رواية شمس تتحدي الغيوم الفصل السابع 7 - بقلم عبير سليم
الفصل السابع من رواية شمس تتحدى الغيوم
بقلمي :عبير سليم
🌺🌺🌺🌺🌺🌺🌺
لما يحدث لنا كل هذا كانت الأمور تجرى ونحن نسير وراءها لم نكن نسعى لأى شئ حدث ولم نسعى لتغيير القدر بل كنا مطمئنين القلب آمنين لتلك الحياة ولا ندرى أننا فى غضون ثوانى قدينتهى كل شئ تتهدم الآمال وتتحول الامانى والأحلام الجميله التى طالما سعينا إليها وتمنتها قلوبناإلى واقع اليم ليس به سوى الآلام والأحزان وأسوأ الذكريات التى نتمنى ان نزيلها من الذاكرة.ولكن ليس لنا من الأمر شئ سوى ان نتمنى من القدر ان يكون رحيما بنا ويعدل حكمه علينا
ونقول كما علمنا نبيينا الكريم عند المصائب
(اللهم اجرنى فى مصيبتى واخلفنى خيرا منها)
ياتى لوالد شمس تليفون من زوجته فيستئذن منهم بالذهاب
على وعد منه بالا يتخللى عنها مرة ثانيه
إيمان :ايه اللى انتى بتقوليه ده ياشمس تسيبي الشغل ليه وعشان مين عشان واحد مايستاهلش خايفه تشوفيه فى الشغل واللا خايفه من ايه بالظبط لا ياشمس انا مش معاكى فى القرار ده
وبعدين قرار زى ده ميتاخدش بسرعه كده ولا ينفع يتاخد فى لحظة غضب لازم تفكرى كويس ياحبيبتى ده مستقبلك
عشان مترجعيش تندمى بعد كده
شمس:هههههه هههههه اندم حندم على إيه واللا إيه انا لو فتحت باب الندم مش حخلص ياايمان
انا ندمانه على حاجات كتييير اوى عملتها لناس طلعت متستاهلش
سناء:تقومى بقى تسيبيله الجمل بما حمل مش كده وتفرحيه فيكى عاوزة تسيبي شغلك ياشمس ده اسمه كلام بردو
ده مفيش حاجه حتسليكى وتهون عليكى اللى انتى فيه لحد ماربنا يعوضك خير غيرشغلك ياحبيبتى
شمس:خلاص ياخالتو انا مفيش حاجه فى الدنيا كلها ممكن تعوضنى عن اللى حصل ولا تمحى الحزن اللى جوايا
انا فى نار جوايا نار عمرها ماحتنطفى حتفضل قايده العمر كله.
إيمان :شمس اللى انتى بتقوليه ده حرام وياس من رحمة ربنا
وانتى مؤمنه ياحبيبتى كل ده قدر من عند ربنا بيحطنا فى ابتلاءات و اختبارات عشان يشوفنا حنصبر واللا لاء.
شمس الحزن هو الحاجه الوحيده اللى بتبدأ كبيرة ومع الوقت بتصغر وتتنسى ووقتها حتندمى على اى قرار اخدتيه واتسرعتى فيه لازم تهدى وتفكرى كويس ياحبيبتى قبل ماتاخدى قرار زى ده
شمس:أنا عمرى ماياست من رحمة ربنا ياايمان بالعكس ياايمان انا مؤمنه جدا بربناوواثقه و متأكده ان ربنا حيجيبلى حقى وحينصرنى وحينتقملى من اى حد ظلمنى
بس الإختبار صعب جدا علية االضربه جامده اوى ولازم أقوم واقدر اقف تانى بس بعيد بعيد على اد مااقدر
وانا اخدت قرارى خلاص ومش حرجع فيه تانى انا كل اللى عاوزاه منك تقدميىلى استقالتى وتجيبيلى ملفى من الشركه مش عاوزة منك اكتر من كده وانا حقدم فى اى شركه تانيه.
سناء:ايوة ياشمس بس اى شركه تانيه حيعاملوكى على انك جديده معاهم لكن انتى بتتعاملى أحسن معامله وواخده وضعك فى الشركه كويس ده انتى فيها من وانتى فى الكلية ياحبيبتى يعنى انتى كده حتضيعى كل السنين دى عالفاضي.
