رواية ملح بطعم السكر الفصل الرابع والعشرون 24 - بقلم سلمي سمير

  رواية ملح بطعم السكر الفصل الرابع والعشرون 24 - بقلم سلمي سمير 

المواجهة_الصعبة

البارت_الرابع_والعشرون

 ••••••••••••••••••••••••••••••••••••••••••••••••••☆

عاد رياض الي داره بعد صلاة الظهر ودخل غرفته يغير ثيابه لتساله امه بريبة قلق"

ايه رجعك دلوجك يا ولدى  مش بعد الصلاة بتمر علي الارض  والمزارعبن ولا في حاجه حصلت؟! 

رمقها بنظرة سريعه وقال لها علي عجل"

غيري انتي كمان خلجاتك لاجل تجي معايا نزور مرت ولدك 

متوحشكيش احفادك  ياسمينا وياسين

زفرت امه بضيق "

اتوحشتهم جوي وبالذات ياسمينا الغلباوية ، لكن اتوحشت خوك كمان اللي عايش معانا في بلد واحدة وسبوعين بطولهم مندرهوش ولا بيجي يمسي عليا 

مسد ظهر امه بحنان وقال "

خوي سافر امبارح لاشغاله وورد بلغتني انه مردش للبلد من يوم نزل مصر وده سبب اننا  هنروح نزورهم رايد افهم منيها ليه خوي سافر من غير ما يودعنا وليه مصر ان مرته تجيم في داره لحد ما يعاود 

ظهر الضيق علي محيا عديلة وقالت بحزن"

الغربة جست جلب خوك حتي علي مرته وولاده، انت لازم تشوف ليك حل يا ولدى انا ههملك اغير خلجاتي واجي معاك ازور مرته وخيتي ولازم تحكم عليهم يعاودوا معانا للدار مادام خوك سافر وهمل مرته بولادها لحالها 

اؤمي لها رياض بالموافقه وقال"

ده اللي في نيتي بس لول اعرف  منيها ايه حوصل وسبب سفره بالشكل ده  ليسمعو صوت عويل وصراخ عالي 

وضعت عديله يده علي قلبها وقلت بقلق"

استرها يارب مين مات علي الصبح، هروح  اندر مين واعود اغير خلجاتي علي ما تخلص انت

تركته وخرجت  لينتهي رياض من ارتداء ملابسه ويهندم نفسه لتدخل عليه امه وعلي محياها علامات الذهول والصدمة والدموع التي تحجرت في مقلاتها تنبا بسوء

يسألها رياض بقلق"

حصل ايه يا اماي مالك سحنتك اتجلبت اكده  لية!! ، روحتي تندري مين اللي مات، اية حد مات من العيله ولا حد غالي  ؟

امسكت في ثيابه وصرخت بوجع جعل قلبه ينتفض من المه علي امه وسالها بهلع"

حصل ايه يا اماي مالك في اية

تحشرج صوتها وانهمرت دموعها لتعبر عن وجعها الغير محتمل

ليضمها رياض الي صدره ويسالها بحيرة"

انطجي يا اماي في ايه مين مات وشندل حالك اكده؟

ترتجف شفتاه وهي تقول بلوعه"

خوك جاد مات  يا رياض حصل خوه واتحرمت منيه

حدق رياض في امه بقوة وهزها بعدم تصديق "

جاد مين اللي مات وكيف والله في سماه مصدجش اللي لما اشوفه بعيني انا هروح اعرف مين جال ان خوي مات

خرج مسرعا ليذهب الي زوجة اخية ليصطدم بعمه الشيخ ياسين الذي قال له بحزن"

البجية في حياتك يا رياض ، جولي يا ولدى هتجدر تجيب جتت اخوك ندفنه جار  اهله

غامت عين رياض وضغط علي اسنانه بقوة ليكبح جماح غضبه وقال له بحدة"

مين جال ان خوي  جاد مات وكيف مات وازاي وفين؟

اجابه سويلم ابن عمه والذي كان يرافق ابية "

من مرته ورد جالت انه كان في الطيارة اللي انفجرت  النهاردة الصبح والحكومة اعلنت ان كل اللي فيها ماتوا وفي عداد المفقودين يعني مستحيل تعثرو علي جتت جاد الله يرحمه

زاد رياض من ضغطه علي فكه وصاح فيهم"

الطيارة اللي انفجرت كانت مسافرة لروسيا خوي ايه هيسفره روسيا واشغاله في امريكا ده حديت فاضي مصدجهوش  انا هروح لورد واستفهم منيها بنفسي

