رواية ملح بطعم السكر الفصل الخامس والعشرون 25 - بقلم سلمي سمير

  رواية ملح بطعم السكر الفصل الخامس والعشرون 25 - بقلم سلمي سمير 

فرحة قلب

البارت الخامس والعشرون

 ••••••••••••••••••••••••••••••••••••••••••••••••••☆

يا صُعوبة الحُب والحياة وما بِهما من طرق واعرة، حقاً كم يَحتاجُ المرء منا من مجهود عظيم كي يَسلك بعضاً من طرقهما، سحقاً للحياة حين تُبعدَنا عمن نُحب سحقاً لها، ألف سُحق لينحصر هذا البعد والفراق في خندق ابتلاءات 

من القدر والقضاء.

ما زالنا في الفلاش باك______

كانت كلمات رياض رغم قلتها، الا انها تسببت بفوضى عارمة داخل  قلب ورد المشتاق إلى العودة إليه،

نظرت اليه مطولا لا تنطق او تنبث ببنت شفاه ليسألها رياض"

مالك يا ورد مارايدش اكتب عليكي 

قاطعته امه واحتضنته بفرحة"

بتجول ايه يا رياض ده حجك فيها انت أولى واحد بولاد خوك ومرته ده غير انك كنت جوزها ، يعني مش غريب عنيك

الحمد لله ان ربنا هداك للجواز منيها

لتضم حفيظة ابنته بقوة وتهمس لها"

اخيرا ربنا كتبلك السعادة  وهترجعي ليه وهتحققي امنية حياتك انك تجضي عمرك الباجي معاه

خابرة ليه لانك رضيتي ربنا بوفاءك واخلاصك لجوزك، لخاطر ربك كبير غير حالك من حال لحال لجل ترجعيله

ظلت ورد  صامتة غير مصدقة ان رياض سيصبح زوجها وستعود لأحضانه وحياتها معه من جديد،،،

تجهم  وجه رياض بالضيق لعدم ردها عليه وصمتها الطويل  ليسألها"

مالك يا ورد انطجي يا بت عمي ماريداش اكتب عليكي وانفذ وصية خوي اللي انتِ خابراها زين ،واعوض ولادك بوهم 

غامت عين ورد ونطقت لسانها بما يرفضه قلبها وقالت"

لاء يا رياض مش هقبل اتجوزك، واظن متقدرش تغصبني لاني حره وزوجي انا اللي هختاره مش عاداتكم هي اللي هتفرض  عليا اتجوز مين ،  لاني ارملة واجب عليا  اتجوز اخو جوزي علشان يربي ولادي وانا فين من كل ده 

تثور عديلة  عليها وودت لو ضربتها وصاحت بها تعنفها"

اتجنيتي اياك يا ورد ولا ايه،رايدة راجل غريب ينام في فرشة ولدي ويربي ولاده وعمهم وكبيرهم عايش ورايدك

اسمعي يا بت منصور دي تجاليدنا وعاداتنا وهتنفذيها غصب عنيكي لإما اجسم بالله اخلي عمامك يتاوكي

تكلم رياض اخيرا وقال"

استني  هبابة اكده يا اماي انا مارايدش افرض حاجه علي ورد ، دي حياتها وهي ليها حج تختارها ،انا من يوم طلاجي منيها اجسمت ما هعمل غير اللي يلد عليها وبكيفها جولي يا ورد انت موافجه اكتب عليكي ولا لاه 

هزت رأسها  بالرفض وقالت"

لاء يا رياض انا عايزة اللي يتجوزني ، يتجوزني لنفسي ولذاتي مش لاني واجب عليه، مش هعيد معاك اللي عشناه سابق

لما اتجوزتني علشان تأدبني ولانه  كان واجب عليك، انا من حقي اعيش حياتي من غير اجبار نفسي ارتاح بقى 

غامت عيناه وسألها "