شمس:مش مهم ياخالتو حبدا من اول وجديد فى اى مكان تانى لكن رجوع للشركه تانى مش راجعه ومش حدخلها برجلى تاني وده اخر كلام عندى.
إيمان :طب ممكن نأجل كلام فى الموضوع ده دلوقتى
انتى تعبانه ياحبيبتى استريحى وبعد كده نتكلم براحتنا
شمس:لاء ياايمان انا قلت اللى حيتنفذ
سناء:حرام عليكى ياشمس ليه يابنتى ليه بتعملى فنفسك كده
شمس وهى منهارة من البكاء:عشان مش عاوزة اشوف نظرة شماته فى عين حد ولا عاوزة ألمح نظرة شفقه فى عين حد ولا حطيق حد يتغمز علية بكلمه ويقول اللى سابها خطيبها قبل الفرح باسبوعين اهيه ولا حقدر اشوفه هو شخصيا مش حقدر مش حقدر ياناس حسوا بية بقى انا انكسرت انكسرت اوى حسه انى بقيت مية حته وعاوزة الملم اللى فاضل منى
انا عاوزة ابقى كويسه عاوزة اقدر اقف على رجلى تانى عاوزة انسى انسى لكن طول ماهو ادامى حنسى ازاى حعمل ايه حشتغل معاه فى نفس القسم زى الاول ازاى حاخد منه الشغل وادخله للمدير ازاى ححط عينى فى عينه ازاى ازاى انا مش حقدر استحمل قلبي مش حيستحمل انتوا ليه مش مقدرين اللى انا فيه ليه
ليه مش حاسين بية حرام عليكم حرام والله حرام
إيمان :خلاص ياحبيبتى خلاص ياشمس اهدى حبيبتى اهدى واعملى اللى يريحك اهم حاجه عندنا راحتك انتى بس المهم تبقى كويسه وترجعيلنا تانى
شمس :ان شاء الله حفوق وحبقى كويسه بس وانا بعيده عنه
🌺🌺🌺🌺🌺🌺🌺🌺🌺
بعد مرور يومين
فى لندن
عمر وهو يتحدث فى الهاتف لسيف:بقولك إيه انا زهقان ماتيجى نخرج نسهر شويه
سيف :انت لسه فيك نفس تسهر بعد الشغل اللى اشتغلناه النهارده فى الشركه ده انا حاسس انى فى غيبوبه.
عمر:أيوة طبعا لية نفس اسهر بصراحه اصل البنت اللى اسمها كارولين دى حلوة اوى وعجبانى وعاوز اسهر معاها الليلادى.
سيف :خلاص روحلها انت انا مش عاوز اشوف حد
عمر:متبقاش بايخ بقى مانت عارف انى مبعرفش اروح مكان من غيرك ياللا بقى غير هدومك وحعدى عليك ونروح بعربيتى واللا اقولك لاء تعالى بعربيتك ماهى ممكن كارولين تكمل معايا السهرة هنا فى الشقه.
سيف :لا معلش ياعمر بجد والله تعبان ومليش مزاج اسهر النهارده عاوز انام شهر.
عمر:خلاص يافقرى خليك نام ياحبيبي انا رايح لوحدى سلام
يلبس ملابسه ويتوجه الى احد الملاهى الليليه
ويبحث بعينيه عن تلك الفتاه فيجدها ترقص مع احد الشباب فيجلس لينتظرها فعندما تلمحه تترك من معها وتتجه إليه
كارولين:هاى عمر
عمر:هاى كارولين ازيك
كارولين:كويس انا كويس كتير
عمر:تشربي إيه
كارولين :اللى تشرب منه انا اشرب منه
عمر:طب بقولك ايه ماتيجى نروح شقتى ونشرب اللى احنا عاوزينه
كارولين :هههههه شقى انت عمر
عمر :وهو فى أحلى من الشقاوة ياللا بينا
كارولين:ياللا بينا بيبي.
