا ينتقم منه
انهارت وخارت قواها وجلست ارضا تبكى بكاء يجعل الحجر يصرخ من شدة ماتشعر به من الالام تقطع قلبها
سناء وهى تأخذها فى حضنها وتحاول تهدئتها
أعوذ بالله من الشيطان الرجيم يارب وحياة حبيبك النبي الغالي تبعد عنها الهم والحزن والغم انت القادر على كل شئ يارب شيل عنها اللي هى حسه بيه يارب ارفع مقتك وغضبك عنا يارب
اللهم انى لا أسألك رد القضاء ولكن اسالك اللطف فيه
لا اله الا انت سبحانك انى كنت من الظالمين
ظلت تدعو لها الله أن يزيح عنها ماهى فيه
إيمان :شمس نامت ياخالتى فتقوم بتغطيتها بهدوء ويجلسان بحوارها
إيمان :خالتى اتصل بالدكتور اقولله اللى حصل واشوفه حيقولنا ايه
سناء:مش عارفه والله يابنتى انا اهم حاجه عندى انها تفوق بسرعه خايفه عليها اوى
ايمان :طب تعالى نقعد برة عشان منصحيهاش
وخللى الباب مفتوح عشان تبقى ادام عينينا.
سناء:ياااه ياايمان حالة شمس دلوقتى بتفكرنى بحالتى زمان لما جوزى الله يسامحه طلقنى عملت زى اللى شمس عملته واكتر بكتير ومفيش حاجه هونت علية غير وجود شمس فى حياتى ربنا عوضني بيها عشان تنسينى اللى حصللى
إيمان :ومحاولش يرجعلك تانى بعد كده ياخالتى
سناء:لا ياايمان زى مااكون كنت حمل تقيل عليه وماصدق خلص منه مع انى عملت معاه اللى مفيش واحده تعمله مع جوزها كل ذمبى فى الدنيا انى مخلفتش ياللا الله يسامحه.
بقى. انا المهم عندى دلوقتى شمس عاوزاها تبقى كويسه ومتخليش الحزن يكسرها عاوزاها تقف على رجليها ومتشمتش حد فيها فى ناس كتير بتحب تشمت فى مصايب الناس
إيمان :ان شاء الله ربنا حيقف جمبها والناس كلها بتحب شمس ياخالتى بس احنا لازم نساعدها ونخرجها من اللى هى فيه
سناء:بصى احنا حنستنى لحد ماتصحى ونشوف وضعها ايه ولو كده نتصل بالدكتور يابنتى
إيمان :ماشي ياخالتى بصي ياخالتى انا حروح البيت بس اطمن على بابا وماما وارجعلك على طول
سناء:روحى ياحبيبتى انتى روحى انتى معايا من الصبح
إيمان :انتى بتقولى ايه بس ياخالتى انا اسيب شمس فى الظروف دى طب ازاى
انا بس حروح استئذن من بابا وحرجع على طول
سناء:ماشي ياايمان وانا حدخل اقرالها قرآن عشان ربنا يبعد عنها اى حاجه وحشه
تخرج ايمان من المنزل وتتجه الى منزل ابيها تحكى لهم ماحدث وتستئذنه ان تبقى مع صديقتها
بينما كانت ايمان فى طريق عودتها تجد اتصالا من حسن
ايمان:ايوة ياحسن ازيك
حسن :أنا بخير يا إيمان المهم انتى عامله ايه وحشتينى اوى
