رواية ساكن الروح الفصل السابع 7 - بقلم ميادة يوسف
الدكتور :: للأسف لازم ينزل، بس لازم موافقه الجهات المختصة والشرعيه، وجود الجنين فى الرحم ، هيسبب ،لك مشاكل تانيه، واحتمال انه يموت لوحده، علشان كدة، لازم يجهض والا حياتك هتكون فى خطر!!
أمينة:: يعنى ايه ، مافيش امل، اتصرف ياشاهين ، ولا علشان انت مخلف ، مش مهم عندك .
شاهين :: ماردش على أمينة، وكان مقدر ظروفها ، واحساسها ، ووجه كلامه للدكتور .
___ طب ايه المفروض نعمله دلوجتى؟
الدكتور :: عرف شاهين كل الإجراءات اللازمه ، وبعد الموافقة، هنعمل العمليه مباشرة
♡♡♡■■♡♡♡♡عند محمد
محمد :: اسمعى يامنال انا هناقش الماجستير بكرة ، بإذن الله، وبعد المناقشه ، عايز اخلص من موضوع الخطوبه ، اللى دبسوتنى فيه دة ، وقبل اى كلام ، انا حاولت وفشلت !!
منال :: طب انت متشيك كدة ، ورايح ،فين؟
___ وموضوع الخطوبه ، دة انا مقدرش ازعل بابا فيه ، وبعدين انا حاسه وشايفه كدة انك متغير ،ومحلو، وواخد بالك من حاجات كدة ، غير بالصدفه ،والله بالصدفة شفت كام رسمه كدة انت راسمها فى الكشكول على المكتب.
محمد :: بالصدفه اخ منك ، على العموم والله ، مافيش حاجة، اتكلم فيها ،بس اوعدك لما اتأكد هقولك اول واحدة😉😉
___ انا ماشى ، وخلصنى مم الموضوع دة سلام.
محمد راح كليه سلمى ، كان حابب يشوفها ويكلمها ، وفضل مستنى يشوفها مدة ، كبيرة
سارة :: بت ياسلمى اهو جه، والله بقولك عينه منك ، وعلى طول يجى هنا ، ويستنى لما نمشى ، ويطمن انك ركبتي علشان تروحى ، ويروح ماشى ، انا بقى اللى راقبته، لما لاحظت انه ماشى ورانا ، لما كنت مستنيه بابا لاحظت كل حاجه ، انا المفتش كونان يابنتى.
سلمى :: ههههه اقصدك المفتش كرمبو، ربنا يهديكي، انا مركزة فى دراستى ، وبعدين ، بعد كدة ابجى اشوف موضوع الجواز ،مش وجته!
سارة :: طب تعالى شكلها هتمطر ؟
__ نروح تحت المظله تعالى.
سلمى راحت تقف تحت المظله ، وبدأت الدنيا تمطر ، محمد راح وقف جنبها ، ونفسه يتكلم معها ، دون جدوى ، أتوبيس سلمى وصل ،
جت تتحرك اتزحلقت فى الميه ، محمد بسرعه ، مسك ايدها لحقها قبل ماتقع ، ولما بص فى وشها …اتجمد.
عيونها….
مش زى اى عيون شافها قبل كدة ، فيها حاجه….
زى صوت مريح بيجى بعد تعب اليوم ، زى ريحه ياسمين اول الربيع.
سلمى :: سيب ايدى لو سمحت ، انا كويسه ، الاتوبيس هيفوت، هتأخر !
__ شدت ايدها وزقتوا ، وقع فى الأرض، وهى ركبت ،لكن بصت عليه من شباك الاتوبيس ، وهى شايفها واقع فى الارض😯😯 بالظبط هو دة الوضع.
¤¤■■¤¤■■¤¤ عند امينه وساهين وسميرة
شاهين :: اخد أمينة فى حضنه ، أمينة ، دة حكم ربنا ، ولااعتراض، وبعدين ليكى فى الجنه ان شاء الله.