وتركهم وذهب الي زوجة اخية ليعرف منها الي اين كان ذاهب اخيه ولماذا كذبت عليه حين قالت انه في طريقة لامريكا

 ••••••••••••••••••••••••••••••••••••••••••••••••••☆

دخل رياض الي دار اخيه ليري جميع  النسوة تتشح بالسواد وتصوت وعمته حفيظه جالسة بينهم باكية حزينه  وفي حضنها تجلس ياسمينا التي ما ان رات  رياض نهضت مسرعه والقت نفسها عليه لتنهض حفيظة واحتضنته بحزن"

البجية في حياتك يا ولدى موت جاد جطع  في جلوبنا كلتنا وورد حابسه نفسيها من وجتها ومريدش تحدت حد فينا

اخرج رياض عمته من حضنه وحمل ياسمينا وقبلها وقال لهم" 

خليكي مع جدتك يا ياسمينا لحد ما احدت اماتيك ولما اخلص هعاود اخدك 

وينظر الي عمته بحدة"

ادخلي استاذني من ورد تخرج تحدتني دلوج وجولي لنسوان دول يكتمو خالص مريدش اسمع صوتهم

تصمت النسوان بعد حديثه  وتدخل حفيظة لتبلغ ورد ان رياض بالخارج ويريد ان يحدثها 

تعود حفيظة ومن خلفها تأتي ورد وهي تحمل ياسين ومطاطيه راسها بالارض

ياخذ منها رياض ياسين ويقبل راسه ويعطيه لعمته ويقول لها" 

خدى الولد يا عما  لحد ما حدت ورد 

اجعدى يا ورد وجوليلي كي اخويا سافر لروسيا وهو شغال في امريكا وليه هملك في الدار لحالك  ونزل مصر انطجي

ابتلعت ورد ارياقها بصعوبة ونكست رأسها ارضا لتهرب من عيناه المسلطه عليها وقالت وجسدها يرتجف بقوة"

هو نزل مصر يخلص شغل واتصل بيا امبارح وقالي ابلغك انه هيسافر لشغله من غير ما يرجع للصعيد لانهم عايزينه في شغل مهم والصبح بلغني ان الشغل ده في روسيا هيخلصه وهيسافر علي امريكا يسلمه وبعدها هيرجع للصعيد وده سبب انه اكد عليا مسبش الدار لحد ما يرجع

علشان اكدة انا جولت انه مات لاني متوكدة انه راح  راح

كور رياض قبضته وضغط علي يده بقوة وصاح فيها "

ارفعي وشك وهاتي عيني في عينك لما احددتك انت متوكدة انا خوي جاد كان في الطيارة اللي انفجرت

زاد ارتجاف جسدها ودخلت في نوبة بكاء حادة خوفا من مواجهته ليظن رياض انها حزنا علي اخيه وكذلك امها التي احتضنتها بقوة وقالت له بحزن"

بيكفي يا رياض كفاية عليها حزنها علي راجلها، روح شوف طريجة ندفن بيها جوزها حرام نتحرم منيه دنيا واخرة

خرج رياض من دار اخية وقلبه يعتصره الالم ليري امامه عمه الذي ساله وقال برجاء"

طمني يا ولدى صوح جاد مات خلاص اكدة

يصرخ رياض بحزن كسر قلبها وحطم روحه "

انا مخابرش حاجه يا عمي لكن لو كي ما بتجول ورد انه كان بطيارة روسيا يبجي اخويا مات، يبجي جاد.مات مات

بكي الشيخ ياسين وقال له"

طيب هنجيم الصوان وناخد فيه العزا ولا في امل تجيب جتته وندفنه  في ترابنا

نزلت دمعه هاربة من مقلاتاه وصرخ بحسرة والم"

مخبرش يا عمي انا مطيجش حالي ، اعمل اللي يلد عليك وانا هنزل مصر اندر الوضع اية 

ترك رياض عمه في حيرة ليقول سويلم"

بوي رياض مش جادر يصدج ان خوه مات واحنا لازم نتصرف انا هنصب الصوان وانت خد العزا فيه لحد ما رياض يعاود

اؤمي له الشيخ ياسين   بالموافقة "

جيمه يا ولدى اللي راح مش بيعاود وجاد جابل وجه رب كريم وعوضني ع الله فيه ربنا يرحمه ويصبرنا علي فراجه

اقيم العزاء ثلاث ايام ورياض لا اثر له ،كان بكاء امه لا ينقطع حزن علي ابنها الغالي الذي كان برؤياه يعوضها حرمانها من تؤامه لياتي اليوم ويرحل هو الاخر وتتحرم منهم طول العمر