إيمان :ربنا يخليك يا حسن بس معلش مش حعرف اكلمك دلوقتي
حسن :ليه انتى صوتك ماشيه فى الشارع
إيمان :ايوة رايحه عند شمس حبات عندها الليلادى
حسن:هى حالتها عامله ازاى ياايمان متقبله الموضوع واللا مضايقه
إيمان :لا دى مبسوطه اوى ومشغله الديجى ونازله رقص من الصبح
حسن :انتى بتتريقى على كلامى ياايمان
إيمان :يعنى بالله عليك واحده فى ظروفها دى حتعمل ايه
ثم تدخل فى نوبة بكاء شديد
حسن:طب ممكن تهدى طيب وتردى علية
إيمان :شمس تعبانه اوى وولعت فى فستان فرحها وكسرت حاجات كتير من حاجتها اللى كانت حتتجوز بيها انا خايفه عليها انا لو شمس حصلها حاجه انا حقتله بايدي
حسن:ايمان اهدي عشان خاطرى ايمان انا محتاج اشوفك ضرورى عاوز اقعد واتكلم معاكى
إيمان :مش وقته ياحسن أشوف صاحبتى اهم من اى حاجه تانيه دلوقتى ياحسن
حسن:واهم منى ياايمان
إيمان :شمس أهم من الدنيا كلها ياريت بايدي كنت شيلت الحزن عنها
حسن انا وصلت عند شمس حضطر اقفل معاك دلوقتى سلام
😥😥😥😥😥😥😥😥😥😥
فى فيلا على سليم
مروة:انت بتلبس ورايح فين ياعلى
على:عندنا عشاء عمل انا ويزيد
مروة:طب خدنا فى طريقك انا زهقانه وعاوزة اروح أقعد مع عاليه شويه
على:بس بسرعه الله يخليكى عشان اخوكى ميفتحليش مرشح
بعد حوالى ساعه فى فيلا يزيد
يزيد:استغفر الله العظيم ياربي كل ده تأخير ياعلى يعنى ينفع كده الناس تقول علينا ايه دلوقتي يثقوا فينا ازاى واحنا من اول معاد رايحين متأخر
على :عاجبك كده ياهانم
مروة :معلش بقى يايزيد حقك علية انا السبب والله قلت اجى على سكته بالمرة
يزيد:ازيك ياعهد عامله ايه ياحبيبتى
عهد:الحمد لله والله يا ابيه
يزيد:متمشوش خليكم موجودين لحد مانرجع
مروة:اطمن ياحبيبي أنس لو عليه عاوز يبات هنا أصلا
يزيد:طب ياللا بينا احنا ياعلى ياللا سلام
تتجه مروة وعهد ومعهم انس ومليكه الصغيرة للجلوس مع بقية العائله.
هاله:منورانا ياعهد عامله ايه يا حبيبتي
عهد :الحمد لله ياطنط هاله
مروة :بقولك ياعاليه فى شوية موديلات فى السوق حلوة اوى عاوزين ننزل نشترى شوية حاجات كده.
عاليه:ملهوش لزوم يامروة الدولاب مليان هدوم واحنا كل فين وفين لما بنخرج
مروة:ماهو انتى اللى قاعده على طول مبتخرجيش ليه
مانا باخد الولاد وبروح النادى واتحايل عليكى تيجى وانتى كل فين وفين لما بترضي انتى ليه حابسه نفسك فى البيت اخرجى يابنتى وعيشي حياتك وخصوصا ان يزيد مديكى الحريه انك تر وحى وتيجى انتى اللى قافله على نفسك
