رواية حطمت اسوار قلبي الفصل العاشر 10 - بقلم بسمله حسن
البارت العاشر من حطمت اسوار قلبي
By: basmalahassan
**********************************
ف المساء عاد قاسم الي قصره وصعد الي غرفته وغير ملابسه الي ملابس مريحه ثم جلس على الفراش ومسك هاتفهه وظل يعبث به
سمع صوت دق ع الباب ف اذن للطارق بالدخول
دخلت رهف الي الغرفه ونظرت الي اخيه وجدته مازال يوجه بصره ناحيه الهاتف
فقالت بصوت مكسور وحزين حتي ينتبه لها: ابيه
نظر لها قاسم طويلا ووجهه نظره الي الهاتف مره اخري ولم يعيرها اهتمام
فقالت رهف والدموع منهمره علي وجهها : كفايه عقاب ياابيه والنبي انا خلاص حاسه اني بتخنق انا مستعده ل اي عقاب والله بس بلاش العقاب ده وانا اسفه والله ومش هعمل اي حاجه غلط بعد كده
واكملت وهي تشهق من البكاء: ياابيه انا تعبت من جفاءك معايا مش انت دايما تقولي اني بنتك يعني لما بنتك هتغلط هتعمل فيها كده وهتقاطعها كل ده
انا خلاص والله ياابيه اتعملت من غلطتي والله ووالله اول واخر مره ويارب لو زعلتك تاني اموت وتست...
قاطعها قاسم و هو يقوم من علي الفراش واتجه اليها ثم جذبها الي احضانه وقال بنبره غاضبة : انتي بتقولي اي ياغبيه يابت انتي بعد الشرر عليكي
رهف ببكاء: انا قلبي واجعني اووي من بعدك عني ياابيه حاسه اني ميته انت حاجه كبيره اووي ف حياتي ياابيه ومقدرش اعيش من غيرك
قاسم وهو يمسح ع ظهرها بحنان اخوي: خلاص ياحبيبتي اهدي خلاص انا سامحتك واسف اني ضربتك يارهف بس انتي متعرفيش احساسي اي كان وقتها بنتي واختي كلمت واحد من ورايا وكمان مش اي حد يارهف ده صديق عمري
رهف ببكاء وتبرير: انا مش عارفه ازاي سمحتله انه يكلمني مش عارفه والله يمكن كان شيطان وانا مقدرتش اقاومه ومشيت وراه، انا كنت مغيبه ومعرفش انا بعمل اايه،، بس فوقت والله فوقت وعرفت غلطتي خلاص ودلوقتي امنيتي الوحيده ان ربنا يسامحني على اللي عملته وانت كمان تسامحني ياابيه
قاسم بحنان وهو يمسك وجهه بين يديه: خلاص يارهف انسي ياحبيبتي انا خلاص سامحتك اهم حاجه متعمليش اي حاجه تاني من ورايا واي حاجه يارهف اي حاجه تيجي تقوليلي عليها لان لو فيه حاجه ومخبيها عليا وعرفت من برا ساعتها الموضوع بجد مش هيعدي بالساهل فاهمه
رهف بلهفه وسرعه: فاهمه فاهمه اوعدك والله اني مش هخبي عنك حاجه خالص بعد كده
قاسم بحب: ماشي يارهف روحي بقا نامي
نظرت اليه رهف بتوتر وقالت: حاا ضر
قاسم وهو يتفحصها وينظر لها بشك: في حاجه يارهف
رهف بتوتر اكبر: انا وعدتك ياابيه اني مش هخبي عنك حاجه بس هو فيه حاجه حصلت انهاردا
قاسم بجديه : حاجه ايه يارهف
رهف هيا تفرك يدها ببعضها: انا انا بصراحه نزلت اقابل مازن انهاردا
واكملت بسرعه شديده عندما لاحظت ملامح وجهه الغاضبه: والله العظيم ياابيه قابلته عشان اقوله اننا مش نكمل مع بعض والله ما حصل اي حاجه تاني وكمان انا مكملتش نص ساعه معاه والله اسفه اسفه اخر غلطه والله
قاسم بتنهيده: خلاص يارهف حصل خير
رهف: يعني انت مش زعلان ياابيه
قاسم: لا يارهف بس دي اول واخر مره تمام
رهف بفرحه: تمام يلا تصبح ع جنه يااحلي ابيه ف الدنيا
وقبلته من وجنتيه وذهبت مسرعه الي غرفتها
دخلت رهف الي غرفه وهيا سعيده بان اخيها سامحها اخيرا