وده يمنع اني اتجوزك لنفسك وبالوجت ذاته اتجوزك لاجل  واجب عليا انتِ بت عمي وكنتِ مرتي وولادك ولاد خوي 

وانا رايد اعوضهم حرمانهم من بوهم ده حجي يا ورد فيكي

طأطأت رأسها ارضا  وقالت بتصميم"

ايوه يا رياض حقك ، بس  انا لسه في عز شبابي، ومن حقي ان يكون جوازي من راجل عايزني انا  مش بس اب لولادي ، لان لو جوزي حبني هيحب اللي مني واولهم ولادي، علشان كده انا هختار جوزي اللي هكمل معه حياتي برضايا

حدق بها وتجهمت ملامحه وقال بضيق"

وماله يا ورد مدام ريداه وهيكون امين علي ولادنا انا موافج

جوليلي مين هو واشوف يناسبك ولا الحب عمى عنيكي

تبسمت بدلال لتخطف قلبه العاشق لها"

اختارتك انت يا رياض لو هتتجوزني لنفسي ،عايزاك رجلي حبيبي اللي هكمل معاه ايامي وانا مطمنة ومرتاحة

ها يارياض عايزني لاني ورد ولا لاني ارملة اخوك وده واجبك

صمت رياض بشكل مريب ليقع قلبها في قدماها خوفا من رفضه لها ، وبذلك تكون ضيعت اخر أمل في الرجوع له"

لتسمعه يقول لابنه عبد الرحمن"

هم يا عبد الرحمن لدار عمك الشيخ ياسين وجوله يحضر مأذون المركز كي ما طلبت منيه وميتأخرش

تنفست الصعداء وسألته بلهفة ارادت ان تتأكد انه يريدها لنفسها  هي وليس لانه واجب عليه وقالت له"

مارديتش عليا يارياض عايزني لنفسي ولا.....

قاطعها وقال بغموض"

اظن ردي وصلك بس انتِ بتتعامى، ولاجل اريحك هجولهالك

ايوه يا ورد عايزك لانك ورد الشام بت عمي مرتي وشريكتي 

ها راضية يا ست البنتة

ارتجفت شفتاه وصارت قشعريرة قوية في اوصاله، هل اعترف رياض بعشقه لها ام قال ما يرضيها فقط ،لتوبخ نفسها

مش،مهم انا واثقة من حبه سواء قاله او لاء المهم ان الليلة هرجع لحضنه وهعوض ايامي اللي ضاعت في البعد عنه

اقترب منها رياض بدون ان تشعر به بسبب شرودها والتحدث لنفسها فيما هو اتي معه ليرى دمعة عالقه على رموشها، يمد يده يكفكفها ويسألها "

ليه الدموع ،ماريدش مرتي الزينة تبكي تاني بعد اليوم ، وجوليلي نفسك في شوار او دهبات قبل كتب الكتاب ولا طلبات الغالية ايه ماريدش اهضم حجك وجصر معاكي

امسكت يده التي كفكفت دموعها ونظرت الي عيناه بعشق"

لو قولتلك انا استكفيت بيك من الدنيا كلها هتصدقني

اؤما برأسه مصدقا علي حديثها لتكمل"

خلاص مدام  مصدقني معنديش اللي اقوله، لان اللي نفسي فيه هيعوضه وجودي بحضنك عنه

تعجب وسألها بإلحاح"

وايه نفسك فيه ويشهد عليا الله لو لبن العصفور لجبهولك

تاهت عيناها في عيناه وهامت به بعشق لتقول بفرح"

كنت نفسي البس الفستان الابيض واتزين بدراعك،لكن ماينفعش لاني ارملة، كنت نفسي اتدلع زي العرايس وتتشور من جديد من لبس ارضي بيه عيون جوزي واثاث جديد ، نفسي ونفسي وكل نفسي و انت  نفسي فا اللي هعيشه معاك