 ••••••••••••••••••••••••••••••••••••••••••••••••••☆

بعد اليوم الرابع عاد رياض ليدخل الي دار اخيه والغضب تجسد علي محياه لينظر الي امه المكلومه في ولدها يجثو جوارها ويقبل يدها ويقول بحنان"

اصبري وتجلدى بالجوة والايمان يا اماي الجاي كلته خير

تحتضن عديلة رأس ولدها الذي يقبل يدها وتبكي بحرقة"

مبجاش ليا غيرك انت واحفادى بالله عليك يا ولدى ما تحرجش جلبي عليك انت كمان

رفع رياض رأسه عن يد امه ونظر اليها بغموض "

مليش في نفسي حاجه يا اماي الاعمار بيد الله وكل واحد له ميعاد معلوم هيجابل وجه رب كريم ادعيلنا  انت بس بحسن الخاتمه وراحه البال

ليجول بنظره فيما حوله ويري نساء زوجات عمه مجتمعين حول امه وعمته حفيظة ليسالهم"

فينها ورد مجعداش معاكم ليه انا رايد اتحدد معاها 

نهضت حفيظة وقالت له"

كانت بتجهز الوكل هي وسناء وبعدها دخلت اوضتها لاجل ياسين ينعس  هو وياسمينا هدخل اجولها انك عاودت بالسلامه بس طمني جدرت توصل  لخوك؟

لتنتبة عديله الي ان رياض نزل مصر ليبحث عن طريق اخيه والعثور علي وسيله لنقل جثمانه الي بلده لتساله بلهفه"

ايوة يا ولدى طمني  جدرت تعرف فين جتت خوك الغالي ؟؟

تنهد رياض وظهر علي ملامحه الغضب من جديد وقال"

لما احددت ورد هجي اطمنك باذن الله ،روحي يا عمي حفيظة او انتي يا هداية جولي لورد تحصلني علي المضيفه

تنهض هداية لتذهب مع امها لتبلغ ورد بحضور رياض وطلبه لمقابلتها، دخلت عليها هداية ورأتها ممددة بجوار اولادها ، همست لها وقالت بصوت خافت"

ورد جومي رياض عاود ورايدك ضروري الظاهر عنده اخبار رايد يجولهالك لول همي يا بت عمي مالك اكدة متخشبه 

ما ان سمعت ورد بحضور رياض اصابها الذعر وراودها هاجس قوى بانه علم بكذبها وقد اتي لمحاسبتها ،وهذا ما جعل جسدها يدخل في حالة من الصدمة ويتخشب ،لتهزها هداية

بقوة وتنهرها بحدة"

بجولك الكبير رايدك همي يا بت عمي هو منتظرك بالمضيفه

نهضت ورد وارتدت طرحتها وخرجت من غرفتها تجر ساقيها خائفة من مواجهته لكن ليس بيدها حيله تدخل معها امها  الي الغرفة التي كانت صغيره لا تساع احد غيره بسبب حضور رياض  الطاغي تدخل ورجلها تتخبط في بعضهم البعض  خوفا من مواجهته واكتشاف كذبها عليه لتقول له بصوت  خافت"

حمدلله بالسلامه يارياض 

غامت عيناه بغضب مستتر ونظر الي عمته وقال "

همليني لحالي مع ورد يا عما وياريت وانتي خارجه اجفلي الباب وراكي رايد اتحدد معاها من غير ازعاج 

زفرت حفيظه بحزن وقالت"

حاضر يا ولدى بس متتاخرش رايدن كلتنا نطمن علي جاد كي ما هطمن ورد عليه

اؤما لها رياض بالموافقة، لتغادر وتغلق خلفها الباب الذي فكرت ورد ان تهرب منه قبل أن  تغلقه امها وراءها

 نظر اليها رياض والغضب يتطاير من عيناه وسالها بحدة"

أخويا فين يا ورد؟ 

أبتلعت ارياقها بصعوبة وبللت شفتاها التي جفت من شدة الخوف وقالت بارتباك ملحوظ "

ما انا قولتلك اخوك فين يا رياض  جاد مات خلاص

باغتها بدون سابق انذار  ووضع يده علي رقبتها وساقها الي الحائط وثبتها عليها وقال بصوت يملاءه الغضب "

جاد مماتش لانه مركبش الطيارة الروسية ولا كان من ضمن ركابها  ولا حتي طلع تاشيرة للسفر لروسيا انطجي احسلك خوي جاد فين،لاما الله في سماه ادفنك حية