جلست ع السرير وجاء ف بالها مازن لتقول بحزن ف سرها: ياتري عامل ايه دلوقتي،، ولكنها اكلمت وهي تعنف نفسها: اي رهف احنا قولنا ااي هنعيده تاني ولاايه دي احسن خطوه عملتيها عشان تعاقبي نفسك ع اللي عملتيه انا احسن حل عشان ابطل تفكير اني انام
اغلقت رهف نور غرفتها ووضعت راسها ع الوساده وبعد بضع دقائق ذهبت ف نوم عميق
*****************************************
ف صباح يوم جديد
ف الساعه 11 ظهراً
استقيظ قاسم ع صوت رنه الهاتف
ف رد قاسم وقال بصوت يغلبه النعاس: الو
الشخص: الو معايا البشمهندش قاسم
قاسم وهو مغمض عينه: ايوه انا خير
الشخص: انا مدير مدرسه ******وكنت بتصل بحضرتك عشان عوزين حضرتك ف موضوع يخص ادم ابنك
قاسم بخضه: ادم ليه ماله ف حاجه
المدير وهو يهدئه: متقلقش يافندم هو بخير بس عايزين حضرتك ضروروي ف المدرسه
قاسم: حاضر انا نص ساعه وهكون ف المدرسه
المدير: تمام يافندم مع السلامه
اغلق قاسم معه وقال بقلق ف نفسه: ياتري اي اللي حصل ثم تابع بعدها وهو ينهض من علي الفراش : ربنا يستر
*****************************************
عند حنين
قالت حنين لجدتها انعام: تيته انا نازله اجيب طلبات عايزه حاجه من الشارع
انعام: ااه ياحبيبتي هاتيلي معاكي 2 كيلو طماطم وانتي جايه معلش
حنين: حاضر ياتيته عايزه حاجه تاني
انعام: عايزه سلامتك ياحبيبتي خلي بالك من نفسك
حنين: حاضر ياتيته يلا السلام عليكم
انعام: وعليكم السلام ياحبيبتي
نزلت حنين الي الشارع وركبت تاكسي وجلبت طلبتها
وعندما وجدت الكورنيش قريب منها قالت ف نفسها: الكورنيش قريب انا هروح اتمشي شويه واشم شويه هوا..... جاءت حنين لتعبر الشارع لكي تتمشي ع الكورنيش ولكن لم تننبه الي تلك السيارة القادمه والتي قامت باصطدامها لكن لم يكن الاصطدام قوي
نزل سائق هذه السياره من عربته وقال هو يتجه ل حنين: مش تبصي قبل ما تمشي يااانسه
حنين بالم من وجع قدميها: اسفه ياكابتن
الشخص: لو رجلك وجعاكي اوي اركبي واوصلك لاقرب مستشفي
حنين وهي تحاول الوقوف ع قدميها :لا انا تمام شكرا لحضرتك
اقترب الشخص منها وقال وهو يمد يده: انا قاسم العامري
حنين باحراج : اسفه مش بسلم
نظر قاسم الي عينها وقال : تمام
انهبي كلامه ثم تركها وركب سيارته متوجها الي مدرسه ادم
راقبت حنين رحيله وقالت بعدها باستغراب: ايه الراجل الغريب ده
واكملت بضيق طفولي قتئله : اووف ببقا اعمل ايه ف رجلي اللي وجعاني دي هتقعدني ف البيت اسبوعين
****************************************
وصل قاسم الي مدرسه ادم دخل المدرسه وذهب الي مكتب المدير طرق علي الباب ودخل فوجد ادم يقف احد الزوتيا ف الغوفه وكانت ملابسه مبعثره بشده وتوحي بانه تشاجر مع احد بشده
فذهب اليه وقال بقلق: ايه اللي عمل فيك كده ياادم اي ال حصل
المدير: اتفضل اقعد يابشمهندس وانا هفهم حضرتك
نظر له قاسم وقال بغضب شديد: تفهمني ايه انت مش شايف شكل الولد عامل ازااي
المدير: حضرتك زعلان ع شكل ابنك طب بص بقا وشوف الولد التاني اللي ورا حضرتك عامل ازاى
نظر قاسم الي حيث يشير المدير ووجد ولد وجهه احمر مليئ بالكدمات وقميصه مقطوع وحالته لايثري بها
نظر قاسم الي المدير مره اخر باستفهام
ليقول المدير: ابن حضرتك اللي عمل ف الولد وبهدله بالشكل ده وفوق كل مش راضي يحكي ايه اللي حصل وكل ما اسأله يبصلي ويسكت والولد التاني كمان مش راضي يتكلم