أمينة:: طب وحقى فى الدنيا فين ؟
__ ليه انا اللى اتحرم من كل حاجه حبيتها ، الاول خطيبى يموت قبل فرحنا بأسبوع، واتجوز واحد ماحبتوش، واعيش ناجصه عن كل الستات اللى جارى ، وابقى ارض بور ؟ بقلم ميادةيوسف
شاهين :: سمع كلامها ، وكان فى غضب من كلامها ، ولكن التمس ليها العذر ، بس قال لها
___ اسمعى بصوت كله غضب ، وقهر ، اللى هينزل دة حته منى ، ودة قضى ربنا ، اما اللى مات زمان فدة جضى ربنا وكله نصيب ، والجلوب عند بعضها ، ولو كلامك دة فى يوم تانى ،كان هيبجى لى تصرف تانى ؟!!
امينه :: انتبهت لكلامها، شاهين بس انا بعد كدة حبيتك ، والله ، وعمرى ماكنت احب حد زيك ، صدقنى ؟!!
___ طب اجولك ، سيب اللى فى بطنى ، هو الدكتور كان ربنا يعنى ، ممكن فضل ربنا وكرمه ، يعيش وينزل حلو؟
شاهين :: مافيش فايدة فيكى ، اجهزى، للعمليه ، انا رايح ارتب اموري.
امينه :: مش هاروح فى حته خلاص ،اخر كلامى. بقلم ميادةيوسف
سميرة :: حمدلله على السلامه ياحاج ، البيت نور ، احضر لك الوكل؟
شاهين :: الله يسلمك ياسميرة ، لا بعدين ، انا جاى اخد دفتر البنك ، عايز اسحب فلوس .
سميرة :: اه ومالو ، عن اذنك اروح انشر الغسيل!!
شاهين :: 🤔🤔 فيه ايه مالها ، مش عوايدها يعنى ، سميرة سيبى اللى فى ايدك وتعالى هنا .
سميرة :: خير فيه حاجه اعملها لك ؟
شاهين :: شدها عليه ، ومسك دقنها بايدة ، وحاوطها بايدة التانيه ، حلوة الغيرة برضوا ، اسمعى تعالى اجولك ، اللى حصل مع امينه من اول الحمل لما روحنا للدكتورة اول مرة………..
سميرة :: يالهوووى ، وانت شايل كل دة ومستحمل ليه ، كنت جولى وحط عن جلبك ، وهى عامله ايه دلوجتى ؟
شاهين :: افتكرى ، يوم ماجيت اخد هدوم من هنا ، انا جولتلك بعمل اللى عليا ، علشان اخلص زمتى ، جدام ربنا الاول ، وبعدين البشر ، وجولت لك استحملى شويه ، وبعدين هعرفك ، كل حاجه ، سامحينى ، واصبري حبه كمان ، بس معاندة ، ومش عايزة تنزلوا، وانا هاخدها غصب يعنى ولا ايه ، ان جيتى للحق ، هى صعبانه عليا جوى !!
سميرة :: اعذرها ، بس عرفنى اول بأول هتعمل ايه ، وفين ، ربنا يرفع عنك ، ويصبرها .
☆☆☆●●☆☆☆
الجميع بيهنوا، محمد على حصوله على الماجستير.
ابو محمد :: الف الف مليون مبروك يادكتور ، ربنا يفرحك ياابنى ، عقبال فرحك ، علشان اكون تميت رسالتى ، واطمن عليك ، وامك تنام فى قبرها مستريحه .
منال :: الف مليون سلامه عليك، يابابا ربنا يخليك لينا .
___ الف مبروك يامحمد ، يادكتور محمد ، بس قولى انت ازاى اتزلحقت فى المطر ورجلك جالها شرع؟؟
محمد :: مش وقته خالص ، كلمتى بابا؟
منال :: طب هو ده وقته ، وخلى عندك دم ، خطيبتك ، جمبك ،ومتنساش انها بنت عمتك ، يعنى احترم نفسك ، وبعدين انا كنت بقول ، هسافر لجوزى المانيا وانا مستريحه ، وانت هتتجوز بقى ،بس اقول فيك ايه ، دايما تلخبط لى الدنيا !!!