هاله:والله يامروة انا بفضل اتحايل عليها تخرج هى اللى مبترضاش ابدا وتقوللى مش عاوزة اخرج
عاليه :والله ياجماعه انا مش برتاح غير فى البيت مليش في الخروج
عهد:هو عمر حيرجع امتى من السفر
عاليه:اسمه ابيه عمر ياعهد
هاله وهى تلاعب مليكه:والله ماعارفين لسه هو يزيد بياكد انه راجع بس محدش عارف امتى
مروة:انا كل مااكلمه واسأله بلاقيه بيهرب من الإجابه
امال فين بابا ياماما
هاله:فوق باحبيبتى نايم شويه
أنس :عشق تعالى نطلع لجدو فوق
مروة:سيب جدك يستريح واقعد هنا معانا
أنس :لاء ياماما انا عاوز اطلع لجدو محدش بيفهمنى غيره
عاليه:ههههههه اتفضلوا اطلعوا
مروة:الصبر من عندك يارب
انس:ياللا ياعشق
عشق:ماشي ياانس فيجريان على السلم
فيطرقان الباب على جدهم فيستيقظ من نومه:ادخل
فيدخل العاشقان الصغيران
شاكر:اهلا اهلا بحبايب قلبي
أنس :جدو حبيبي وحشتنى أوى
شاكر:ايه يابطل عامل ايه فى المدرسه
انس:انا شاطر ياجدو متقلقش علية
شاكر:ايوة كده عاوزك متفوق عشان نغيظهم كلهم
انس:ايوة ياجدو وانا مش عاوز حد فيهم يقول علية عيل انا راجل ياجدو راجل
شاكر:أيوة طبعا انت راجل وسيد الرجاله وبعدين احنا مش عملنا اللى عاوزينه ولبستها الشبكه عاوز ايه تانى
انس:عاوز اخرج معاها ياجدو
شاكر:لا كده هبت منك عالاخر ياحبيب جدو اتلم يابابا اتلم والا خالك حيقلب عليك قلبه سوده وانا مش حقدر احوش عنك
عشق:هههههه
شاكر:شفت بقى اهى عشق كمان بتضحك عليك اهدى ياحبيبي انتوا لسه العمر قدامكم وبكرة تشبعوا من بعض
أنس :ماشي ياجدو طب انا عاوز اروح السينما مع عشق
شاكر:بس كده من عينيا كلنا حنروح السنيما
أنس :بجد ياجدو
شاكر:ولد عيب جدو لما يقول كلمه الكل بقول ايه
عشق :حاضر يا جدو
ينزل شاكر وهو يضحك مع الصغيران:ياللا قوموا عشان خارجين
مروة:خارجين فين يابابا
شاكر:رايحين السنيما
هاله:دلوقتى ياحبيبي ده اخر حفله فاضل عليها وقت قليل
شاكر :حنلحق ياللا ياعاليه قومى بسرعه البسي ياللا ياهاله قدامكم خمس دقايق بالظبط اكون سخنت العربيه
وبالفعل فى خلال دقائق كان الجميع فى السيارة
أنس :انا وعشق حنركب معاك ياجدو
فيفتح لهم شاكر الباب الخلفى:اتفضلوا ياحبايبي
وتجلس هاله بجواره
بينما تركب عاليه ومروة وعهد ومليكه بالسيارة الاخرى
للذهاب الى السينيما بناء على رغبة العاشقان
❤️❤️❤️❤️❤️❤️❤️❤️❤️❤️❤️❤️
فى الصباح الباكر
سناء:ايمان ياحبيبتى انتى بتلبسي ورايحه على فين كده عالصبح
ايمان :رايحه الشركه ياخالتى انا بقالي يومين مروحتش.
