رواية حب غير معلن الفصل العشرون 20 - بقلم هبة نبيل
حب غير معلن – بارت 20
المشهد 1 – موعد على العشاء (داخل السيرك، الطاولة مضاءة بأنوار خافتة، المكان يلفه صمت مخيف. عز يجلس أمام نجوى، عيناه تراقبها ببتسامه مخيفه، بينما هي تحاول الحفاظ على هدوئها.)
عز (بهدوء): "فاكرة المكان ده؟ كان آخر مكان شوفت فيه أمي وهي بتتنفس."
نجوى (تحاول التماسك): "الذكريات أحيانا بتكون مؤلمة، لكن الماضي فات، ليه تفتحه تاني؟"
عز (يرمي صورة منال أمامها): اللي فات؟! ليه هو اتقفل عشان يتفتح مش لما اللي قتلها يتحاسب؟"
(نجوى تنظر للصورة للحظات، ثم ترفع عينيها لتواجه نظرة عز الحادة.)
نجوى (بهدوء شديد): "لو كان عندك دليل... كنت واجهتني بيه زمان."
عز (بابتسامة ماكرة): "ومين قالك اني معنديش دليل!
(يُظلم المشهد على تعابير وجه نجوى التي بدأت تفقد ثباتها.)
المشهد 2 – الصندوق المفاجئ (داخل مكتب عز في السيرك، كان الثلاث مجتمعون ينظران إلى الصندوق الذي وُجد مع التهديد.بحذر وريبه)
مليكة (بقلق): "هنفتحه؟ ممكن يكون في خطر."
محمود (بجدية): "مفيش حل تاني، لازم نعرف اللي جواه."
(يفتح غرام الصندوق بحذر، ليجد بداخله فستان طفلة صغيرة... مُغطى ببقع دم قديمة.)
مليكة (تصيح): "دي... دي حاجة تخص منال؟!"
غرام (بدهشه): ده فستاني.؟
مليكة: فستانك؟
غرام: ايوه ده فستاني وانا عندي سنتين وكان ضايع وأكن حد كان خفيه بتعمد عشان ميبقاش دليل
(يتبادلان النظرات في رعب،)
محمود: احنا لازم نبلغ عز
مليكة: انا هبعتله رساله يجي
غرام: ايوه لان انا حصل معايا برضو حاجه غريبه ولازم يعرفها
مليكه (بفضول): حاجه ايه؟
غرام: هتعرفو لما عز يجي
المشهد 3 – فخ الانتقام (عودة إلى العشاء في السيرك، عز ينظر إلى ساعته، ثم ينهض ببطء.)
عز (بهدوء قاتل): "هسيبك تفكري للحظات... قبل ما نكمل كلامنا."
(يغادر عز، تاركًا نجوى وحدها. فجأة، الأضواء تضعف، وصوت صوت وقع اقدام في المكان يدخل شخص مجهول.) فجاة ترجع الاضاءة كما كانت وتستقر علي ملامح الشخص ليتضح انه فاخر (نجوى تنتفض عند رؤية فاخر يقف بابتسامة شريرة.)
فاخر: "شكلك مش مبسوطة بالمفاجأة يا نجوى."
نجوى (بغضب): "إيه اللي جابك؟ عز هيكون هنا في أي لحظة!"
فاخر (ساخرًا): "ومين قالك إني جاي أهرب؟ أنا جاي أخد حقي."
نجوي(بخوف): حق ايه؟ فاخر اعقل احنا مصلحتنا واحدة
(يُغلق الباب خلفه، تاركًا نجوى في مواجهة مباشرة مع ماضيها المظلم.) ياتيه اشعار برساله على هاتفه عندما يقرأها يذهب مباشرة إلي مكتبه.....
المشهد 5_داخل مكتب عز في السيرك
(دخل عز إلي مكتبه ليراه غرام ومليكه ومحمود في انتظاره فا قال عز بنوع من المرح):في اي يا جماعه مالكو متجمعين عند النبي ايه بتعملو خطه حرب ولا ايه؟
غرام (بلهجة ساخرا):مكنتش اعرف ان دمك خفيف
عز ( يبتسم ثم يردها لها في نفس اللحظه): ولسه متعرفيش عني حاجات كتير لسه صغنونه برضو
(تنظر له غرام بغيظ بينما بجانبها محمود ومليكة يتبادلون النظرات بضحك مكتوم)
عز: مليكة لقيتك بعتالي رساله غريبه فيه ايه؟
محمود(بحذر): تعالي بص كده!