ترقرت الدموع في عيناها وهي تنظر الي رياض الذي تحول الي وحش كاسر لم تراه قبل اليوم بسبب عشقه لاخية لتتسال كيف سيقبل بها بعد ان يعرف انها تخلت عن اخية وساقته الي الموت بطلاقها منه، من المؤكد رياض لن يتزوجها مرة اخري بعد طلاق جاد  رغم عشقه الجارف لها لتقول بحزن علي حالها وظلم قلبها العاشق له وتقول"

واهون عليك يا رياض تموتني انا ورد الشام

غامت عيناه وزاد من ضغطه علي رقبتها ليقول بصوت تجردت منه المشاعر والاحاسيس الإ مشاعر الاخوة والدم"

بعد خويا ما عندى غالي اللي بيجري بعروجنا دم مش ميه و ومش هسمح لمره تكون سبب لحرماني منيه انطجي احسلك ياورد انا معدتش باجي علي حاجه بعد خوي جاد فينه

اغمضت عيناها شاعرة بالاختناق بسبب يده المطبقه علي رقبتها بشدة لتمد يدها تزيحه وقالت بأستسلام "

هقولك كل حاجه بس شيل ايدك ، مش محتاج تموتني تاني كفاية مرة يارياض  اخوك جاد في امريكا

ارخ يده عن رقبتها ونظر اليها بريبة "

واما هو في امريكا ليه كذبتي وجولتي انه  مات في الطيارة اللي كانت مسافرة لروسيا وليه هملك لدارك وايه سبب سفره لمصر؟

جولي كل حاجه انامش هرحمك  ولا اهملك لحالك جبل ما اعرف كل حاجه وبالتفصيل 

بعين  خلت منها  الرغبة في الحياة نظرت اليه ودموعها سالت تبكي علي قلبها الذي تحطم علي صخرة رباط الاخوة قالت"

حاضر يا رياض هقولك كل حاجه وبالتفصيل

كفكفت دموعها بعد ازاح يده عن رقبتها لتترنح وكادت ان يختل توازنها رأف بها سندها الي ان اجلسها وقال"

جولي اية حوصل بينك وبين جاد خلاكي  جولتي انه مات! وحرجتي جلوبنا عليه  

غمغمت بحزن وقالت"

جاد سافر من عشرين يوم لامريكا بعد ما طلقني 

حدق رياض اليها بدهشه وصاح فيها"

ومين سمح له يطلجك ايه خلاص مبجاش ليكم كبير ورايكم من دماغكم تعملو كيف ما بدكم  كملي ليه طلجك وليه جولتي انه مات انا رايد اعرف كل حاجه

ارتجفت شفتاها من التوتر واكملت"

هو اللي قالي انه بطلاقي منه كانه مات وبلغني اقولكم كده لكني مقدرتش اواجههك لحد لما اصريت تعرف فين اخوك

اتصلت بيه وبلغته وقولته يكلمك لكنه رفض وقالي لازم اقنعك بموته، ويوم ما قلت انه مات لقيته بيتصل بيا وقالي افتحي التليفزيون هتلاقي الحل قولي اني سافرت فجأة لروسيا اخلص شغل وبعدها سافرت لامريكا

هز راسه لفهم ما حدث وغامت عيناه وعاد ليسالها"

بردك معرفتش ليه جاد طلجك ، وليه محدش منكم خبرني جبل ما تعملو المصيبه دي ،

وكيف تلعبو بمشاعرنا انا واماتيه وتحرجو جلوبنا عليه ؟؟

وانتي كيف جبلتي تيتمي ولادك وهم لستهم صغار ومحتاجين لابوهم يربيهم  ؟؟

انهارت ورد من البكاء وشاخت بنظرها بعيدا عن نظراته الغاضبة والمتسائلة لتقول "

انا معملتش حاجه كل اللي طلبته من اخوك ياخدني معاه، زهقت اعيش لوحدى بالشهور وهو عايش مع مراته وابنه

ايه كفرت وهو رفض وبقي عليها وخاف علي مشاعرها طلبت الطلاق لاني مجرد زوجة ترضيه طول زيارته ليكم

ضحك رياض بخيلاء وزادت حدة من ملامحه بسبب الغضب الذي عاد يكسوها وصرخ فيها"

بجي بتجولي ان جاد فضل عليكي مرته ،لاه يا ورد مجدرش اصدجك ولا اصدج ان جاد متجوز عليكي من الاساس، خابرة ليه هجولك يا مرت خوي