ياخذها من يديها ويتجهان للخروج ولكنه يصطدم بحائط أمامه
ينظر له عمر ولكنه يتفاجا انه امام احد الأبطال الرياضيين ويجد بجواره جينا فيتذكر كلام سيف عن هذا الشخص
بينه وبين نفسه:يخرببيتك ايه ده هو ده بنى ادم زينا جبته منين ده
عمر:هاى جينا
جينا:هاى أومر
عمر:ايه ده ده احنا بقينا نتكلم عربي اهوه
جينا:مين دى أومر
عمر:صاحبتى ياجينا
جينا:اوكيه أومر ثم تتركه وتتجه للدخول بينما تتحدث الى ذلك الشخص الذى تصطحبه
عمر:ياللا يابطل
كارولين:ايه بطل دى عمر
عمر:هو احنا مش حندخل معركه دلوقتى مين بقى اللى بيفوز فيها البطل وانتى البطل يابطل
كارولين:انا مش فاهم عمر
عمر:ياللا بينا دلوقتى وانتى بعد شويه حتفهمى كل حاجه
وقبل ان يركب سيارته يجد من ياتى خلفه
عمر:المارد الأخضر عاوز ايه يا سوبر مان خير فى حاجه.
الرجل:كل خير طبعا ثم يقوم بضربه ضربا شديد
حاول عمر التصدى له ولكنه لم يستطع الصمود امام ذلك العملاق
حاول رجال الامن الدفاع عن عمر وفض الاشتباك الذى افتعله ذلك الشخص للاعتداء عليه
وطلب الأمن الاسعاف ولكنهم لم يمتكنوا من الامساك بذلك الشخص الذى سرعان مااستطاع الافلات منهم ويقوم بالإتصال على جينا
الرجل:تمام جينا
جينا:املت اللى قلنا اليه
الرجل :اطمنى خلاص مبقاش فيه حتة سليمه اخد علقه عمره ماحينساها
جينا:thank you
الرجل:انتى تؤمرى ياقمر المهم عاوزين بقى نكمل سهرتنا فى مكان تانى
جينا:ماشي
تغلق معه الهاتف وهى تضحك لا نتقامها من عمر على تركه لها.
فى اليوم التالي فى احدى المستشفيات بلندن
ينام على الفراش مربوط الرأس وبه الكثير من الكدمات التى لاتظهر من وجهه شيئا ويده فى الجبس
بينما يجلس سيف على الكرسي المقابل له :سلامتك يامعلم
عمر:اه مش قادر حاسس ان فى دبابه معديه علية
سيف:هههههه ماقلتك بلاش
وانت لاء انا حخرج يعنى حخرج اديك خرجت اهوه يافالح شفت حصلك إيه
عمر:انت بتضحك علية ياجذمه امشي اطلع برة
سيف :ههههههه ههههههههه اصل بصراحه شكلك تحفه هو انت كان لونك الاول ايه
عمر:ليه هو انا بقى لونى إيه
سيف:انا شايف ألوان الطيف كلها فى وشك انت عملتله ايه عشان يعمل فيك كده
عمر:والله ماعملتله حاجه انا لقيته داخل علية من غير اى انذار وبعد كده ماشفتش حاجه حسيت ان النور انقطع مكنتش عارف انا فين ولا ايه اللى بيحصل مفوقتش غير وانا هنا
سيف :اكيد جينا هى اللى حرضته يعمل فيك كده عشان تنتقم منك وانا ياما حذرتك منها وانت مفيش فايده فيك اشرب بقى ياباشا.
عمر:ده انا حوريها بس اما اطلعلها
سيف :اه عشان المرة الجايه متلحقش توصل المستشفى بقولك ايه انت تتلم بقى وتحترم نفسك والأفضل ترجع مصر لان مادامت جينا حطتك فى دماغها بالمنظر ده مش حتسيبك خصوصا وهى معاها الراجل ده
عمر:ماتفكرنيش الله يخليك ده انا قلت أكيد هى دى النهايه
ده مش بنى ادم شبهنا الله يخرببيته هما فبضوا عليه
سيف :ههههههه عمر الشقى بقى يامعلم
لا هرب عشان كده بقولك خد بالك بقى المرة عدت على خير الله اعلم المرة الجاية حيحصل إيه
عمر:عدت على خير ازاى بس ده انا حاسس انى مبقتش نافع خلاص
سيف :ههههههه اوعى يكون اللى فبالي يابطل
عمر:لا ارجوك الا دى ربنا يستر دى تبقى الضربه القاضيه
سيف : ان شاء الله حتبقى كويس وحتعدى على خير بس تتلم بقى وتحترم نفسك
عمر:تفتكر حخف ياسيف
سيف :عيب عليك انا عمرى قلتلك حاجه ومحصلتش
عمر:اه مش قادر حموت كل حته فى جسمى وجعانى نار فى جسمى كله والله لوريكى ياجينا تعملى فى عمر المهدى كده ازاى
سيف:ربنا يهديك ياعمر يارب
🌺🌺🌺🌺🌺🌺🌺🌺🌺🌺
فى داخل الشركه بمكتب يزيد
يزيد:إيه الكلام الفارغ ده
إيمان :هو ده اللى حصل يابشمهندس وانا قلت مفيش حد حيقدر يقنعها انها ماتسيبش الشركه غير حضرتك.
