رواية حب غير معلن الفصل الثلاثون 30 - بقلم هبة نبيل
حب غير مُعلَن _بارت 30 والأخير بعنوان / أنتصار الخير"
----
المشهد 1_ تجهزات مشدده (السيرك – لحظة استعداد ما قبل المسابقة)
الجميع يجهز للمسابقة الكبري الأضواء تتثبت، الأزياء تتصمم، الموسيقى التجريبية تعمل في الخلفيه.
مليكة (وهي بتتمرن):
"أنا مرعوبة... بس متحمسة!"
محمود (بضحكة):
"كده كده هنكسب. إحنا فرقة واحدة، وعيلة واحدة."
غرام (وهي تراجع فقرات العرض):
"المرادي مش بس فن، المرادي عرض حياة... وكلنا نجوم لازم نلمع."
عز (يمسك إيدها):
"وإنتي احلي نجمة فينا."
تبتسم غرام وتذهب بخفه لتُكمل تدريباتها
---
المشهد 3_ اعتراف وحقيقة
سُهى تقف أمام محمود الذي لم يريد النظر اليها مترددة، وعيونها تملئوها الدموع والندم من المواجهة الذي حدثت امام الجميع
سُهى:"مكنتش بكره غرام... كنت بس غيرانة منها، كانت دايمًا بتحقق كل اللي أنا بحلم بيه." كانت دايما سبقاني بخطوة بس انا بحبها
محمود (نظرة حاسمة):
"اللي بيحب حد بجد ما بيدمروش انتي حبيتي عز، بس أنا للأسف اللي كنت بحبك بصدق بس انتي دورتي ع العز والغنا مش على الحب انتي حتي محبتيش عز انتي طمعتي فيه واستكترتيه على غرام الحقد والغل ملو قلبك عملتلك ايه عشان تعملي فيها كده لو كانت لقدر الله حصلها حاجه كان هيبقي وضعك ايه دلوقتي؟ وتفتكري كان عز هيسيبك؟."
سُهى تحني رأسها لأسفل، فضلت الصمت لان ما ستقوله له لا يفيد
محمود يتركها ويرحل في هدوء، وهي تقف وحيدة في الممر
---
المشهد 4_ جلسة تأمل رومانسيه ( عز وغرام جالسين على العشب في حديقه السيرك
( عز وجِه لوجه مع غرام، يتذكرون لقائهم الأول )
عز: كنتي شايفاني وقتها بعبع جاي اهد كل اللي بنتوه... بس أنا كنت شايفك أقوى مني."
غرام (تبتسم):
"دلوقتي أنا شايفة فيك بيت... و سعادة استاهل أعيشها. بعد كل حاجه وحشه شوفتها في حياتي انت تعويض ليا من ربنا بعد سنين حرمان حتي لما عرفت ان ابويا سلماوي ملحقتش افرح بعد عني اي نعم غصب عنه بس برضو كان نفسي اقضي معاه اكبر وقت ممكن بس خلاص هانت ووقتها مش هسيبه ابدا لا هو ولا انت
يتعانقوا في صمت، والدنيا من حولهم تعجّ بالاستعداد.
(مليكه وهي تتجول في الساحه الخارجيه للسيرك لتدون اخر ملاحظتها على الاستعدادات لهذا الحدث الكبير تلمحهم و تذهب اليهم والابتسامه تملئ وجهها وتقول بنبره مرحة ولكنها حازمه في الوقت ذاته): بعد اذن الحب يا شباب بس احنا عندنا شغل انا اسفه يعني لو هقطع اللحظه الجميلة دي..!
عز (ينظر لها بغيظ ثم يرحل)
(تضحك مليكة وتُكمل سيرها
---
المشهد 5_ العرض الكبير ( سحر المسرح)
تُفتح الستارة موسيقي حماسيه خاصة بالسيرك في الخلفيه، المسرح يضيء، والجمهور يهتف. السيرك يقدم عروضه الأقوى على الاطلاق الكل يشارك
مليكة تبدأ بألعابها السحريه وخفة اليد ويليها محمود يقدم فقرة خطره من الجمباز وهو يقفز من حلقات النار، وعز يقدم فقرة مشتركة مع غرام في العقلات الهوائيه – عرض حب متكامل، إبداع بصري وحسي. ومن بعدهم جميع اعضاء الفرقة جديد وقديم يقدمون عروضهم بكل تفاني وحماس
المشهد ينتهي بتصفيق حار و مدوي، ووقوف الجمهور احترامًا لهم بما فيهم لجنة التحكيم
---
المشهد 6: لحظة إعلان الفوز
مقدم الحفل (بحماس): بعد التجول في انحاء العالم ومشاهدتنا لعروض كثيرا جئنا إلي هنا إلي ام الدنيا مصر لنشاهد عروض محليه جعلتنا ننبهر بشده جاء وقت اعلان النتيجه النهائيه...
"والفائز بجائزة أفضل سيرك وطني لعام 2025 هو... سيرك (يصمت قليلا وهو ينظر اليهم بترقب ثم يقول بصوتا عالي) هو سيرك الساحر الكبير أكرم نصار
الساحة تنفجر تصفيقًا، والألعاب النارية تنطلق في الهواء جميع الفرقه يهنئون انفسهم، وعز يستلم درع التكريم ويرفعوا عاليا
غرام تبكي فرحًا، وتحتضن مليكة وداليا التي تعرفت عليها مأخره من الفتايات الجدد
عز (في المايك): تسمحولي اقول كلمة بالمناسبه السعيدة دي.....