بسبب الوجع اللي ندرته في عيونه يوم ما خبرته باللي حصلك في حملك الاول كان وجع عاشق مجروح من غدر الزمن لجلبه مش مجرد زوج مرته مش جادرة تحبه

خوي صعيدى ودمه حر لو مكنش عاشجك مكنش جبل علي نفسه تفضلي علي ذمته دجيجه واحدة وانتي عاشجه اخوه

فضل معاكي لجل يملك جلبك والحمد لله اللي نادره منيكم انك بتحبيه كي ما هو بيحبك، ليه بجي الطلاج وبجي بينكم بدل الولد اتنين وفضل جارك بحملك لياسين ،اكثر من ست شهور ،وهمل اشغاله لاجل خاطرك كل ده وتجولي فضل مرته التانية عليكي وولده اتجنيتي انت اياك!

زاد نحيب ورد علي ظلم رياض لها ، كيف يلومها لعشقها له وهو من غدر بها وبقلبها من اجل ان يقدمها زوجه لاخيه تليق به وتحمل اولاده لتتذكر تمسكه بان تبقي علي حملها علي ان تتعالج وتعود لحالته الطبيعية، لتتاكد انها ضحي بها  لاخيه من اجل ان تنجب اطفاله ولانها الوحيدة التي تناسبه،

لينتفض قلبها مدافعا عن حبها له وقالت"

ايوة عشقتك يا راجل وندمت علي عشقي ليك لانك مستحقهوش ،لكن جاد فعلا متجوز وليه ابن اكبر من ولادي مسميه عبد الرحمن علي اسم ابنك وتقدر تروح لة وتساله

بس قبل ما تلومني اخوك طلقني لانه في خطر، انا رضيت بزاوجه من واحدة تانية لكنه رفض ياخدني معاه خوفاً عليا وعلي ولاده وقال كفاية واحد متعرض للخطر

انا كده قولتلك كل حاجه واتصرف زي ما تحب عن اذنك زمان ياسين صحي وعايز يرضع

همت بالخروج ليمسكها رياض من ذراعها بعنف وحدق بها بقوة وقال بعنف وغضب"

جولتي اللي عندك بس لازم تسمعي اللي عندى جبل ما تهمليني وتخرجي، انا هسافر  اعاود بجوزك فاهمه جوزك

انتي لسه في عدته وهيردك ليه بكيفك او غصب عنيكي

ابتسمت نصف ابتسامه حزينه وقالت"

اللي عايز تعمله اعمله بس لازم تعرف ان اخوك وقع الطلاق رسمي وبعتلي ورقة طلاقي يا كبير

ضغط علي اسنانه بغيظ وقال"

لستك مرته وفي عدته وله حج يردك علي يد مأذون ولما اعاود بيه هيردك يا ورد ، معندناش بنات بتتطلج هتفضلي علي ذمته لحد موتك حتي لو معاودش تاني فاهمه! 

ترك ذراعها وغادر الغرفة لتنهض امه وتساله"

جولت ايه لورد طمنتها يا ولدي طمني انا كمان حجي اطمن علي ولدى كي ما طمنت مرته 

قبل راسها بحب واحتضنها"

اطمني يا اماي انا هغيب كام يوم ولما اعاود باذن الله ليكون معايا جاد ليكون معايا جتته في نعش  لاجل ادفنه

ويخرج مسرعا ليجهز نفسه بالسفر الي امريكا وترك وراءه قلب ورد الذي انكسر وفاقد الامل في ان يعيش الحياة التي يطمح اليها مع حبيب قلبها الذي رفض حبها لثالث  مرة

 ••••••••••••••••••••••••••••••••••••••••••••••••••☆

   سافر رياض بعد انتهاء اجراءت السفر الي امريكا ليصل بعدما غادر الصعيد باسبوع الي بيت اخية في امريكا

طرق الباب بهدوء وانتظر الرد "

فتحت ناتالي الباب او كما يدعوها جاد ملك لتنظر الي رياض بتفحص وبدون تردد هتفت وقالت "

انت رياض رايت؟ !