سناء:حتقولى لحد اللى حصل
إيمان :والله ماعارفه ياخالتى بس لازم أبلغ البشمهندس يزيد على الاقل عشان هو كان جاى كتب الكتاب هو والبشمهندس على
سناء:طب بصى ياايمان لو حد سألك عن حاجه قولي اننا أجلنا عشان حصلت ظروف متقوليش حاجه تانيه لحد مانشوف حنعمل إيه
إيمان :حاضر ياخالتى خدى بالك انتى بس من شمس ولو حصل حاجه كلمينى وانا اجى بسرعه
سناء :طب حتمشى من غير ماتفطرى يابنتى
إيمان :افطر إيه بس وهو انا لية نفس لحاجه
سناء:ربنا يخليكى لينا يارب ياايمان مش عارفه من غير وجودك معايا كنت حعمل ايه ربنا يسترك يابنتى ويوقفلك ولاد الحلال فى طريقك يارب
إيمان:شمس دى اختى ياخالتى وربنا وحده العالم لغلاوتها عندى ياللا بقى انا ماشيه
سناء:فى رعاية الله ياحبيبتى
بعد مرور ساعه فى الشركه
ايمان وهى تتحدث للسكرتيرة:صباح الخير يامنى
منى:صباح النور ياايمان
إيمان :منى عاوزة ادخل للبشمهندس
منى:حاضر ياايمان ثوانى أبلغه
فى داخل المكتب
إيمان :صباح الخير يا بشمهندس
يزيد:صباح النور ياست ايمان هى الهانم تقلانه علينا ليه
إيمان :ليه بس يابشمهندس
يزيد:بقالك يومين غايبه يااستاذه وطبعا حتفضلى كده لحد ماتجوزى صاحبتك مش كده طبعا مانتى ام العروسه
فتنفتح إيمان فى البكاء
يزيد :إيه ياايمان فى ايه بتعيطى ليه حصل ايه
إيمان :شمس تعبانه اوى يابشمهندس
يزيد:شمس تعبانه ليه مالها يابنتى يعنى جاية تتعب عالفرح وبعدين دى كتب كتابها بكرة
فتنفتح إيمان فى البكاء وتنهار بشده على حال صديقتها
فيقوم يزيد من مكانه ويجلس أمامها ويعطيها منديلا لتمسح دموعها
يزيد:إيمان الله يخليكى فهمينى بالراحه شمس مالها وتعبانه عندها إيه وكتب كتابها
إيمان :خلاص يابشمهندس مفيش كتب كتاب ومفيش فرح أصلا
يزيد:نعم انتى بتقولى إيه معناه ايه الكلام ده يعنى إيه مفيش كتب كتاب ولافرح ماتوضحى كلامك اتأجل يعنى عشان هى تعبانه طب تعبانه مالها فيها ايه
إيمان :لاء مااتاجلش ولا حاجه هما سابوا بعض خلاص ومش حيكملوا مع بعض
يزيد:نعم ايه التهريج ده سابوا بعض بعد اكتر من تلت سنين خطوبه سابوا بعض وامتى قبل الفرح بكام يوم طب ليه وازاى وايه اللى حصل وبعدين هو ده قرار ياخدوه من نفسهم ليه ملهمش كبير واللا ايه
ماتتكلمى ياايمان ساكته ليه
إيمان :معلش يابشمهندس انا اسفه دى حاجه تخصها هى بس اللى من حقها تتكلم فيها انا مقدرش احكى حاجه كل اللى اقدر اقولهولك ان خلاص موضوعهم انتهى
يزيد:ايمان انا مش عاوز اضغط عليكى او اجبرك انك تقولى حاجه مش عاوزة تقوليها بس زى مانا متاكد من غلاوة شمس عندك وانك صاحبتها الوحيده اكيد انتى بردو متاكده من غلاوتها عندى وانها بالنسبه لى زى مروة اختى بالظبط الله يخليكى ياايمان اعتبرينى زى اخوكم احكيلي اللى حصل ادينى الفرصه انى احاول اساعدهم ولو فى اى مشكله نحلها انا متاكد من انهم بيحبوا بعض واكيد ده شيطان دخل بينهم ومينفعش نقف نتفرج عليهم وهما بيضيعوا حب السنين دى كلها هما اتجننوا واللا ايه
إيمان وهى تمسح دموعها:حضرتك ده شئ يشرفنا انك تحاول تساعدهم بس ده لما يكون الموضوع لسه فيه كلام او مشكله عاديه لكن اللى حصل قفل الموضوع بشكل نهائى ومش ممكن يكملوا تانى انا دلوقتى كل يهمنى ان محدش يجيب سيرة شمس بكلمه فى الشركه ولا حد يتطاول بالكلام انا مش عارفه اعمل ايه ولا اقول ايه ولا ابرر اللى حصل ازاى
يزيد:تتحرق الشركه باللى فيها ومحدش يقدر يجيب سيرة شمس بكلمه واللى يفكر بس ينطق بكلمه اقسم بالله لكون خارب بيته مين ده اللى يقدر بس يفكر انه يزعلها واللا يقول كلمه فى حقها الشركه كلها عارفه مين شمس دى متربيه على ايدنا.