بس ليا طلب واحد ممكن تبعت لهداية عايزاها تجهزني ليك

اخذ رياض نفس عميق وأجابها "

كل اللي نفسك فيه هيكون ، الا فستانك الابيض، لكن شوارك ودهباتك بعد كتب الكتاب هتاخدك امايتك واماتي ويشتروه ليكي وكمان شوارك، ومن الصبح هفرش ليكي الدور الفوجاني كلاته وانتِ اللي هتختاري الاثاث اللي يرضيكي 

ام هداية هي جاية بالطريج مع خواتها لاني وصيتها تسبجهم وتكون معاكي وجت كتب الكتاب

اردفت بفرحة وقالت "

يعني كنت عارف اني هوافقك علي الزواج منك  ، ورتبت لكل حاجه من غير ما ترجع ليا مستبد ومتحكم

ضحك وعيناه احتضنت عيناها بعشق"

لاه، ابدا  بس لاني خابرك زين ومربيكي علي يدي ومتوكد انك عاجلة وبتحترميني كي بوك ومستحيل ترفضي لي طلب مش امر لاجل تجولي عني مستبد يا ست البنتة 

تنفست بقوة لتختزل كل السعادة في قلبها الي لقاءهم سويا بعد ان يعقد قرانهم ويعود زوجا لها لتنتبه فجاءة وتسأله"

رياض انت بتقول تفرش ليا الدور الفوجاني ليه،  انا هعيش معاك في اوضتنا القديمة،مش عايزة حاجة  غيرها عايزاها بكل ذكرياتي معاك وافراحي وياك ممكن

تدخلت عديلة في حديثهم وقالت"

اباه عليكي يا ورد من يوم ما خرجتي منيها ورياض جافل عليها بجالها ٣ سنين وزيادة ما حد دخلها كيف تتجوزوا بيها ، وهي بحالتها دي دي رايدة تنظيف وتوضيب كتير ، 

شمرت ورد ساعديها وقد دب النشاط بأوصالها "

مش اوضتي انا وجوزي  خلاص انا هجهزها و اوضبها بنفسي 

امسك رياض يدها وتبسم لها"

خلي عنيكي انتِ يا ورد باتعة وشلبية هيوضبوها على ما تعاودي من بره هتكون جاهزة لاستجبالك 

هما خدوا ولادك  نايميهم وجهزي حالك لاجل عمامك لما ياجوا يخدوا الوكالة منيكي تكون جاهزة 

وقفت ورد واجله ليسألها رياض عم سر وجلها"

مالك حوصل ايه خلاكي مخضوضة اكده في ايه خايفة منيه

اقتربت منه للحد الذي لا يسمعه غيرها وقالت بفزع"

رياض انا مطلقة مش ارملة، المأذون اللي هيكتب هيعرف ان جاد عايش لانه هيطلب شهادة الوفاة هنعمل اية

تهكم ضاحكأ وربت علي كتفها واجلسها وقال"

بجى انا يفوتني حاجه كي دي، اسمعي يا ورد انا هجولك اللي حصل، بس الاول لازم تعرفي اللي جاله لي جاد ووصاني بيه 

ابتلعت ورد ريقها وسألته بلهفة"

وصية ايه اللي قالهالك جاد وليه ماقولتليش وطمني خرجت من الموضوع ده ازاي والمأذون هيطلب دليل اني حره

اخذ نفساً عميق وبدأ يقول لها الاتي"

 ••••••••••••••••••••••••••••••••••••••••••••••••••☆

يبدأ يقول ، بعد ما سلمني جاد اوراج ولده ومرته جامت بالحجز ليا وليه لجل اسافر جبل ما يحسوا بوجودي

جبل ما اخرج وجفني جاد وجالي حديت وجع جلبي اكثر ما جلبي موجوع لفراجه جالي"