جالت رياض عيناه عليها بغضب وقال"

ايوة زين انك  بتعرفي تتحدتي عربي انا رياض فينه جاد

فتحت الباب علي مصراعيه وقالت له بأدب "

اتفضل جاد موجود  وبانتظارك من يومين

دخل رياض ليري طفل كبير في بيت اخيه ليحمله رياض ويحتضنه بقوة ويهتف له بحنان"

بجي انت عبد الرحمن الصغير خابر اني عندى ولدى الكبير اسمه عبد الرحمن كي اسمك

تململ الولد بين احضانه ليسمع صوت ابيه يلومه"

عيب يا بيدو ده كبيرنا وفي مقام ابويا  واخويا الغالي وقطعه  من قلبي ودمي ولادى ولاده ولا ايه يا رياض

انزل رياض الطفل من بين يده وجذب جاد لحضنه وتنهد باه جعلت قلبه قبل عيناه  تبكي وأخيه يبكي علي بكاه "

اه يا ولد ابوي اشتجتلك وحرجت جلبي عليك، لما اتخيلت اني مش هندرك تاني اه يا خوي

ترك جاد حضن اخية  وانحني علي يده يقبلها "

حقك عليا بس كان غصب عني ،ورد فرضت عليا الواقع ده 

وبصراحه هي انقذتني وانقذتكم ، لاني كنت اناني في حبي ليها ونسيت الخطر اللي عايش فيه

حدق اليه رياض بقوة وقال"

مين جال ان طلاجك من ورد هيستمر انت هتنزل معايا وهتردها وهتربي ولادك ولو علي مرتك التانية تجي معاك والدار كبيرة تساع من الحبايب الف 

يهم جاد بالحديث ليوقفه رياض باشارة من يده ويقول"

خابر هتجول ايه ، انت مش خاين ولا جاسوس علشان تخاف تلجأ لبلدك تحميك ،وانا والعيلة وكل فرد في بلدك يجدرو يحموك انت صح غلطت لما  استسلمت ليهم ، لكني وراك لحد ما تعاود بلدك سالم غانم بأذن الله

ابتسم جاد بقلة حيلة واحتضن اخيه بقوة وبكي"

ياريت كان ينفع الحكاية مش زي ما انت فاهم،انا مش جاسوس علي مصر ، اعترافي والقضية اللي مدبسني فيها طالع فيها جاسوس علي امريكا من اليهود، يعني لو مصر فكرت تحميني هما هيطالبو بيا كجاسوس عليهم ولازم اتحاكم باحكامهم وبالمعاهدة اللي موقعه بين بعض الدول مصر مرغمه تسلمني، هما عرفو ينصبو عليا الفخ كويس، لو بلدى اللي هتعدمني كنت هبقي سعيد كفاية ان هموت شهيدا لاني برئ لكن هكون في بلدى واموت بايد واحد من اولادها مش غدر من خونه ومجرمين 

رياض صدقني انا مش خايف من مصيري اللي عرفته من ٥ سنين وسلمت امري لله فيه وده سبب قلة زياراتي ليكم علشان تتعودوا علي غيابي  

ورد بس اللي نستني الواقع ده وخليتني اعيش الحياة من جديد واحبها  علشان كده لما طلبت الطلاق افتكرت ازاي

انا كنت اناني وعرضتها للخطر هي واولادى

سامحني يا رياض بس فعلا انا انسان ميت ، كنت اتمني يزهدو في خدماتي ويتنازلو عني،  لكن ملك حذرتني انهم  يوم ما يزهدو فيا هيغتالوني لو مكنتش ووفي ليهم

  

وانا خلاص حليت ورد من ارتباطها بيا،  وحَميتها بروحي ودمي لاني لو معملتش كده، مبقاش جاد اخوك الصعيدي اللي يفدي اهل بيته بروحه ودمه 

مسح  رياض بيده علي وجهه بضيق غير مصدق انه سيعود بدون اخيه كيفما وعد ورد بانه  سيردها له ولاولاده كيف يتحمل ان يعيشوا إيتام وابيهم حي يرزق ليقول له"

كي يا خوي تهمل ولادك ايتام وانت حي ، كانك بتجولي انك فعلا ميت واتحرمت منك باجي العمر 

مسد جاد ظهر أخيه بقوة وهتف بحرارة وهو يشير لقلبه"

انا هفضل حي في قلبك عمري ما هموت، وولادى عمرهم ما هيبقو أيتام طول ما انت حي يا رياض،انا بحملك امانتهم ، 

وفي امانة تاني عايز احملها ليك واوعدني مترفضش 

ليدخل غرفته ويعود معه بعض الأوراق ويعطيهم له"

دول أوراق بيدو خده معاك وانت مسافر لمصر، ملك امه نفسها طلبت احميه زي ما حميت اولادى من ورد وده حقه يتربي مع اخواته ربنا يعينك ٥ اطفال  حمل كبير بس انت قدها وقدود اما ورد فوصل ليها الرساله دي

اخذ رياض الاوراق ونظر اليه وقال"

كان اولي بيك تسميه" علي" مش عبد الرحمن كي ولدى

ضحك جاد وقال له بتصميم"