"كل الحب اللي ما اتقالش بصوت... اتقال بفن واتقان وحب شديد للمهنه. وكل ألم مرينا بيه هو اللي وصلنا للحظة دي."... انا بشكر الكل من قلبي واحب اقولكم انتو فعلا تستاهلو اللقب شكرا....
---
المشهد 7_ سهرة العيلة (بعد مرور 5 سنوات)
في ساحة السيرك الجميع يرقص، ياكل، يضحك.
سلماوي جالس في زاويه منعزله قليلا بعد خروجه من السجن بعد ان انهي عقوبته بسلام يضحك من قلبه وهو يراه غرام وسط الفريق تضحك وتمزح
سلماوي (لنفسه):
"اللي ضاع مني زمان... رجعلي في ضحكتك النهاردة يابنتي
نجوي ( التي خرجت ايضا من السجن تقترب من طولته وتجلس بجانبه وتقول بنبره حكيمه ولكنها مرحة):
"غرام بنت نجلاء... بس فيها ملامحك. ملامح حد اتغير بجد يا راجل يا عجوز ."
( يبتسم سلماوي ويهز راسه بتسليم)
سلماوي: عندك حق يا نجوي غرام هي المستقبل الجميل وحته من روح نجلاء اللي محوطاني
نجوي( ببتسامه صادقه لأول مرة): ربنا يبارك لك فيها ويفرحنا بيها هي وعز
سلماوي: يارب ويفرحك بمحمود ومليكه
---
المشهد 8: عز وغرام – على ضوء القمر
على طرف السيرك، بعيد عن الزحام، عز وغرام واقفين بجانب بعضهما في صمت.
غرام: كان ممكن الحب يضيع في النص... بس إحنا صبرنا."
عز (ينحني على ركبة واحدة ويطلع من جيبه علبه بها خاتم):
"غرام، تتجوزيني؟"
غرام (تدمع عيناها وبكسوف ومرح تقول ): هو انت مش قولتها ل بابا من 5 سنين وقالك خلي بالك منها وحطاها في عنيك يعني اهو الراجل موافق...!
عز (بضحك): ايوه
غرام(برخامه): اومال عايز ايه بقي...؟
عز: بطلي رخامه متفصليش اللحظة عايز اسمعها منك
غرام (بفرحه شديدة) "آه... ومليون مرة آه طبعا فكرني هرفض مثلا انت عبيط."
عز(وهو يرفع احدي حاجبيه) عبيط...؟ ماهو لسانك ده لو اتقص هنرتاح كلنا
غرام (بغيظ): بعد الشر عليا
عز (برومانسيه) طبعا... ده هو لسانك ده اللي وقعني فيكي
تبتسم غرام وهي تميل برأسها على كتفه وتنظر للسماء
---
المشهد 9_ ( عرض بعنوان "حب غير مُعلَن")....
(في عرض خاص بالسيرك بعد مرور شهور، الجمهور يحتفل بأول عرض مسرحي في السيرك... عرض من تأليف مليكة واخراج محمود وتمثيل احدي اعضاء الفرقه وانتاج عزيز يفاجئون به عز وغرام بعنوان: "حب غير مُعلَن"
العرض بيجمع بين الرومانسية، الأكشن، الكوميديا، وبيروي القصة كاملة بشكل ممتع ومرح وكان الجمهور مستمتع بشده
في الكواليس:
مليكة (لمحمود):
"إنت حقيقي بقيت مخرج جامد."
محمود (بضحك ):
"وأنتي بقيتي مؤلفه امتي معرفش..؟ بس الحقيقه انك بقيتي نجمه من غير واسطة!"
مليكة: حبيبي يا حوده انا فرحانه اوي انه عجبهم
محمود: وأنا فرحان ان انتي مبسوطه
---
المشهد 10: النهاية – سيلفي عائلي....(بعد 3 سنوات)
سيلفي جماعي أمام بوابه السيرك بكادر يظهر فيه ايضا اليافطه التي تم تجددها هي والسيرك بأكمله بواسطه عزيز عز في المنتصف، غرام ممسكه يداه بقوه وبيدها الأخري تمسك نجلاء ابنتهم التي لا تتعدي السنه بتحكم ، سلماوي ونجوي بجانبهم داليا ومحمود وامامهم ابنهم الصغير سليم على يمينهم، مليكة وخطبها اسلام على الجانب الأخر وهم يضحكون وعزيز كان يقف بجانبهم وهو مبتسم
(سهي تنظر لهم من بعيد بجانب شجرة في حديقه السيرك بندم وحزن شديد)
الكاميرا تلتقط الصورة، ويظهر المشهد الأخير على الشاشة في جملة تقول....
"الحب الحقيقي مش لازم يتقال... بس لما يظهر، بيغير العالم بأكمله."
النهاية.....
بقلم / هبة نبيل 📝
يتبع الفصل كاملا اضغط هنا ملحوظه اكتب في جوجل "رواية حب غير معلن دليل الروايات" لكي تظهر لك كاملة
•تابع الفصل التالي "رواية حب غير معلن" اضغط على اسم الرواية