رياض لو بتعزني وعايزني اكون مرتاح في غربتي عنكم هطلب منك طلب اعتبرها وصيتي الاخيرة ليك

وحياة اغلى ما عندك بالدنيا، اتجوز ورد خلي ولادي يتربو في حضنك وتحت رعايتك كون ليهم الاب وانا واثق انك قدها

بس قبلها كون لورد الزوج كفاية حرمتها منك مرة ماتحرمهاش العمر كله منك، اتجوزها وحقق ليها  معادلتها الصعبة.. في انك تكون زوجها وامانها وسندها وحبيبها 

نظر اليه رياض بجزع وثار عليه "

بتجول ايه يا ابن ابوي حبيبها اتجنيت انت اياك دي مرتك

امسكه جاد من كتفه وقال بضيق"

لا يا رياض ورد كانت مراتي لكن انت حبيبها، بعد ما طلقتها عيني فتحت علي حاجات كتير، ورد اصيلة ومتربية وحافظت علي سمعتي وملكتني كل حاجة فيها الا قلبها لانه ماكنش ملكها لان ورد سلمتك قلبها ودفنته معاك

صدقني يا رياض اوقات كتير بندم لاني دخلت بينكم، لو مكنتش ظهرت في حياتك عاجلا او اجلا كنت هتتجوز ورد لان بعشقها ليك كنت هتقدر تدوب الجليد من قلبك اللي سكنه الثلج وبرد مشاعرك وخلاك ماتحسش بيها

يا رياض انتو القدر جمعكم لسبب وفرق بينا لسبب، ولو رجعت  لأصل الحكاية هتعرف ان ورد مقسومة ليك

روح يا اغلى ما عندي واعمل اللي يرضي ربنا ويرضي روحك

استودعك الله  الذي لا تضيع عنده الودائع  

تنهد رياض واغرورقت عيناه بدموع لكنه ابى ان يبكي امامها واكمل حديثه قائلاً"

ده الي حصل بيني وبين خوي  جاد و دي كانت وصيته لي 

اما اللي حصل اليوم بيني وبين عمي الشيخ ياسين كان 

بعد ما خلصت صليت الفجر روحت معاه وجولت ليه انك مطلجه ولانك كنت لساتك في العدة وجت اللي حوصل لجاد

فكان واجب عليكي تكملي عدة الارملة وان اليوم نهايتها

وانا رايد اتجوزك لاجل ارعاكي وارعى ولادها

عقد الشيخ ياسين ما بين حجباه وسأله بغضب"

كي سكتت علي طلاج خوك لبت عمه، في ايه يارياض وين احترامهم ليك ولمجامك ككبير للعيلة وليهم، 

اشار له رياض بالهدوء ليسمع له واكمل"

يا عم انا مخبرش بطلاق ورد غير بعد وجوع الطيارة ولما سألته ليه اتطلجتي وما حد منيهم رجع لي قبل طلاجهم وخدوا جرارهم لحالهم

جالتلي انها خبرت بجوازه  واصرت ليطلجها لياخدها تعيش معاه كي مرته التانية لكنه رفض وجدام اصرارها طلجها

وانت خابر انه فعلا متجوز وولده علي دليل علي صدج ورد

ليأخذ نفس طويل ويكمل"

مش ده موضوعنا دلوج انا مارايدش حد يعيب في بت عمي ويجولوا جوزها طلجها ليه ، انا هتجوزها كي جولتلك وانت هتكون وكيلها رايدك تروح لمأذون المركز وتفهمه الموضوع

وانه مايتحدتش جدام اعمامنا بانها مطلجة ، ومأذون المركز

مايعرفنيش وهيكتب الكتاب من غير ما يسأل  وده اللي يهمني 

لكن ماذون البلد ماضمنش يحفظ سرنا

مسد.عمها علي كتفه بشدة "