يزيد:هى صاحبتك دى هبله واللا إيه يعنى ايه تسيب شغلها بسهوله كده هو لعب عيال وبعدين هو اى حد يتعرض لمشكله بدل مايحلها يهرب منها بدل مايواجهها
.
إيمان :شمس طول عمرها طيبه وبتسمع النصيحه بس المرة دى منشفه دماغها اوى ومصممه على رأيها ورافضه تسمع لاى حد
بس هى معذورة يابشمهندس اللى شمس اتعرضتله حاجه فوق طاقتها و هى فاهمه انى النهارده هنا عشان اسحبلها ملفها عشان تقدم فى اى شركه تانيه
يزيد:لا والله على أساس انى كنت حوافق عالكلام ده واعملها اللى هى عاوزاه بسهوله كده
ايمان انا عاوز اشوف شمس واتكلم معاها ضرورى ممكن ازورهم فى البيت واللا فى مشكله
إيمان :ياخبر يابشمهندس ده شرف لينا ان حضرتك تزورنا بس بعد اذنك اديهم خبر
يزيد :خلاص تمام ياريت تبلغى شمس انى حزورهم الساعه سبعه تمام
إيمان :حاضر وانا حتصل بحضرتك بردو
يزيد:ماشي يا إيمان حنتظر تليفونك
💖💖💖💖💖💖💖💖💖💖💖
فى فيلا عائلة المهدى
يزيد:السلام عليكم ورحمة الله وبركاته
الجميع يرد:وعليكم السلام ورحمة الله وبركاته
عشق وهى تجرى عليه :بابي بابي
فياخذها يزيد فى حضنه:حبيبة قلب بابي عامله إيه
عشق:كويسه يابابي
يقدم على عاليه ويقبلها من جبينها:حبيبتى عامله إيه
عاليه:الحمد لله ياحبيبي
هاله:ياللا ياولاد الغدا جاهز عالسفرة
يزيد:حاضر يا ست الكل فيحمل عشق على ذراعه ويتجه إلى تناول الطعام
يزيد:هو انتى لبسه الحاجات دى علطول كده مش بتقلعيها خالص
عشق:لاء يابابي انس قاللى مقلعهاش ابدا عشان ميزعلش ولما تصغر ومش تدخل فية حيجيبلى غيرها
يزيد:يادى أنس اللى بيمشي كلامه على بنتى اكتر منى
شاكر:فى إيه يايزيد مالك بتبرطم ليه
يزيد:مش عاجبنى الوضع ده يابابا انس مزودها اوى وحضرتك اللى مديه الحريه أنه يعمل كده
شاكر:يزيد موضوع أنس وعشق ده محدش يدخل فيه مادمت انا لسه عايش وانا مظبط الدنيا متقلقش
يزيد:والله انا ماقلقان غير منك يابابا
شاكر:بتقول حاجه ياولد
يزيد:ايه لا ده انا بقول ربنا يخليك لينا يارب حضرتك الكل فى الكل ومادمت حضرتك فى الموضوع يبقى عليه العوض
فيضحك الجميع على هذا الكلام
فجأة يجدون الباب يفتح وتدخل عليهم مروة ومعها أنس
يزيد:اهلا جبنا سيىة القط
هاله:حماتك بتحبك
مروة:انا فعلا واقعه من الجوع
عاليه:انتى واقعه من الجوع على طول ياقلبي هههههههههههه
مروة:مانتوا عارفين الأكل ده متعتى
يجرى أنس ويجلس بجوار عشق:وحشتينى ياعشق
عشق:انت قلتلي حتيجى بدرى اتأخرت ليه
أنس :معلش ياحبيبتى اصلي كان عندى تمرين
يزيد:هو احنا مش ماليين عينك واللا ايه يابنى ادم انت
وبعدين انتوا بتتفقوا كده من ورانا
هاه يابابا ايه رايك بقى فى اللى بيحصل ده