نظر قاسم الي ابنه بصدمه مما فعله وقال: ادم اي اللي انت عملته ده
نظر له ادم بصمت ولم يعطيه جواب
نظا له قاسم وقال بغضب مكتوم: مااشي ياادم حاسبك معايا لما نروح
نظر ادم الي الارض ولم يرد عليه
وجهه قاسم سؤاله الي الطفل وقال: ايه ياحبيبي اللي حصل عشان تضربوا بعض
نظر الطفل الي ادم ف نظر له ادم نظره مرعبه فيما معناه الا يتحدث وقد لاحظ قاسم نظره ابنه للطفل فرد عليه الطفل بخوف: مفيش حاجه ياعمو ادم معمليش حاجه
قاسم بتنهيده وقد وجهه حديثه الي المدير: المطلوب مني ايه دلوقتي
المدير: اهل الطفل جاين دلوقتي وهيعملوا مشكله كبيره
قاسم: انا مستعد لاي تعويض مادي واذا كان ع ادم ف اوعدك انها هتكون اخر شكوى منه
ونظره الي ابنه بتحذير: مش كده ياادم
امأ ادم براسه
فقال المدير: تمام يابشمهندس قاسم تقدر تتفضل وانا هراضي الاهل باي مبلغ يطلبوه ولو جد اي جديد هرن ع حضرتك
قاسم: تمام
ثم نهض من ع الكرسي وسحب ادم من يده وقبل ان يخرج من الغرفه قبل راس الطفل وقال بهمس: انا اسف ياحبيبي على اللي عمله ادم واوعدك انها مش هتفرر تاني تمام
ابتسم الطفل ابتسامه واومأ براسه
وكان يراقبهم ادم بغيره
خرج ادم وقاسم من المدرسه وركبوا السياره قاد قاسم السياره وقام بالتوجهه الي حديقه خاصه تحيط بها الخضره من كل جانب
دخل قاسم وادم الحديقه وجلسوا ف مكان هادئ للغايه والخضره تحيط بهم من كل مكان
جلسوا ولم يتحدث اي احد منهم
ليقاطع قاسم بعد فتره هذا الصمت وهو يقول: ليه عملت كده ياادم
نظر ادم امامه ولم يرد عليه
ليقول قاسم بهدوء : من امتي ياادم وانت بقيت عدواني كده ومن امتى وانت بتعمل مشاكل يعني ينفع يعني تحط بابا ف الموقف ده،، ده انا كنت واقف قدام المدير وانا ف نص هدومي من الكسوف بقا هو ده ادم البطل بتاعي ال الناس كلها بتحكي بادبه واخلاقه وهدوءه وشاطرته
قال ادم ودموعه تنهمر ع وجهه: اسف
مسح قاسم دموعه بحنان وقال: متعيطش ياادم وانا خلاص سامحتك طالما انت مش هتعمل كده تاني مش انت مش هتعمل كده تاني مش كده ياحبيبي
امأ ادم براسه: ااه
نظر لها قاسم وقال بصبر: ها بقا احكيلي اي اللي حصل خلاك ضربت الولد كده
قال ادم بغضب وانفعال طفولي: كل شويه يقعد يغظني ب اللي مامته بتعمله معاه وبيقعد يقولي ان محدش بيحبني وان ماما راحت عند ربنا عشان مش طايقاني
تابع وهو ينظر لقاسم بحزن: هو انا فعلا محدش بيحبني
قال قاسم بحب: مفيش اي حاجه من الكلام ده ياحبيبي انا بحبك وبموت فيك كمان وعمتو رهف وتيته فريده كل دول بيحبوك سيبك من كلام الولد ده هو ممكن يكون غيران منك عشان انت شاطر وهادي ،، ملكش دعوه بيه ولما يتكلم اعتبر ان هوا بيتكلم وهو لما يلاقيك كده هيبعد عنك ومش هيكلمك ويضايقك تاني اتفقنا
ادم: اتفقنا
واكمل بعدها بغيره: بوسني من هنا واشار الي جبينه
ابتسم قاسم وقال له: انا مش هبوسك بس انا هحضنك حضن كبير اووي كمان
مرت ساعه ع جلوسهم بالحديقه وقد استطاع قاسم اخراج ادم من حاله الحزن التي كانت مسيطره عليه ثم قام بتوصيل ادم الي القصر وذهب هو الي الشركه
*****************************************
وصل قاسم الي الشركه ودخل مكتبه واخد يعمل لعده ساعات بتركيز شديد حتي قاطع تركيزه صوت دق علي الباب فاذن للطارق ف دخل مازن
وبمجرد ما ان راه قاسم قال ببرود: خير