خوك جاد غلطان جوي لجل يشتري الغريبة علي بنت عمه، لكنك علي حج  يارياض في اللي جولته مايصحش نعيب في بنتنا ، ونخلي الغريب والجريب يجولي في حجها الشينة 

انا هنزل بنفسي  اجيب مأذون المركز بنفسي وهخليه هنا بداري وهعطيه كل بياناتك انت وورد لحد ما تدبر حالك وتبعتلي لجل نبجى نكتب الكتاب ومعايا عمامك اللي هيشهدوا

شكره رياض لحسن تفهمه وقال له"

لي طلب تاني بعد صلاة الظهر ابعت هداية وخواتها لورد بدار العيله يكون جارها وجت كتب الكتاب مارايدش تكون لحالها

لينادي عمه الشيخ ياسين على هداية ويقول لها"

يا هداية واد عمك رياض هيتجوز ورد وهو رايدك تكوني جارها ومعاها وجت كتب الكتاب لانكم خواتها

تهلل اسارير هداية ومسكت يد رياض وشدت عليها بفرح"

الف الف الف مبروك يا رياض الحمد لله ان ربنا هداك عليها

ضحك رياض وقال لورد"

هداية فرحانه ليكي رغم اني هتجوزك علي خيتها، استغربتها لكن جولت اكيد بتحبك جوي  وبيناتكم اسرار كتير

ابتسمت له بسعادة وقالت وهي تحدق به"

فعلا هداية اختي وغلاوتها  في قلبي كل يوم بتزيد لصدق حبها ليا وخوفها عليا

لتدخل عليهم اثناء حديثهم وتقول ورد بمرح"

ابن الحلال يجي علي السيرة عن اذنك بقى اروح ليهم واخلص معاها ، لان ورانا حاجات كتيرة اووي 

لتذهب لهداية وتسحبها من أمام أمها وخالتها التي كانت تسلم عليهم وتبارك لهم وتسحبها لغرفتها وتحتضنها بقوة وتصيح بفرحة لم يسعها قلبها"

خلاص يا هداية اخيرا ربنا جبرنا وهرجع لرياض ، انا مش مصدقة نفسي كلها دقايق وهرجع  علي ذمته ،انا حسا ان قلبي هيقف من الفرحة احمدك يارب

غمرتها هداية بحضن قوى وقبلتها "

الحمد لله يا جلب اختك ربنا عوض صبرك خير وهترجعي لحبيبك من تاني وتعيشي أيامك اللي ياما اتمنتاها معاه

تركت ورد حضنها حين سمعت طرق خفيف علي غرفتها ، فتحت الباب لترى طفلتها ياسمينا تقول بفرحة"

ماما  بابا رياض بيقولك  جدي جه وهيتجوزك 

نزلت ورد واحتضنتها بقوة وقبلتها بفرحة "

قلب ماما يا ياسمينا ، روحي قولي لبابا رياض اني جاهزة

وبعدها روحي اقعدي مع جدتك واخوكي ياسين 

جريت الطفله لتبلغ عمها ما قالت لها امها وبعدها جلست بجوار مهد اخيها لتلعب معه

استدارت ورد.لهداية الناظرة اليها بفرح وصاحت بها"

يلا يا هداية نجهز زمان اعمامي جايين ياخدوا مني الوكالة 

ابتسمت  هداية لها و كانت سعيدة من اجلها ، ثم قامت بكل سعادة تساعدها في تغيير ثيابها وألبستها فستان جديد جميل يظهر خصرها النحيل وقدها الممشوق ، ولفت طرحتها لتكون فعلا كعروس بالليلة زفافها ، ثم جلست معها بانتظار اعمامها 

طرق الباب وسمحت ورد للطارق بالدخول لترى عمها عتمان وابن عمها سويلم ومعهم عمها جابر ليقول لها سويلم"

بوي الشيخ ياسين  بيجولك وكلتي مين لكتب كتابك

بللت ورد شفتاها بريقها  وارتعشت بقوة وقالت لهداية"