كنت عايز حاجه تربطني  مجاش في بالي غير عبد الرحمن ابنك اللي كنت بحب العب معاه ، بس انا بديلك مطلق الحرية تغير اسمه سمية "علي جاد وجدى الاسناوى" 

واحتضن اخية وبكي بحرقه جعلت رياض يترنح من شدة وجعه علي فراق اخية ليقول جاد "

قول لامي لو جاد مات فهو عايش في اولاده،وان علي الصغير هيعوضها علي الكبير وياسمينا وياسين هيعوضوها جاد

ترك حضن أخيه وسلمه ابنه ودخلت زوجته لتأتي بحقيبة ملابسه وقالت له وهي تودع ابنها بكاء يدمي القلب"

خلي بالك من ابني امانه عندك اختصمك فيه  يوم القيامة

ومش تنسي انه ابنكم ويحمل دمكم 

يلا امشي من هنا بسرعه قبل ما يحسو بوصولك ومش تقدر تخرج بابننا من الاراضي الأمريكية

شعر رياض بالياس التام في عدم اصطحاب اخية معه، اخذ الحقيبة وحمل الطفل الذي طلب منه جاد اطاعة عمه  وهم بالخروج ليحتضنه جاد ويوصيه التوصية الاخيرة.....

 ••••••••••••••••••••••••••••••••••••••••••••••••••☆

عاد رياض الي الصعيد وبصحبته "علي" بعد ان قام بتغير اسمه في شهادة ميلادة حتي يكون هو البلسم الشافي لامه بعد فراق ولدها الغالي جاد 

ما انا وصل الدار وعرف ان امه مازالت تقيم عند ورد ذهب اليهم واخذ اولاده معه ودخل عليها لتراه ورد تدخل الي غرفتها حتي تتحاشي الحديث معه

الا ان رياض نداها حتي تسمع ما سيقول لهم"

اماي كنت رايد اجيب خوي معايا وادفنه في ارضه لكن امر الله نفذ ، لكن ربنا عوض حرجت جلبك بولد منية يفكرك بيه وباخوه التؤام علي الصغير

ويقرب منها علي الصغير الذي كان يخاف الجميع الا رياض 

تخطفه امه من حضنه وتضمه الي صدرها بقوة 

اه يا ولد الغالي واسم الغالي ربنا يجعلك عوض عن بوك يا ضنايا واخ زين لاخواتك وولاد عمك

يطلب رياض من ورد ان تاتي باولادها جرت عليه ياسمين كالعادة واحتضنته ليجلس بجوار امه وياخذ من ورد ياسين ويضعه في حضنها ويقرب اولاده منها ويقول لها"

العوض في ولادى وولاد اخويا انتي جدتهم ،وكلتهم محتاجين حنانك وجوتك وحبك،لاجل يكبرو علي الحب والحنان منيكي كي ما كبرت انا وخواتي جاد وعلي وسناء

تضمهم عديله بين احضانها وتري فيهم العوض عن حرمانها من ولديها التؤام جاد وعلي

ينظر رياض الي ورد وقال لها ان تحصله علي غرفة الضيافة"

ذهب ورحلت خلفه ورد ودخلت وطلب منها اغلاق الباب خلفها

ما ان دخلت استدار اليها وقال بايجاز"

جاد وضح ليا كل حاجه، وصعب اجول لاماي انه حي وترجع تتفجع بموته تاني، اما علي ولده هيتربي مع ولاده وولادى 

وانت من اليوم ارملته مش مطلجته، يعني هتجعدى اهني في دارك لحد ما توفي عدة الارملة ، ماريدش حد يعرف ان جاد طلجك ، الفرج بين العدتين شهر وعشر ايام

بعد ما تخلصي عدتك هتجي تجيمي في دار العيلة، كنت رايد افرح الكل واكذبك لكن مليش حيلة وللاسف جاد جاد  اصبح ميت بعيون الكل وانت كأرملته لازم تكملي عدة الارملة

انا هاخد اماي وولادى وعمة حفيظة هتفضل معاكي لحد نهاية عدتك وأما تخلص تجي دار العيلة 

وكل طلبات هتكون عنديكي من اليوم وطالع  واسمعي ما رايد  باب الدار ما يلمح توبك فاهمة

يتركها ويخرج لتبكي ورد علي جاد وعلي ولده الذي سيعش محروم من امه وابيه وتعاهد نفسها ان تكون له الام التي حرم منها والباقي علي رياض الذي اصبح بمثابة الاب لاولادها