(خطي عز عدة خطوات ونظر بداخل الصندوق)
مليكة: لقينه ده بس جواه والغريبه ان غرام بتقول انه فستانها
عز (ببتسامه هادئه ولكنها تحمل الكثير...التقط الفستان من الصندوق وعندما كان على وشك الخروج اتاه صوت غرام ليوقفه عدة لحظات)
غرام: عز في حاجه غريبه حصلت عايزة اقولك عليها.!
عز(بتساؤل): حاجه ايه؟
غرام: انا جالي هديه غاليه وفخمه اوي
مع ورقه مش مكتوب عليها أسم بس كان ده اللي مكتوب... عشان تفضلي دايما قريبه من عز دي حاجه بسيطه
عز: وفين الهديه دي؟
غرام: اهي (تمد يدها بالعلبه التي يوجد بها الهديه؟
(يلطقتها عز ويفتحها ويندهش من فخامتها ويبدا في تفحصها ثم يقول) العقد ده في انه (ويقترب من اذن غرام ويهمس بحذر) القعد ده في مايك..!
(تشهق غرام ولكن سرعان ما يضع عز يداه على فمها ويشير لها بأن تصمت)
غرام(بهمس هي إيضا): يعني تقصد ان اسربه ملبسوش تاني
عز( بهمس وبستفزاز مرح وسخريه ): اسربه في بنت تقول اسربه انتي هجامه يا غرام اسمها ابعده عني يا ماما بس اوعي تعملي كده زي مابيلعبونه احنا كمان هنلعبهم بذكاء وهنسمعهم كل الكلام اللي هما عايزنه بس ع مزاجنا احنا
انا همشي دلوقتي عشان ورايا حاجه كده بعملها وهرجعلكو تاني....
المشهد 6 – المواجهة المزدوجة (عز يعود ليجد فاخر أمام نجوى، فا يبتسم بمكر.)
عز: "كنت هتبدأ من غيري؟ ده برضو ينفع ده حتي مش عدل ياراجل
(فاخر يضحك بخبث لكنه يشعر بالقلق ، بينما نجوى تحاول السيطرة على ارتجافها.)
نجوى: "أنت فاهم غلط يا عز."
عز (يقاطعها بحدة): "لا، أنا فاهم صح جدًا. الليلة دي... هتنتهي بطريقتي."
نجوي(برعب وهي تمسك ساعدين الكرسي الذي تجلس عليه ويدها ترتعش والعرق يتصبب من جبهتها) ت.. تقصد ايه يا عز هتموتني؟
عز: لالالا هو انا زيكم انا ملوثش ايدي بدمكم وبعدين موتكم مش هيفدني اكتر من انكم تبقو قدامي كده طول الوقت واتسلي عليكم كل شويه عذابكم ونظره الرعب اللي هتطلع من عنيكم دي عندي احسن من اي حاجه تانيه انتو هتطلعو من هنا بس بمزاجي وهتعملو كل اللي انا هطلبو منكم ديل
(نجوي وفاخر يتبدلون النظرات بريبه ثم يتحدثون سويا بكلمه واحدة وهي الموافقه)
عز: حلو شطار اسمعو بقي اللي هقولكم عليه ويتنفذ بالحرف....
مشهد 7– تهديد جديد (في سيارة مظللة، يجلس شخص يراقب عز وغرام من بعيد، يمسك هاتفه ويتحدث.)
الشخص المجهول: "هو بدأ يحس بالحقيقة... لازم نتحرك قبل ما يفهم كل حاجة."
(تُغلق المكالمة، والعيون تراقب عز وغرام )....
مشهد 8_سر جديد في المخزن القديم بالسيرك)
(كان حموده يذهب للمخزن القديم ليبحث عن ورق يريده وعندما كان يبحث رأي ورق اهم يدين فاخر ومعه صورة من محضر قديم ينظر لهم ببتسامه خبيثه ثم يقرر بان ياخدهم ويخرج ولكن كانت تتبعه عيون اخري.....
المشهد 9 – الصفحة الأخيرة؟ (عز يدخل إلى غرفته في السيرك، يفتح ملفًا على مكتبه مكتوب يحمل عنوان "الحقيقة الكاملة"، ينظر إلى صورة منال، ثم إلى صورة نجوى، قبل أن يكتب كلمة واحدة: "العداله؟")
(المشهد يُظلم على وجهه الحاسم، بينما الرياح تعصف خارج السيرك... إيذانًا بعاصفة لا مفر منها.)
يتبع.....
•تابع الفصل التالي "رواية حب غير معلن" اضغط على اسم الرواية