سمر :: ايه ياجماعة ، بتتوشوشوا ، ليه ، خلى كلامكم واضح ، الف مليون مبروك ياحمادة .
محمد :: محمد ، حمادة دى لولد صغير ، راعى وجودنا قدام الناس ، دى مش اول مرة ، ألفت نظرك لكدة .
ابو محمد :: ايه ياولاد مالكوا، واخدين جنب ، بعيد ليه ، خلى الكلام الحلو ، بعد الفرح ، يالا عازمكم على الغدا ، برة النهاردة ، عقبال فرحكم يارب .
☆☆■■☆☆■■ بعد اسبوع
شاهين :: جولت لك ننزلوا ، اهو اديه مات فى بطنك ، فيه حاجات ماينفعش فيها عند ، الله يهديكى .
الدكتور :: جاهزين ، يامدام أمينة، ربنا يعوض عليكى ، الممرضه هتيجى ، تاخدك كمان شويه ، عن اذنكوا.
شاهين :: ابن حلال الدكتور ، دة وعنده ضمير ، يالا ياامينة أجهزى، ربنا يجومك بالسلامه!!
■■ دخلت امينه غرفه العمليات ، وشاهين منتظرها ، بالخارج ، جت سميرة ، تقف جنبه ، شاهين كان واقف ساند على حيطة غرفه العمليات ومغمض عينه ، سميرة مدت ايدها على كتفه.
شاهين :: انتبه ، سميرة ،ايه جابك ،وتعبتى حالك ، كنت خليكى ، مع الولاد ، جمال جه النهاردة؟
سميرة :: طب ينفع اسيبك لوحدك ، فى يوم زى دة ، اقعد تعالى هنا ، أخبارها ايه؟
شاهين :: العيل مات فى بطنها، وبعد الدكتور ما دخل ،اكتشف ان الرحم لازم ينشال ، كلامه انطبق مع كلام الكام دكتور التانين، لي اسبوع من عيادة لعيادة ودكتور لدكتور ، وكلهم رأى واحد ، هنشيل الرحم كمان ، ربنا يجومها بالسلامه ، ويعوض عليها .
سميرة :: يارب ، ربنا يخليك لينا سند وضهر ، ويعوضها خير .بقلم ميادةيوسف
☆☆☆☆ تانى يوم
أمينة:: بتبكى وتصرخ ، ليه شلت الرحم يادكتور ، ليه ؟
الدكتور :: انا معرفك كل حاجه ، وجوزك كمان عارف ، الحاله تستدعي كدة ، والأشعة والتحاليل ، ورأى اللجنه الطبيه موجود ، مافيش داعى لطريقه كلامك دى ، وبعدين انا عاذرك ، ربنا يعوض عليكى.
شاهين :: خلاص جدر ربنا ، واحنا مؤمنين .
سميرة :: دخلت عليهم ، الف سلامة عليكى، ياامينه ،ربنا يعوضك خير!!
امينه :: جايه تشمتى فيا صح ، بس لاء انا حلوة ، ومافيش حاجه نجصانى ، ومحدش هيشمت فيا ، ويارب تدوجى ، اللى انا فيه؟
شاهين :: امينه ، اخرصى الحج عليها ، مهمله دارها وحالها ، وهنا من امبارح معك ، ومش هرد عليكى ، فى دعوتك دى ، فال الله ولا فالك ، الله اكبر عليكى .
_ تعالى ياسميرة ، اروحك، كتر خيرك على جيتك ، دى يابنت الأصول.
____ سعديه خليكى مع امينه ، لما اجى .
شاهين :: اركبى يالا ، ماتزعليش نفسك ، هى مش فى وعيها ، ربنا يخلى لينا ولادنا.
سميرة :: بتبكى وقلبها مقهور من كلام أمينة و……
ياترى ايه مستنى سلمى ومحمد؟
سميرة وشاهين هيعملوا ايه مع امينه ؟
يتبع….
- يتبع الفصل التالي اضغط على ( رواية ساكن الروح ) اسم الرواية