ليالي رمضانية الفصل الثامن 8 - بقلم عبد الرحمن الرداد
اليوم الثامن
- هل فعلا يوم القيامة مقداره 50 ألف سنة؟ أنا كل ما بفكر في الموضوع بخاف أوي، حياتنا دي كلها اللي هي عبارة عن ٦٠ أو ٧٠ سنة طويلة أوي...إزاي هنقدر نقف 50 ألف سنة يا شيخنا
قالها «طارق» للشيخ بوجه يعتليه الصدمة والقلق في آن واحد ليرد عليه الشيخ بجدية:
- أيوة فعلا مقداره 50 ألف سنة، وقت طويل جدا لكن على الظالمين العصاه اللي ضيعوا الدين في الدنيا واشتروا الدنيا وباعوا الآخرة بثن بخس، اللي ظنوا إنهم مخلدين في الدنيا واختاروا ٦٠ أو ٧٠ سنة وفرطوا في عدد سنين ملهوش نهاية في الجنة...أما المؤمن فهتعدي عليه السنين دي كلها كأنها صلاة مفروضة مش هيحس بيهم علشان كدا لازم نعمل لليوم ده من دلوقتي، تخيل تقف 50 ألف سنة والشمس فوق الرأس مباشرةً وشايف كل أهوال يوم القيامة، يوم صعب جدا ...
قال الرسول صلى الله عليه وسلم: {يوم كان مقداره خمسين ألف سنة} فقيل: ما أطول هذا اليوم؟ فقال النبي صلى الله عليه وسلم: «والذي نفسي بيده إنه ليخفف على المؤمن حتى يكون عليه أخف من صلاة مكتوبة»
إلى اللقاء في اليوم التاسع إن شاء الله
عبد الرحمن الرداد
•تابع الفصل التالي "ليالي رمضانية" اضغط على اسم الرواية