شاكر:فى ايه يايزيد مانا عارف انه حييجى يتغدى معانا
محصلش حاجه يعنى
يزيد:لا ده متفق مع الهانم مش كده ياعشق
عشق:بابي انس قاللى ان حيتكلم معاك فى حاجه مهمه
يزيد:خير ان شاء الله عاوز تكتب الكتاب واللا حاجه اللا يمكن تكون حددت الفرح وجاى تدينا خبر
أنس :لا ياخالو انا عاوز اروح الغردقه
يزيد وهو يترك الطعام من يديه ويتجه اليه بالكلام :تروح فين ياحبيبي
انس:نروح الغردقه ياخالو
يزيد:واحنا مالنا ماتروح عندك ابوك وامك ياخدوك ان شالله حتى يرموك هناك وييجوا من غيرك
أنس :لا ياخالو انا عاوز اروح مع عشق وانتوا تيجوا معانا
يزيد:لا والله كتر خيرك انك حتاخدنا معاك
بقولكم ايه انا جاى تعبان ومش فايق للعب العيال ده مرة سينيما ومرة الملاهى ومرة الغردقه
شكلى كده حقلب عليك اقسم بالله وحرميلك الشبكه بتاعتك فى وشك
أنس وهو يمسك ايد عشق:لاء ياخالو عشق حتفضل لابسه الشبكه فى ايدها ومش حتقلعها ابدا صح ياعشق
عشق:بس مش تزعل بابي ياانس
عاليه :هههههه هههههه حبيبي انت متعصب ليه اهدى كده محصلش حاجه لده كله
يزيد:طبعا ماهو حبيب القلب ولازم تدافعى عنه مش سامعه الاستاذ بيقول إيه بيقول ايه
مروة وهى تضع الطعام فى طبقها:والله انا مش فاهمه انت مكبر الموضوع كده ليه
فيها ايه يعنى لما نسافر الغردقه ماحنا حنروح معاهم
يزيد:استغفرالله العظيم ياربي انا مش حرد انا طالع انام
عاليه:حتنام دلوقتى ليه ياحبيبي
يزيد:عندى مشوار حنام ساعتين قبل مااخرج
عاليه:ماشي ياحبيبي اطلع
ينظر يزيد لأنس بغيظ ثم يصعد لأعلى
انس:شفت ياجدو خالو زعقلي ازاى
شاكر:عشان انت اهبل ومتسرع
أنس :جدو بلاش كده قدام عشق انا راجل
شاكر:مش قايلك قبل كده يا تحفه انت متفتحش بؤك خالص وتقوللى على اللى انت عاوزه وانا اعملهولك بتتكلم ليه دلوقتي
ابقى قابلنى بقى لو خالك وافق متسرع اشرب بقى ياحلو
أنس :طب اعمل ايه انا دلوقتى ياجدو انا عاوز نروح الغردقه واتفسح مع عشق
ساكر:تخرس خالص دلوقتى وتسيبلي الموضوع ده وانا حوديكم الغردقه
أنس :بجد ياجدو حنروح الغردقه
شاكر:عيب عليك انا عمرى وعدتك بحاجه ومنفذتهاش
فيحتضنه أنس :بحبك ياجدو ياحبيبي
شاكر:بس متتكلمش انت خالص خالك مش طايقك اصلا
أنس :حاضر ياجدو مش حتكلم خالص
هاله:ربنا يخليك ليهم ياحبيبي يارب
شاكر:يارب ياهاله
💖💖💖💖💖💖💖💖💖💖
فى تمام الساعه السابعه مساء يدق جرس الباب فتقوم إيمان لتفتح الباب
إيمان :اتفضل حضرتك يابشمهندس
يزيد :مساء الخير ياجماعه
سناء وهى تقدم عليه لاستقباله:مساء النور يابشمهندس البيت نور والله يابنى.
يزيد :البيت منور بصحابه حضرتك
سناء:ايه الحاجات اللى حضرتك جايبها دى كلها حضرتك كلفت نفسك اوى يابنى.