اقرصيني في ركبتي خليني اتأكد اني مش بحلم يلا بسرعة

لكزتها هداية في ركبتها ونهرتها "

فوقي يا ورد وركزي  عمامك بانتطار اخد الوكالة 

اخذت نفس عميق وابتلعت ريقها وقالت "

انا بعطي الوكالة لعمي الشيخ ياسين ،

اقترب منها عمها عثمان وقبل رأسها وقال لها"

مبارك يا بتي يا زين ما اختار  ولد خوي رياض ربنا يتمم ليكم علي خير ويجعلك ليه الزوجة الصالحة ويرزجك منيه الذرية الصالحه  اللي تزين حياتكم وتحلي ايامكم

يخرجوا ويتركوها وتظل ورد تنتفض بشدة الي ان دخل عليها رياض ، ما ان دخل  خرجت هداية  لتتركهم وحدهم 

اقترب منها رياض ولاحظ انتفاضها وارتجاف جسدها بشدة

نظر اليها بقوة وامسك يدها وألبسها دبلتها وقبل مفرق شعرها من فوق طرحتها وقال بهدوء"

مبارك ياورد الحمد لله  نفذت وصية خوي،

ابتعدت عنه وقالت بضيق"

تاني يا رياض يعني كنت بتضحك عليا واتجوزتني علشان ترضي اخوك واهلك مش علشاني 

جذبها وحوطها بين يداه بدون ان يحتضنها ونظر الي عيناها"

مفيش فايدة فيكي كنتِ اصبري اكمل حديتي، انا حمدت الله لتنفيذ وصية خوي، وكنت لسه  هشكره كتير جوي لانك صيرتي مرتي وشريكتي بجية حياتي بس اللي جلجني عليكي  انتفاض جسمك وارتجافه جوي ده ليه

مالت علي صدره برأسها ليبعدها رياض ، ويقول"

انت دلوج زينة يلا همي اماي وامايتك بانتظارك يجيبوا ليكي شوارك ودهباتك يلا لجل ما تتأخري

وهملي ياسين وياسمينا لي انا هجعد.معاهم لاني اتوحشتهم جوي جوي يلا همي يا ست البنتة 

تنهدت ورد وشعرت بالإحراج لرفضه لها وارجعت هذا الي انهم لم يغلق عليهم باب لوحده بعد

دفعته للخارج وخرجت لتتلاقي التهاني من عمها ياسين وبناته وامها وخالتها كانت الفرحة تملأ قلوبها، سعداء من اجلها ومن اجل رياض الا خالته كان الحزن يسكن مقلتيها   ••••••••••••••••••••••••••••••••••••••••••••••••••☆

ما ان غادرت ورد الدار بصحبة امها وخالتها وهداية نادي رياض علي شلبيه وباتعه واعطاهم  امر بتنظيف وتجهيز  الغرفة التي كان يعيش فيها مع ورد سابقا "

اسمعو انتو الاتنين رايد جبل ما يعاودو  تكون الاوضة كي العروسة وتفرشوها زين لجل ليلة زفافي فاهمين

ابتسمتا الخادمتان وقالتا بنفس واحد"

مبارك يا كبير ده يوم الهنا لما نجهز غرفة ليلة عرسك 

لتقول شلبية بحماس"

همي يا باتعة  نجهز اوضة الكبير وعروسته دي الفرحه الكبيرة

ويدخلا وكلهم حماس للانتهاء من توضيب الغرفة وتجهيزها

في حين جلس رياض مع ابناءه وابناء اخية وظل يهدهد ياسين ويتسال بالم "

كيف يا خوي جدرت تحرم نفسك من ولادك اكده بالساهل وبالذات ولدك الصغير اللي اتحرم  من شوفتك 

ليتنهد بقوة "