مازن بكسره: انا انا عارف انك مش طايق تشوف وشي وعارف ان اللي عملته ميتغفرش بس انل جاي اطلب من طلب واحد واخير
نظر له قاسم فقال مازن: انا مسافر ومهنش عليا امشي وانت زعلان مني مش عايزك انت مخصوص تكون شايل مني
نظر مازن الي الارض لحظات وهو يحاول ان يبلع ريقه حتي لا يبكي وتابع قائلا: انا من ساعه ما ابويا وامي ماتوا وانت كنت محور حياتي كلها ياقاسم اخويا وصاحبي وابويا وكل حاجه انا بطلب منك اخر طلب بس انك تسامحني وقبل ما اسافر
قام قاسم من ع الكرسي واتجه اليه ولكمه في وجهه ثم قام بعدها باخده ف احضانه لينهار مازن ف البكاء: اسف ياقاسم اسف والله مش قصدي اي حاجه من اللي انت متخيلها انا حبتها والله العظيم حبيتها،، وكنت خايف اقولك عشان مكنتش عايز اخسرك بس ف الاخر خسرتك وخسرتها بردو سامحني ياقاسم
قاسم وقد دمعت عينه: خلاص يامازن خلاص انا سامحتك
خرج مازن من احضانه ومسح دموعه وقال: الحمدلله كده ممكن امشي وانا مستريح شويه هتوحشني اووي ياصاحبي
قاسم: هوحشك ايه انت مش هتسافر وهتقعد هنا معايا وكل حاجه هترجع لاصلها
قال مازن بحزن وكسره: معتقدتش،، معلش ياقاسم سبني ع راحتي اهم حاجه انك سامحتني،، انا طيارتي كمان ساعه ف جيت اطلب منك السماح واسلم عليك قبل ما امشي ياعالم هعرف اشوفك تاني ولالا
نهره قاسم وقال: بطل كلامك الغبي ده انا هسيبك شهر ولا شهرين تغير فيهم جوو وترجع تاني انت فاهم
مازن بضحكه صغيره: ماشي ياصاحبي
احتضنه مازن مره اخري بقوه وقال: اشوفك وشك بخير
قاسم وهو يربت على ذراعه: هتصل عليك كل يوم واوعي ارن الاقي تليفونك مقفول فاهم
مازن: حاضر يلا مع السلامه
قاسم: مع السلامه
خرج مازن من غرفه قاسم وخرج من الشركه وركب سيارته قاصدا المطار
وبعد خروج مازن جلس قاسم ع الكرسي وهو حزين علي صديقه
فكر لعده دقائق
ثم قام بعدها بالاتصال ع رهف،، انتظر لحظات حتي اتاه صوتها
رهف: السلام عليكم ازيك ياابيه
قاسم: وعليكم السلام رهف مازن مسافر المانيا وانا بقولك اهو لو لسه عايزاه روحي وراه وامنعيه انا اللي بقولك يارهف
رهف بصدمه: ايه مسافر
قاسم: ااه يارهف مسافر المانيا وطيارته بعد ساعه انا بديلك حريه الاختيار لو عاوزاه روحيله ووقفيه ولو لا ف براحتك كل ده ف ايدك
رهف: ماشي ياابيه
قاسم: ماشي يارهف سلام
اغلقت رهف مع قاسم واخدت دموعها تنهمر على وجهها: مسافر يعني مش هشوفه تاني انا هروحله وهقوله ميسافرش
ولكن اكملت بعدها بصوت باكي: لا مش هروح انا هعاقب نفسي على الغلط ال عملته وهو كمان لو كان بيحبني فعلا كان مسافرش وعافر عشاني وهو اكيد عارف ان الكلام ال قولته ليه عشان خاطر قاسم واكملت بعدها بتصميم: ااه هو ده القرار الصح
**********************************
كان مازن جالس ع كراسي الانتظار منتظر طيارته وكان يمسك هاتفه وهو يقول ف سره: رني بقا يارهف رني وانا هرجع رني وحسسيني انك متمسكه بيا
وبعد مرور بعض الوقت
تحطمت اماله عندما سمع بان الطائره اوشكت على الاقلاع
نظر الي هاتفهه بكسره وقال: ياخسارة يارهف ياخساره
انهي كلامه ثم اتجه نحو الطائره وركبها واقلعت الطائره ذاهبه الي المانيا..
************************************
انتهي البارت
تفااااااااعل كومنتات ولايكات كتييير 👏👏 وانزل بارت اللي بعده 📢👇👇👇
•تابع الفصل التالي "رواية حطمت اسوار قلبي" اضغط على اسم الرواية