يزيد:كلفت نفسي ايه بس ياحاجه حضرتك مش عارفه غلاوة شمس عندنا واللا ايه
سناء:عارفه والله يابنى ربنا يكرمك يارب
يزيد:امال القمر بتاعنا فين
فيجدون شمس مقبله عليهم:مساء الخير
يزيد:مساء النور ياشمس هو اللى بيتعب بيحلو كده واللا إيه
شمس :ربنا يخليك يارب يابشمهندس دى حلاوة الروح حضرتك
يزيد:عامله إيه ياشموسه واخبارك ايه
شمس:الحمد لله يابشمهندس حضرتك تعبت نفسك والله
يزيد:أفهم من كده ان وجودى غير مرغوب فيه واللا إيه
سناء:ياخبر ده حضرتك منورنا والله شمس متقصدش
شمس :انا اسفه والله مقصدش ده شرف لية ان حضرتك تيجى تزورنى
يزيد:شمس انا عارف انك متقصديش انا بهزر معاكى ياشموسه وبعدين دى الدنيا كلهامفيهاش غير شمس واحده واحنا معندناش غير شمس واحده ومعندناش اغلى منها
سناء :ربنا يخليك يا رب يا بنى
إيمان وهى تقدم العصير والكيك :اتفضل حضرتك يابشمهندس
يزيد:شكرا ياايمان عقبال مااشرب شربات فرحك
إيمان :يارب يابشمهندس يارب
سناء ويزيد:هههههههههه شوف البت حتموت عشان تتجوز
يزيد : هههههه إيمان دى السكر بتاعنا وست البنات
إيمان : بس مش عارفه الرجاله اتعمت فى عينيها ليه يابشمهندس
يعنى بزمتك يابشمهندس مش حرام تبقى واحده حلوة وزى القمر زيي وملاقيش حد يعبرنى
يزيد:لا يا مونه بكرة يجيلك اللى يستحقك واكيد ربنا حيرزقك باللى يحبك ويقدرك واللا انتى رأيك ايه ياشمس
كانت شمس فى دنيا تانيه لا تشعر بوجود احد حولها كانت تائهه فى بحر احزانها
سناء:شمس البشمهندس بيكلمك
شمس:نعم ايه حضرتك بتقول حاجه
يزيد:انا بقول الشركه مضلمه ومدخلهاش النور من يوم مانتى غيبتى ممكن اعرف الشمس بتاعتنا حترجع تملى الشركه بنورهاامتى
شمس:هى إيمان مش بلغت حضرتك بقرارى.
يزيد:قصدك عالكلام الاهبل اللى انتى قلتيه ده لا طبعا انا مسمعتش حاجه
شمس:معلش يابشمهندس ده قرارى ومش حرجع فيه تانى وياريت حضرتك تقدر موقفى
يزيد:وانا مش حجبرك على حاجه انتى مش عاوزاها ياشمس بس ممكن تسمحيلي اتكلم معاكى شويه وبعدها حعملك اللى يريحك واطمنى محدش حيغصبك على حاجه تمام
شمس: اتفضل يابشمهندس انا سامعه حضرتك
يزيد وهو يتوجه بالكلام إلى سناء:ممكن استئذن حضرتك اخد شمس واقعد معاها فى اى مكان عشان تبعد شويه عن جو البيت هنا واوعدك مش حاخرها ساعة زمن وحتكون هنا
سناء:ياخبر يابشمهندس شمس زى اختك وانا طول عمرى بطمن عليها وهى مع حضرتك
يزيد:طب والبشمهندسه بتاعتنا رأيها ايه واللا عندها اعتراض
شمس:أكيد معنديش اعتراض بس انا اخدت قرارى ومش حرجع فيه مهما حصل
يزيد:ماشي ياستى وانا محترم قرارك بس تدينى فرصه اقعد معاكى شويه ياستى اعتبريه اخر طلب لية عندك واوعدك بعدها حعملك كل اللى انتى عاوزاه وحريحك
ايمان:قومى ياشمس مع البشمهندس
تخرج شمس مع يزيد
سناء:تفتكرى ياايمان حيعرف يعمل حاجه
إيمان :ان شاء الله يا سوسو وحتقولي إيمان قالت
بعد حوالى نصف ساعه فى احد الاماكن العامه الراقيه
يزيد: شمس انتى عارفه غلاوتك عندى مش كده واللا عندك شك فده