اه يا ولد بوي حملتني حمل ثجيل جوي الله يعيني عليه

وتمر الساعات وتعود ورد وهي تحمل ملابس جديدة لتبدأ حياتها مع رياض وكأنها  تتزوج لاول مرة

وما ان اصبح رياض زوجها من جديد محت كل السنوات التي قضتها بعيدا عنه ، أرادت ان تعوض كل لحظة فراق ودمعة ذرفتها لسعادة تعيشها بين احضانه

ما ان دخلت الي الدار هرعت اليه وسط اولادها واولاده ومدت يدها له تريه ما اشترت لها امه "

شفت خالتي عديلة جابت ليا دهب قد ايه، متعرفش انك انت عندى اغلي من كل كنوز الدنيا

ملس  رياض علي ما تلبس قائلاً"

مبروكين عليكي يا ورد ، واه كل دي شنط، ودي   لحالك ولا لولادى وكل اللي بالدار معاكي

ضحكت ورد بمرح"

ايه كتير عليا  يا رياض ولا انا مش عروسه وليا حق ادلع

حمل رياض ياسمينا التي تجذبه من بنطاله ليحملها "

انا كمان عايزه زي ماما وابقي عروسة واتجوزك يا رياض

ضحك رياض من لماضة ياسمينا "

وماله  ما انا اتجوزتك انتي كمان، يلا يا ورد خدي حوايجك دخليهم اوضتك  شلبية وباتعة وضبوها مليح وبكرة باذن الله

هدلي اجيب عفش جديد لاجل تليج بالعروسة

هزت ورد رأسها بالرفض"

لاء مش عايزاك تغير فيها حاجه عايزها علي حالها كده  بكل ما فيها ممكن واظن ان  دي اوضتي وليا حرية الاختيار 

وكمان انا مش هدخل الاوضة غير وانت معايا عايزه اخطي عتبتها انا وانت سوا زي اي اتنين بيتجوزوا جديد

لتعطي الشنط لهداية"

خدي يا هداية الشنط دخليها الاوضة ورتبيهم زي ما قولتلك

اخذت هداية الشنط كما طلبت منها ورد واخذت ورد ابنها الصغير ودخلت غرفة امها لارضاعه وبعد ان انتهت خرجت لتودعها هداية الذي اتي أخيها لياخذها  علي وعد بزيارتها 

ما ان خرجت هداية وكل من بالدار استعد للنوم قالت لها عديلة"

هاتي  ياسين ينام بحضني وادخلي انتي لحالك مع جوزك

اعترضت ورد بشدة لتقول امها "

مينفعش يا ورد ولدك مش صغير من حج نبدا نوكله، مادام تم الست شهور انتي ترضعيه رضعه زين بليل واخده ينام بحضني هو وياسمينا، لان  لو اصريتي تاخدي ياسين معاكي ياسمينا مش هتسكت وهتمسك في خوها 

يبجي الحل الاتنين يناموا بحضني وانتي ادخل مع جوزك

ظهر الحزن علي محياها لا تعرف كيف تبعد ابنها الصغير عن حضنها وهو  لم يكمل عامه الاول بعد ،قبل ان ترد علي امها تقول عديلة بضيق"

يعني ايه تاخديهم يا حفيظه يناموا بحضنك، مش ولاد ولادي كي ما هما ولاد بتك انا هاخدهم يباتوا بحضني ومن الصبح انا هبدأ اوكل ياسين اكل خفيف خليه يبعد عن امايته 

واشتد النقاش بين حفيظة وعديلة علي مين ياخذ الاولاد ليتدخل رياض ويحسم الجدال بينهم "

اسمعي يا اماي علي هيبات بحضنك، و ياسين وياسمينا بحض عما حفيظة وحديت كتير هاخد الثلاثة يباتوا معايا

ضحكت الاختان وقالت عديلة"

لاه يا ولدى هاخد علي يبرد ناري علي فراج بوه، الله العالم بحالي كنت نفسي افرح ليك واعملك ليلة  الكل يحكي بيها 