إيمان :ربنا يخليك يارب يابشمهندس ده عشمى فيك والله
يزيد: خلاص ياايمان انا مش عاوز اعرف حاجه مادمتى مش عاوزة تقولى بس طمنينى عليها وعلى صحتها انتى بتقولى انها تعبانه
إيمان :ايوة عندها زى صدمه نفسيه ومعلش مش حتقدر تيجى الشركه الفترة الجايه غير لما تسترد صحتها الأول
يزيد:خللى شمس تستريح زى ماهى عاوزة وانا يومين كده وحكلمها اطمن عليها
إيمان :طب حنعمل ايه فى موضوع معاد الفرح اللى كل الناس عارفه معاده
يزيد:متشغليش بالك بالموضوع ده انا حخلص الموضوع ده
ايمان وهى تقف:انا متشكرة اوى لحضرتك يا بشمهندس مش عارفه اشكرك ازاى طب معلش بردو عاوزة استئذنك فى حاجه انا آسفه والله بتقل عليك بس من عشمى فيك والله
يزيد:اتكلمى على طول ياايمان واطلبي اللى انتى عاوزاه
ايمان:انا مش حقدر اسيبها اليومين دول انا حتى استئذنت من بابا اقعد عندها لحد ماتبقى كويسه
يزيد:انا بجد فخور بيكى ياايمان ومش عارف اقولك ايه انتى بجد اجدع صاحبه
اقعدى ياايمان مع صاحبتك ومتسيبيهاش واعتبري نفسك فى اجازة وارجعى الوقت اللى يناسبك اهم حاجه عندنا دلوقتى شمس
تقوم إيمان من مكانها لتستئذن فتمد يدها الى يزيد لتقديم الشكر لها
فيمد لها يده ويسلم عليها:انا مش عارف اقولك إيه ياايمان وياريت تدينى الفرصه انى اقدر اتكلم معاها يمكن اقدر اساعدها
إيمان :حضرتك ده شرف لينا والله يابشمهندس
فيفتح على الباب :سلام عليكم
ايمان وهى تمسح دموعها:وعليكم السلام ورحمة الله وبركاته
على ينظر إليهم :خير في حاجه مالكم
مالك ياايمان فى حاجه بتعيطى ليه
ايمان:سلامتك يابشمهندس تعبانه بس شويه عن اذنكم
تخرج ايمان بينما يتوجه على بالكلام ليزيد
على:هو فى ايه بالظبط ايمان كانت بتعيط ليه
يزيد:اقعد وانا حفهمك كل حاجه عشان نشوف حنعمل ايه
😢😢😢😢😢😢😢😢😢
فى منزل خالة شمس
والده :يعنى ايه ياسناء الكلام ده يعنى ايه يربط البنت السنين دى كلها وبعدين يقول خلاص مليش نفس اتجوز مش عاوز اكمل ليه هو فاكرها ملهاش اهل واللا ايه لا ده لازم يتربى ولازم اخد حق بنتى منه
سناء:وطى صوتك الله يخليك انا ماصدقت انها نامت شويه عشان تهدى
والدها:انا السبب فى كل اللى بيحصلها ده انا اللى سيبتها لوحدها خليته يبيع ويشترى فيها ويفتكر انها ملهاش كبير يقفلها ويجيبلها حقها منه
لكن لاء والله ماحسكت انا لازم اخرببيته على اللى عمله فى بنتى وقف حالها الله يخرببيته ضيعلها أجمل سنين عمرها وهى قاعده مستنياه وجاي دلوقتى بكل بساطه يقول خلاص كل واحد يروح لحاله لا ده انا اللى حروح فيه فى ستين داهيه
فتخرج اليه شمس:لا يابابا الله يخليك هو ميستاهلش انك تروحله او تسبب لنفسك اذى بسببه اخواتى عاوزينك وانا خلاص مش عاوزاه ولا طايقه اسمع اسمه او اشوف وشه مرة تانيه هو خلاص انتهى بالنسبه لي
والدها:وحقك يابنتى نسيبه
شمس:حقى عند ربنا وربنا شايف ومطلع على كل حاجه وعارف انا عملت ايه عشانه ووقفت معاه اد ايه وان شاء الله حيجيبلي حقى منه وحيشفى غليلي منه
انا فوضت امرى ليه وحده وهو وحده القادر على كل شئ وقادر يورينى فيه اللى مهما عملت مش حقدر اوصل لذرة فى علم ربنا سبحانه وتعالى هو القوى القادر على كل شئ.