شمس:لا طبعا يابشمهندس انا عارفه ان حضرتك بتعزنى
يزيد:تمام ياشمس وانتى عارفه كويس ان اللى بيعز حد بيبقى مش عاوز غير مصلحته
شمس:وانا مصلحتى انى أبعد على اد مااقدر ان شالله اروح اخر الدنيا
يزيد:ليه ياشمس وعشان إيه ده كله
شمس:عشان مش حقدر يابشمهندس صدقنى والله ماحقدر غصب عنى
يزيد:شمس انتى مش أول واحده خطوبتها متمش بتحصل كتير ياشمس ودى مش نهاية العالم
شمس وهى تبكى:الله يخليك يابشمهمدس متصغطش علية انا مش خقدر اشوفه قدامى مش حقدر
يزيد:ليه ياشمس مش انتى اللى سيبتيه
شمس:انا مسببتش حد هو اللى سابنى
يزيد:ايه الكلام ده هو اللى سابك ازاى يعنى انا لما ايمان قالتلي ان مفيش نصيب انا توقعت انك انتى اللى سيبتيه
شمس :لاء يابشمهندس هو اللى سابنى مش انا اللى سيبته
يزيد:شمس لو حابه تحكيلي احكى ياشمس وانا سامعك ولو مش عاوزة خلاص ياشمس براحتك
شمس:انا ححكيلك يابشمهندس عشان حضرتك تقدر الوضع اللى انا فيه وتعرف انا ليه مصرة على انى اسيب الشركه
تحكى له شمس كل شئ منذ بداية علاقتهم معا وحتى اعترافه لها وفسخه للخطوبه
يزيد:انا مش مستوعب اللى بتقوليه ده ازاى الحيوان ده يعمل معاكى كده وازاى ايمان متقولليش ده انا حخرب بيته
ومش انتى اللى حتسيبي الشركه لاء ده هو اللى لازم يسيبها ده خاين وغدار
شمس:لاء يابشمهندس ارجوك الله يخليك اللى كان بينى وبينه حاجه وشغله فى الشركه حاجه تانيه
يزيد:وانتى بقى عاوزة تهربي مش كده اللى بيهرب بيكون ضعيف وجبان وانا متعودتش اشوفك ضعيفه ولاجبانه انتى لازم تواجهى الموقف بكل شجاعه ياشمس لازم تقفى فى وش الريح بكل قوة وتمنعيها انها تهدك او تضيعك انتى فاهمه واللا لاء
شمس والدموع تنهمر على وجهها:لا لا يابشمهندس انا مش حقدر صدقنى مش حقدر اعمل اللى حضرتك بتقول عليه الموقف اكبر منى بكتير مش حقدر اواجه الريح ولا اقف قصادها انا اضعف من ده اضعف من كده مليون مرة انا زمان كنت بستمد قوتى منه منه هو مكنتش اعرف ان هو اللى حيهدنى ده كان كل دنيتى كان بالنسبه لى النفس اللى بتنفسه كان كل املى فى الدنيا كنت عاوزة اعيش عشان اسعده وبس
انا بحاول اتماسك بحاول امثل انى بقيت كويسه لكن الحقيقه انى متكسرة الف حته انا خلاص خلاص انتهيت وعمرى ماحقدر ارجع شمس تانى
بس يمكن اللى حيساعدنى انى ابعد يمكن انسى يمكن اقدر اقف على رجلى تانى ياريت تقدر موقفى وتفهمنى ومتضغطش علية اكتر من كده
يزيد:شمس انا مقدر كل اللى انتى فيه وعارف كويس أوى انتى حسه بأيه دلوقتى وتقدري تقولى انى اكتر واحد فى الدنيا دى ممكن يحس بيكى عارفه ليه ياشمس
عشان أنا
🌺🌺🌺🌺🌺🌺🌺🌺🌺🌺🌺
انتهى الفصل يارب يكون عجبكم واتمنى ان الروايه تكون عجباكم وتكون مختلفه فى فكرتها عشان متحسوش بملل وانتوا بتقروها
متنسوش بقى تعليقاتكم وتوقعاتكم الجميله يااجمل قراء
واشوفكم على خير ان شاء الله
💜💜💜💜💜💜💜💜💜💜💜💜💜💜💜💜
القصه هنا فقط اعمل متابعة ليصلك كل جديد 👇👇
عشاق الروايات
•تابع الفصل التالي "رواية شمس تتحدي الغيوم" اضغط على اسم الرواية