لكن امر الله، خوك لسته  نار فراجه حارجه جلبي

بس جلبي فرحان ليك جوي يا ولدى  انك اتجوزت ورد ولجل خاطرك وخاطرها رضيت انزل اجيب ليها شوارها ودهباتها 

لان فرحتي بيك غلبت وجعي علي فراج الغالي

يلا خد  مرتك وادخل اوضتك وانا وخيتي هنتصرف مع الولد

ابتسم رياض ونظر الي ورد التي تضرع وجهها بحمرة الخجل"

يلا يا ورد الوجت اتاخر وانتي خابره اني بصحي بكير اصلي الفجر جبل ما انزل الارض بعدها اخلص اشغالي

قبلت ورد ابنها بقوة واعطته لامها وكذلك احتضنت ابنتها وعلي ونظرت الي رياض بخجل واشاحت بنظرها بعيدا عنه 

ثم عضت ورد علي شفتاها وتبطأت ذراع رياض وضحكت"

يلا بينا يا زوجي العزيز  

اخذها رياض ودخل غرفتهم القديمه التي كان يعيش فيها معها ما ان خطت داخله تركت ذراعه وتنفست بعمق واخذت

تتلمس كل ما فيها بشوق  وتَحبب"

ياه كل حاجه فيها وحشتني ، اخيرا رديت ليا روحي 

ليسألها رياض بتعجب"

للدرجة دي كنتي مرتاحه فيها رغم كل اللي شوفتيه معايا

اقتربت منه ونامت علي صدره وتنهدت بقوة "

انا لما خرجت من هنا خرجت روحي قبلها ، والنهاردة رجعت ليها من تاني ومعاها روحي وقلبي

لترفع راسها عن صدره وتنظر الي عيناه بقوة"

فاكر لما خرجت من الاوضة دي بعد ما طلقتني قولتلك اية؟

تنهد رياض واجابها"

فاكر زين، بس ثجتك دي جيتك من فين ياورد ، معجول بينك وبين ربنا عمار للدرجة  دي!!

اعادت رأسها من جديد علي صدره وحوطت وسطها بيدها "

كنت واثقه في ربنا، انه مش هيكسر قلبي بدون ذنب واتحرق بنار فراقك طول عمري وكل ده  لاني عشقتك اكثر من نفسي 

حتي لو مكنش حصل وافترقت عن جاد،

كان عندى امل اني ارجع لحضنك لو حتي اخر يوم بعمري

والحمد  لله ربنا  ردك ليا ورد ليا حياتي معاك من جديد

رياض انا بعشقك ومش خجلانه من حبي وعشقي ليك وعلي قد ما قسيت عليا وظلمتني مقدرتش  اتخلص  من عشقك بالعكس كل حاجه كنت بتعملها معايا كانت بتخليني احبك اكثر واتمناك اكثر واكثر ، لكن رغم عشقي ليك عمري ما فكرت اقرب منك او اعيش في حبك وانا علي ذمة اخوك

اقسم بالله يا رياض انا حاولت احبه لكن انت مسبتش مكان لحد في قلبي يسكنه غيرك

ابتسم لها رياض وابعدها عن صدرها وقال لها"

غيري خلجاتك  واطلعي انعسي يا ورد وسامحيني مش هجدر اكون ليكي الزوج اللي انتي بتتمنيه  صح انت مرتي وليكي عليا حجوج لكنك  هتكوني مرتي زي ما كنا الاولي 

لتساله بتعجب واستغراب"

يعني ايه يا رياض تقصد اية زي ما كنا الاول؟!!

اخذ نفس عميق وصارحها بتصميم "

يعني علي الورج بس........

 ••••••••••••••••••••••••••••••••••••••••••••••••••☆

يتبع........

• يتبع الفصل التالي اضغط على ( رواية ملح بطعم السكر ) اسم الرواية