والدها وهو يحتضنها:ونعمه بالله يابنتى ربتا يقويكى ياحبيبتى يارب
شمس :ويخليك لية يابابا ياحبيبي يارب
سناء:يعنى انتى كويسه ياحبيبتى
شمس :ان شاء الله حبقى كويسه ياخالتو
تدق ايمان الباب فتفتح لها سناء فتدخل فتجد شمس فى حضن ابيها:حبيبتى انتى قمتى الف سلامه عليكي يا ست البنات
شمس:الله يسلمك يا قلبي ربنا يخليكى لية ومنحرمش منك ابدا
ايمان:ولا منك ياحبيبة قلبي يارب
بس فى قرار انا اخدته ومش عاوزة حد يعارضنى فيه من فضلكم
ايمان:قرار قرار ايه ياشمس
شمس:انا حسيب الشركه ومش حرجعها تانى مهما حصل
🌺🌺🌺🌺🌺🌺🌺🌺🌺🌺🌺🌺
فى لندن
سيف :بقولك ايه ياعمر ماتيجى نرجع مصر
عمر:إيه ده انت بجدعاوز ترجع ياسيف
سيف:ايوة بجد طبعا انا اصلا زهقت من الغربه انا عاوز ارجع استقر بقى واتجوز واخلف بدل الصرمحه اللى احنا فيها دى
نفسي اكون أسرة ويبقى عندى بيت وأولاد وزوجه محترمه تستنانى وانا راجع من الشغل
عمر:ياعينى عالمثاليه اللى انت فيها تما انت ممكن تتجوز وتستقر هنا وتعمل كل اللى نفسك فيه وانت اصلا بتشتغل وبتكسب كويس
سيف :لا ياعم انا عاوز انجوز واحده مصريه بنت بلد جدعه تقف جمبي فى المرة والحلوة تبقى شبه امى وأمك
عمر بحزن:امى الله يرحمها
مفيش حد شبه امى ابدا
سيف :اكيد طبعا ياعمر الأم متتعوضش بس انا اقصد
عمر:تقصد واللا ماتقصدش ياسيف انت حر عاوز ترجع ارجع
سيف :طب وانت ياعمر مش حتسمع كلام اخوك وترجع
عمر:لسه مش عارف والله ياسيف
انا بحاول على قد مااقدر ااجل فى الموضوع لحد مااشوف حترسى على إيه
سيف:ربنا يهديك ياصاحبي ماقولتلكش صحيح
عمر:خير حصل حاجه
سيف :امبارح شفت جينا مع واحد جديد بس ايه اقسم بالله انا لما شفته خفت
عمر:ليه يعنى ماله
سيف:من بتوع كمال الأجسام بس بشكل غير طبيعى وكانت معاه وشكلها دايبه فيه
عمر:طب الحمد لله المهم انها تحل عنى
❤️❤️❤️❤️❤️❤️❤️❤️❤️❤️❤️
القصه هنا فقط اعمل متابعة ليصلك كل جديد 👇👇
عشاق الروايات
•تابع الفصل التالي "رواية شمس تتحدي الغيوم" اضغط على اسم الرواية