 ••••••••••••••••••••••••••••••••••••••••••••••••••☆

مكثت ورد بدار زوجها الي ان انتهت عدة الارملة التي ارغمها رياض عليها حتي لا يعلم احد بطلاقه لها

وفي صباح اليوم التالي اخذتها امها وخرجت بها من دار جاد لتشق عدتها، واخذتها لتتجول  بها البلد حتي تؤكد  للجميع نهاية  حدادها

الي ان وصلت الي دار العيلة قرب صلاة الظهر وما ان دلفت الي الدار و راتها خالتها عديلة واحتضنتها وقالت لها بحزن"

نورتي دارك يا مرت الغالي ، ادخلي وهات ولادك يتعرفوا علي خوهم علي ،رايده منيكي تعوضيه حرمانه من  امه

تنهدت ورد ودخلت الي الدار واتي لها عبد الرحمن بعلي الصغير لتضمه الي صدره وتحنو عليه وتقول له"

من النهاردة عايزاك تقولي مامي انا هعلمك العربية وهتعامل معاك زي ما تحب بس المهم لازم تعرف ان كل اللي بالدار هنا اهلك وكل دول اخواتك 

وتشير الي اولادها واولاد رياض الذين اتوا للترحيب به

بعد ان استراحت خلعت عنها ثياب الحداد وقالت لحماتها"

انا هخلع ثياب الحداد ومن بكرة هنزل لكليتي بعد اذنك يا عمه كفاية امتحانات الترم اللي راحوا عليا وبسببها هعيد السنة

لطمت عديلة صدره وصرخت بعويل"

بتجولي ايه تخلعي توب الحداد ليه، كنت متجوزه فرخ انت كنتي علي ذمة راجل وسيد الرجاله  ليه اكده يا ورد تزعليني منيكي ده احترامك لجوزك

صاحت ورد بغضب وحرقه"

جوزي مات وانا عندى مستقبل واولاد عايزة اربيهم ، لا بالثياب ولا الدموع هيعوضوه ولا ياكدوا حزني عليه

انا حدادى علي جاد انتهي ومش هرجع في كلامي كفاية كده

تحتج عديلة عليها بحدة  وتصيح فيها اثناء عودة رياض من صلاة الظهر ليسال امه "

في ايه يا اماي مالك حسك عالي اكده لية

تشير الي ورد بغيظ "

شوف مرت خوك الهاملة رايده تخلع عنيها توب الحداد

طالع رياض ورد بغموض وقال لامه "

حجها يا اماي ، ورد عدتها انتهت وواجب عليها تخلع عنيها توب الحداد لاجل ترضي جوزها

شقهت عديله وورد في ان واحد وقالت ورد"

جوزي اللي هو ازاي ايه يارياض انت هتغصبني تاني  علي الجواز  ولا اية

غامت عين رياض بضيق وقال لها "

مفيش غصبانية لكن انت صغيرة والارملة اللي في سنك لازم تتجوز ، انت مش ملك نفسك يا ورد والليلة  كتب كتاب علي عريسك وعمك الشيخ ياسين هيكون وكيلك

لينادى علي ولده عبد الرحمن ويقول له"

عبد الرحمن روح لجدك الشيخ ياسين واكد عليها يجي ومعاه ماذون البلد واتنين من عمامي لجل يشهدوا علي زواج ورد

ثارت ورد بغيظ وضربت الارض بعصبية وصاحت"

لاء يا رياض مش هتجوز ولا انت ولا عشرة غيرك هيغصبوني

علي الجواز كفاية بقى ، واذا كنت بتخلي مسؤوليتك عني

انا هروح لداري واقفل عليا بابى واربي ولادى ومحدش ليه دعوة بيا فاهم  ولا لاء دي اخر كلام عندى ومعنديش غيره

لتصيح فيها عديلة وامها بغضب"

اكتمي يا ورد ومتعرضيش رياض  اللي يجوله هيتنفذ 

ليسالها رياض بغموض وملامح لا تظهر ما يخفيه"

جصدك ايه اني اتخليت عن مسؤوليتك كي يعني

نهضت  ورد ووقفت  امامه بتحدى تحسد عليه"

مدام وكلت امري لعمك ياسين كده  معناها  انك بتخلي مسؤوليتك عني 

ضحك رياض وقال له بدهاء "

كيف اكون وكيلك وانا هبجي جوزك.......!!!

 ••••••••••••••••••••••••••••••••••••••••••••••••••☆

يتبع............

• يتبع الفصل التالي اضغط على ( رواية ملح بطعم السكر ) اسم الرواية